Arhat Jivan Jyoti

Author(s): Hiralal R Kapadia
Publisher: Bhagwanlal Pannalal

Page 6

આમુખ ગુજરાતી અક્ષરજ્ઞાન ધરાવતા વિદ્યાર્થીઓથી શરૂ કરી ઉત્તરોત્તર ચઢિયાતી કક્ષાના વિદ્યાર્થીઓને ઉપયોગી થાય એવી અગ્યાર કિરણાલીઓ તૈયાર કરી આપવાનું કામ અમારા પૂજ્ય વડીલ બંધુ સ્વ. બાબુ જીવનલાલ પનાલાલજીએ પ્રો. હીરાલાલ રસિકદાસ કાપડિયા એમ. એ. મહાશયને સોંપ્યું હતું. આ કિરણાલીઓ પૈકી પહેલી ચાર કિરણવલીઓ અમારા વડીલ બંધુએ પ્રસિદ્ધ કરી છે. આજે આ છરી કિરણાવલીના પ્રકાશન સમયે તેઓ હૈયાત નહિ હોવાથી અમને પારાવાર ખેદ થાય છે તેમજ સાથે સાથે એમણે આદરેલું કાર્ય અને ચાલુ રાખી શક્યા છીએ તે બદલ અમને આનંદ પણ થાય છે.
પહેલી પાંચ કિરણાવલીની જેમ પ્રસ્તુત કિરણાલી પણ અમોએ યોગ્ય સુધારાવધારા તથા સૂચના માટે જુદા જુદા સાક્ષરો ઉપર મોકલાવી હતી. જે સાક્ષરોએ અમોને આ કિરણાવલી જોઈ આપી છે એ બધાનો અમે અહીં આભાર માનીએ છીએ અને ભવિષ્યમાં પ્રસિદ્ધ થનાર કિરણાવલીઓમાં પણ પોતાને સક્રિય સહકાર અમને આપવા અને તેમને વિનંતિ કરીએ છીએ.
પહેલી ચાર કિરણાલીઓની જેમ પાંચમી કિરણાવલી પ્રસિદ્ધ થયા બાદ અમોએ તેની નકલો અભિપ્રાય તેમજ સૂચન માટે જુદા જુદા મુનિવરો, વિવિધ પાઠશાળાઓના સંચાલકો તથા અન્ય જૈન તેમજ અજૈન સજજનો ઉપર મોકલાવી હતી. આમાંથી જેઓએ અમને પોતાને અભિપ્રાય મોકલેલો છે તેઓનો અમે અહીં આભાર માનીએ છીએ. સાથે સાથે જે પત્રકારોએ પાંચમી કિરણાવલીની સમાલોચના પોતાના પત્રમાં પ્રસિદ્ધ કરી છે એ પત્રકારોનો પણ અમે અહીં આભાર માનીએ છીએ.
હાલમાં પહેલી, બીજી, ત્રીજ, ચોથી અને પાંચમી કિરણાલી અહીંની બાબુ પનાલાલ પી. જૈન હાઈસ્કૂલમાં ધાર્મિક અભ્યાસના પાઠ્યપુસ્તક તરીકે શીખવવામાં આવે છે. વળી કેટલીક પાઠશાળાઓમાં પણ આ કિરણાવલીઓને સ્થાન આપવામાં આવ્યું છે અને ઇનામ તરીકે પણ આનો ઉપયોગ કરાય છે.
આ છઠ્ઠી કિરણાલીમાં ન્યૂનતા જણાય તો તે સૂચવવા તજને અમારી ખાસ વિનંતિ છે જેથી બીજી આવૃત્તિમાં તે તરફ બનતું લક્ષ્ય આપી શકાય.
યોજક મહાશયે આહત જીવન જ્યોતિને ઉદ્દેશીને તૈયાર કરેલી વિસ્તૃત પ્રસ્તાવના, અમારા વડીલ બંધુનું વક્તવ્ય તેમજ અભિપ્રાયો હવે પછી સ્વતંત્ર પુસ્તકરૂપે બહાર પાડવા અમારી ઈચ્છા છે.
ભગવાનલાલ પનાલાલ
જીવનવિલા, મલબાર હિલ,
મુંબઈ તા. ૨૩-૨-૪ર.
તથા મોહનલાલ પનાલાલ