Gathasahastri

Author(s): Samaysundar,
Publisher: Zaveri Mulchand Hirachad Bhagat Mumbai

Page 37

१६
गाथासहस्री।
नियट्टि ८ अनियट्टि ९ सुहुमु १० वसम ११ खीण १२ सजोगि १३ अजोगि गुणा १४ ।।) पावइ सुरनररिद्धी, सुकुलुप्पत्ती य भोगसामिद्धी। नित्थरइ भवमऽगारी, सिज्जादाणेण साहूणं ॥२४९।। संगमय १ कालसूरी २, कविला ३ अंगार ४ पालया ५ दोवि ६ ! नो जीव ७ गुढमाहिल ८, उदाइनिव मारय ९ अभवा ॥२५०॥ अंउणट्ठिसयसहस्सा, सत्तावीसं भवे सहस्साई । चत्ताकोडाकोडी वासाणं उसभजिण आउं ॥२५१॥ उस्सेह अंगुलेणं, अह उड्ढमुस्सेह सत्त रयणीओ। तिरिलोए पणधणुसय, सासयपडिमा पणिवयामि ॥२५२॥ गोहुम १ साली २ जवजव ३, जवाइ ४ धन्नाण कुट्ठगाईसु । खविआणं उक्कोसं, वरिसतिगं होइ सञ्चित्तं ।। २५३ ॥ तिल १ मुग्ग २ मसूर ३ कैलाय ४ मास ५ चवलग ६ कुलत्थ ७ तुवरीणं ८। तह बट्टचणग ९ वल्लाण १० वरिसपणगं सजीवत्तं ।। २५४ ॥ अइसी १ लदार कंगू ३, कोडीसग ४ सण ५ बरट्र ६ सिद्धत्था ७ । कुदव ८ रालग ९ मूलग, बीआणं १० सत्त वरिसाणं ॥२५५॥ अमित्तो मित्तरूवेण, कंठं घेत्तूण रोअई । मामित्तो सग्गइं जाइ, दोवि गच्छामु दुग्गई ॥२५६ ॥ उवएसा दिजंति, हत्थे नचाविऊण अन्नसिं । जं अप्पणा न कीरइ, किमेस विकाणुओ धम्मो ।। २५७ ॥ सदेण मिउ रूवेण पयंगओ महुअरो अ गंधेणं । आहारेण य मच्छो, बज्झइ फासेणऽवि गइंदो ॥२५८॥ कत्थवि जीवो बलिओ, कत्थवि कम्माई हुँति बलिआई। जीवस्स य कम्मस्स य पुवनिबद्धाइ वेराइं॥२५९॥ राई सरिसवमित्ताणि, परच्छिदाणि पाससे । अप्पणो बिल्लमित्ताणि, पासंतोऽवि न पाससे ॥२६०॥ सीसं धुणियं चित्तं, चमकिअं पुलकिअं च अंगेहिं । तहवि हु परगुणगणे, खलस्स नहु निग्गया वाणी ॥२६१॥ पंचेंदिआ मणुस्सा, एग[स]नर भुत्तनारिंगभंमि। उक्कोसं नव लक्खा, जायंती एगवेलाए ॥ २६२ ।। संघीइआण कजे, चुण्णिज्जा चक्कट्टिसिन्नपि । तीए लद्धी जुओ, लद्धि पुलाओ मुणेयचो ॥ २६३ ॥ उत्तमनर १ पंचुत्तर २ तायत्तीसा य ३ पुवधर ४ इंदा ५ । केवलि दिक्खिअ ६, सासणदेवी ७ जक्खा य ८ नो अभव ।। २६४ ॥ अरिहंत १ सिद्धि २ चेइय ३, तब ४ सुअ ५ गुरु ६ साहु ७ संघ ८ पडिणीओ। बंधइ दसणमोहं, अणंतसंसारिओ जेणं ॥ २६५ ।। जो जेण सुद्धधम्ममि ठाविओ संजएण गिहिणा वा ! सो चेव तस्स जायइ, धम्मगुरू धम्मदाणाओ ॥ २६६ ॥ आरंभे नस्थि दया, महिलासंगेण नासए धंभं । संकाए सम्मत्तं, पवजा दिव] अत्थगहणेणं ॥ २६७ ।। गिहिवावारपरिस्सम-खिन्नाण नराण वीसमहाणं । एगाण होइ रमणी, अण्णाण जिणिंदवरधम्मो ॥ २६८ ॥ तुल्लेवि उअरभरणे, मूढ अमूढाण पिच्छसु विवागं । एगाण नरयदुक्खं, अण्णेसिं सासयं सुक्खं ॥ २६९॥ जीवंति पुहविपडिआ, भयरवपडिआवि केवि जीवंति । जीवंति खग्गछिन्ना, चट्ट च्छिन्ना न जीवंति । २७० ॥ आवायमित्तगुरुएहिं तह पेरंतलहुअभूएहिं । घंटानिनायसरिसेहिं लजिमो लोअपिम्भेहिं ।। २७१ ॥ नलिण मिणं मलिणमिणं, विरसमिणं गंधवज्जियमिणं च । मालइरत्तो भमरो, परिहरह विआरिसं कुसुमे ॥ २७२ ॥ अइहासो १ अइतोसो २, अइदुजाण-माणुसेहिं संवासो । अइउबभडो अ वैसो, पंचवि गुरुअरस लहुअंति ॥ २७३ ॥ कालंमि अणाईए, जीवाणं विविहकम्मवसगाणं ।
१-५९ लाख कोडाकोडी, २७ सहस कोडाकोडी, ४० कोडाकोडी, अङ्कतोऽपि यथा-५९२७०४०००००००००॥ ८४ वरसे १ पूर्वाङ्ग (2) ८४ लाख पूर्वाह्न १ पूर्व (२)। ८४ लाख पूर्वे १ त्रुटिताङ्ग (३)। एतलउ आदिनाथ आउषु गाथोक्त ॥ २-शाश्वतजिनस्तवने वृत्ती सूत्रेऽपि यथा-पडिमा पुण गुरुआओ, पणधणुसयलहुअसत्तहत्याओं ॥ ३-कलाय:-त्रिपुटाख्यधान्यविशेषः । ४ वट्टयणका-शिखारहिता वृत्ताकाराश्चणकविशेषाः ॥ ५-लहा-कुसुम्भपीत०, कंगू-तन्दुलाः, कोद्रयविशेषः। शणं त्वप्रधानं बरदृत्ति 'बरटी' इति प्रसिद्धम् । ६-तस्य हि एतादृशी शक्तियेया चक्रवर्तिस्कन्धावारमपि यो गृहीयाद्विनाशयेद्वान प्रायश्चित्तं प्राप्नुयात्, भाष्यवृत्तौ ।
"Aho Shrut Gyanam"