Jain Dharma Vigyanni Kasotie Ke Vigyana Jain Dharmni Kasotie

Author(s): Nandighoshvijay
Publisher: Bharatiya Prachin Sahitya Vaigyanik Rahasya Shodh Sanstha

Page 31

અતીન્દ્રિય શક્તિવાળા મહાપુરુષો આ શક્તિને જોઈ શકે છે. જ્યાં વીજશક્તિ હોય ત્યાં ચુંબકત્વ અવશ્ય હોય જ. બંને શક્તિ એકબીજી સાથે સંકળાયેલી છે એવું પ્રતિપાદન ઈ.સ. 1833માં માઇકલ ફેરાડેએ કરેલું જ છે. વળી જ્યાં વીજ-ચુંબકીય શક્તિ હોય ત્યાં વીજ-ચુંબકીય ક્ષેત્ર પણ હોય છે.
આપણે ભલે, જૈવિક-વીજ-ચુંબકીય ક્ષેત્રને જોઈ શક્તા નથી પરંતુ આજે અત્યાધુનિક વૈજ્ઞાનિક સાધનો દ્વારા, કિર્તિયન ફોટોગ્રાફીથી જૈવિક-વીજ-ચુંબકીય ક્ષેત્રના રંગીન ફોટોગ્રાફ્સ લેવાય છે, એટલું જ નહિ, તેમાંના રંગોના આધારે તથા તેની અપૂર્ણતાના પરીક્ષણ દ્વારા રોગોનું નિદાન પણ કરવામાં આવે છે.
પ્રાચીન કાળના મહાપુરુષોએ આ જૈવિક-વીજ-ચુંબકીય ક્ષેત્રને આભામંડળ (aura) નામ આપેલું જ છે.
મનુષ્યના આભામંડળની બાબતમાં નિષ્ણાતોનો એવો અભિપ્રાય છે કે કોઈપણ રોગ શરીરમાં પ્રવેશે તેના ત્રણ મહિના પૂર્વેથી આભામંડળમાં તે રોગની અસર જણાવવા લાગે છે. એટલે કિર્લિયન ફોટોગ્રાફી દ્વારા લેવાયેલું આભામંડળના ફોટોગ્રાફ્સના પરીક્ષણ દ્વારા રોગને જાણી તેના ઉપચાર કરી રોગને શરીરમાં પ્રવેશતો અટકાવી શકાય છે અને નીરોગી બની શકાય છે. અલબત્ત, ત્યારે પણ રોગ સૂક્ષ્મ સ્વરૂપે તો શરીરમાં પ્રવેશી ગયો હોય છે. માત્ર સ્થૂલ સ્વરૂપે તેનો આવિર્ભાવ થયો હોતો નથી.
ટૂંકમાં, જૈવિક-વીજ-ચુંબકીય શક્તિ વિજ્ઞાનસિદ્ધ હકીક્ત છે એમાં કોઈ શંકાને |સ્થાન નથી.
આ શક્તિનું ઉત્સર્જન દરેક સજીવ પદાર્થમાંથી થાય છે એ ખરું, પરંતુ તેના પ્રકાર અને જથ્થાનો આધાર તે તે પદાર્થની શારીરિક, માનસિક અને આધ્યાત્મિક ઉત્ક્રાન્તિ ઉપર છે. સાથે સાથે તે તે સજીવ પદાર્થના આત્માને લાગેલાં શુભ-અશુભ કર્મો તથા આત્માની શક્તિને આવરણ કરનારાં કર્મો કેટલા પ્રમાણમાં દૂર થયાં છે? તેના ઉપર પણ તેનો આધાર છે. આ બધા જ ઘટકો કેવળજ્ઞાની તીર્થંકર પરમાત્મામાં સૌથી વધુ પ્રમાણમાં હોય છે, તેથી તેઓની જૈવિક-વીજ-ચુંબકીય શક્તિ ઉત્તમોત્તમ પ્રકારની તથા ઉચ્ચતમ જથ્થામાં હોય છે.
જૈન દાર્શનિક પરંપરા પ્રમાણે કોઈપણ જીવને મન, વચન અને શરીર એ ત્રણમાંથી ઓછામાં ઓછું શરીર તો દરેકને હોય જ, ચાહે એ જીવ ગમે તેટલી નિમ્નતમ કક્ષામાં અર્થાત્ પ્રામિક અવસ્થામાં કેમ ન હોય?
જૈનદર્શન પ્રમાણે મન હાથી, ગાય, ઘોડા, વગેરે પશુઓ તથા ચકલી, પોપટ, મેના, કોયલ વગેરે પક્ષીઓ, મનુષ્યો, દેવો અને નારકોને જ હોય છે. જ્યારે
30