Jain Dharma Vigyanni Kasotie Ke Vigyana Jain Dharmni Kasotie

Author(s): Nandighoshvijay
Publisher: Bharatiya Prachin Sahitya Vaigyanik Rahasya Shodh Sanstha

Page 62

ટૂંકમાં, "પાણી ઊકાળીને શા માટે પીવું જોઈએ?" એ પ્રશન યથાવતું જ રહે છે. આ પ્રશ્નનો ઉત્તર વૈજ્ઞાનિક સંશોધનોના આધારે આ પ્રમાણે આપી શકાય.
વિજ્ઞાનના સિદ્ધાંત પ્રમાણે પ્રત્યક પ્રવાહમાં ધનવિદ્યુતભારવાળા અણુઓ તથા ઋણવિદ્યુતભારવાળા અણુઓ હોય છે. કુવા, તળાવ, નદી, વરસાદ વગેરેના પાણીમાં ક્ષાર હોય છે અને સાથે સાથે તેમાં ઋણવિધુતભારવાળા અણુઓ પણ વધુ પ્રમાણમાં હોય છે. આ ઋણવિદ્યુતભારવાળા અણુવાળું પાણી પીવાથી શરીરમાં ખૂબ જ તાઝગીનો અનુભવ થાય છે. આવું પાણી ક્યારેક વિકાર પણ પેદા કરે છે, પરંતુ જ્યારે પાણીને ગરમ કરવામાં આવે છે ત્યારે તે પાણી અચિત્ત તો થઈ જ જાય છે પણ સાથે સાથે તેમાં રહેલ ઋણવિદ્યુતભારવાળા અણુ તટસ્થ થઈ જાય છે. પરિણામે ગરમ કરવામાં આવેલ પાણી શારીરિક અને માનસિક વિકૃતિઓ પેદા કરી શકતું નથી માટે જ સાધુ-સાધ્વી તથા તપશ્ચર્યા કરનાર ગૃહસ્થ ગરમ કરેલ અચિત્ત પાણી પીવું જોઈએ.
આ વાતની વૈજ્ઞાનિક સાબિતીના સ્વરૂપમાં જણાવવાનું કે અમેરિકા જેવા વિકસિત દેશમાં હમણાં થોડાંક વરસોથી વાતાનુકુલિત એરકન્ડિશન્ડ કચેરી વગેરેમાં વાતાવરણને ધનવિદ્યુતુભારવાળા અણુઓથી રહિત અથવા ઋણવિદ્યુતુભારવાળા અણુઓવાળું કરવા માટેના વિશિષ્ટ સાધનો બજારમાં ઉપલબ્ધ છે, જે ઘણી સંખ્યામાં વેચાય છે. એનું મુખ્ય કારણ એ છે કે વાતાનુકુલિત સ્થાનોમાં જ્યાં હવા ઠંડી કરવામાં આવે છે, ત્યાં સહેજ પણ ગરમી લાગતી નથી તો પણ ત્યાં બેઠેલ કર્મચારીવર્ગને કામ કરવાનું મન થતું નથી અને શારીરિક-માનસિક જડતા-સુસ્તી આવી જાય છે. આ રીતે જોઈએ તેવું અને જોઈએ તેટલું કામ થતું નથી. આ અંગે સંશોધન કરતાં જાણવા મળ્યું કે વાતાનુકુલિત વાતાવરણમાં ધનવિદ્યુતુભારવાળા અણુઓની સંખ્યા ઘણી વધુ હોય છે, જો તે ઓછી કરવામાં આવે અને સાથે સાથે ઋણવિદ્યુતુભારવાળા અણુઓની સંખ્યા વધારવામાં આવે તો વાતાવરણ તાઝગીવાળું અને સ્કૂર્તિદાયક બની જાય. આ સંશોધનના આધારે જ તેઓએ વાતાવરણને ઋણવિદ્યુતુભારવાળું બનાવવા માટે આયોનાઈઝેશન ઉપકરણ બનાવ્યું. આ મશીન દર સેકંડે અબજોની સંખ્યામાં ઋણવિદ્યુતુભારવાળા અણુઓ પેદા કરીને બહાર ફેંકે છે. વરસાદના દિવસોમાં આપણને અનુભવ છે કે એવા દિવસોમાં ફક્ત ખાઈ પીને સૂઈ જવાની જ વૃત્તિ રહે છે, કોઈ કામમાં મન લાગતું નથી કારણ કે એ સમયે વાતાવરણમાં ધનવિદ્યુતુભારવાળા અણુઓનું પ્રમાણ ખૂબ જ હોય છે. માટે ગરમ/ઊકાળેલું પાણી પીવું તે માત્ર જીવદયા અને આરોગ્ય વિજ્ઞાનની દષ્ટિએ જ નહિ પણ મનની પ્રસન્નતા અને તંદુરસ્તી માટે પણ જરૂરી છે. ઉપર જે કાંઈ કહ્યું તે સંપૂર્ણ રીતે વૈજ્ઞાનિક છે.
61