Jain Dharma Vigyanni Kasotie Ke Vigyana Jain Dharmni Kasotie

Author(s): Nandighoshvijay
Publisher: Bharatiya Prachin Sahitya Vaigyanik Rahasya Shodh Sanstha

Page 53

તે જ રીતે લુખ્ખો સુકો આહાર પણ વધુ પ્રમાણમાં લેવામાં આવે તો પણ શરીરમાં જડતા અને વિકાર પેદા કરે છે માટે તેવો રુક્ષ આહાર પણ મર્યાદિત પ્રમાણમાં લેવો.
કેશ, રોમ, નખ સમારવા અને સ્નાન, વિલેપન કરવાનું પણ બ્રહ્મચારી માટે નિષિદ્ધ છે કારણ કે બ્રહ્મચારીનું વ્યક્તિત્વ જ તેજસ્વી, ઓજસ્વી હોય છે માટે તેઓને સ્નાન, વિલેપનની જરૂર નથી. જો તેઓ સ્નાન, વિલેપન કરે તો વધુ દેદીપ્યમાન બને અને અન્ય વ્યક્તિ માટે આકર્ષણનું કેન્દ્ર બને. પરિણામે ક્યારેક અશુભ વિચાર દ્વારા વિજાતિય વ્યક્તિનું ચુંબકીય ક્ષેત્ર મલિન બનેં અને એ વ્યક્તિના સંપર્કમાં આવનાર સાધુનું મન પણ લિન બનતાં વાર લાગતી નથી માટે સાધુએ શરીરને શણગારવું નહિ કે સ્નાન, વિલેપન પણ કરવાં નહિ.
આ નવ પ્રકારના નિયમોનું જેઓ ચુસ્તપણે પાલન કરે છે તેમના માટે શારીરિક અને માનસિક બંને પ્રકારે બ્રહ્મચર્યનું પાલન આજના કાળમાં પણ શક્ય છે, અને તેના પાલનથી અનેક પ્રકારની લબ્ધિ-સિદ્ધિ પ્રાપ્ત થાય છે.
વળી નૈષ્ઠિક બ્રહ્મચર્યવાળા મહાપુરુષોનાં સાંનિધ્યમાં અને તેમના સ્મરણથી પણ નૈષ્ઠિક બ્રહ્મચર્ય પાળવાનું સામર્થ્ય પ્રાપ્ત થાય છે. અમારા સૌના પરમ ઉપકારી ગુરુદેવ શાસનસમ્રાટ આચાર્ય શ્રીવિજયનેમિસૂરિજી મહારાજ પણ આવા નૈષ્ઠિક બ્રહ્મચર્યના તેજપૂંજ હતા. તેમના નામ સ્મરણથી પણ અમારામાં નૈષ્ઠિક બ્રહ્મચર્ય પાળવાનું સામર્થ્ય ઉત્પન્ન થાય છે.
52