Jambudwip Pragnapti Sutra

Author(s): Nemichand Banthiya, Parasmal Chandaliya
Publisher: Akhil Bharatiya Sudharm Jain Sanskruti Rakshak Sangh

Page 450

सप्तम् वक्षस्कार - करण विवेचन
४३३
करण विवेचन
(१८६) कइ णं भंते! करणा पण्णत्ता?
गोयमा! एक्कारस करणा पण्णत्ता, तंजहा-बवं बालवं कोलवं थीविलोयणं गराइ वणिज विट्ठी सउणी चउप्पयं णागं किंथुग्धं ।
एएसि णं भंते! एक्कारसण्हं करणाणं कइ करणा चरा कइ करणा थिरा पण्णत्ता?
गोयमा! सत्त करणा चरा चत्तारि करणा थिरा पण्णत्ता, तंजहा-बवं बालवं कोलवं थीविलोयणं गराइ वणिजं विट्ठी, एए णं सत्त करणा चरा, चत्तारि करणा थिरा पण्णत्ता, तंजहा-सउणी चउप्पयं णागं किंथुग्धं, एए णं चत्तारि करणा थिरा पण्णत्ता। . एए णं भंते! चरा थिरा वा कया भवंति?
गोयमा! सुक्कपक्खस्स पडिवाए राओ बवे करणे भवइ, बिइयाए दिवा बालवे करणे भवइ, राओ कोलवे करणे भवइ, तइयाए दिवा थीविलोयणं करणं भवइ, राओ गराइकरणं भवइ, चउत्थीए दिवा वणिज राओ विट्ठी पंचमीए दिवा बवं राओ बालवं छट्ठीए दिवा कोलवं राओ थीविलोयणं सत्तमीए दिवा गराइ राओ वणिजं अट्ठमीए दिवा विट्ठी राओ बवं णवमीए दिवा बालवं राओ कोलवं दसमीए दिवा थीविलोयणं राओ गराइ एक्कारसीए दिवा वणिज राओ विट्ठी बारसीए दिवा बवं राओ बालवं तेरसीए दिवा कोलवं राओ थीविलोयणं चउद्दसीए दिवा गराइकरणं राओ वणिजं पुण्णिमाए दिवा विट्ठीकरणं राओ बवं करणं भवइ।
'बहुलपक्खस्स पडिवाए दिवा बालवं राओ कोलवं बिइयाए दिवा थीविलोयणं राओ गराइ तइयाए दिवा वणिज राओ विट्ठी चउत्थीए दिवा बवं राओ बालवं पंचमीए दिवा कोलवं राओ थीविलोयणं छट्ठीए दिवा गराइ राओ