Agam 17 Upang 06 Chandra Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 37

www. kobatirth.org
उवसंकमित्ता चारं चरति तता णं दिवसराई तहेव, तंसिं च णं दिवसंसि एक्काणउति जोयणसहस्साइं तावखेत्ते पं०, ता जया णं सूरिए सव्वबाहिरं मंडलं उवसंकभित्ता चारं चरति तता णं राईदियं तहेव, तस्सि च णं दिवसंसि एगद्विजोयणसहस्साइं तावखेत्ते पं०, तता णं छवि पंचवि चत्तारिवि जोयणसहस्साइं सूरिए एगमेगेणं मुहत्तेणं गच्छति एगे एव०, वयं पुण एवं वदामो-ता सातिरेगाई पंच जोयणसहस्साइं सूरिए एगमेगेणं मुहुत्तेणं गच्छति, तत्थ को हेतूत्ति वदेज्जा?, ता अयण्णं जंबुद्दीवे० परिक्खेवेणं, ता जता णं सूरिए सव्वभंतरं मंडलं उवसंकमित्ता चारं चरति तता णं पंच २ जोयणसहस्साइं दोण्णि य एकावण्णे जोयणसए एगूणतीसं च सद्विभागे जोयणस्स एगमेगेणं मुहुत्तेणं गच्छति, तता णं इधगतस्स मणुस्सस्स सीतालीसाए जोयणसहस्सेहिं दोहि य तेवद्वे हिं जोयणसतेहिं एक्वीसाए य सद्विभागेहिं जोयणस्स सूरिए चक्खुप्फासं हव्वमागच्छति, तया णं दिवसराई तहेव, से णिक्खममाणे सूरिए णवं संवच्छरं अयमाणे पढमंसि अहोरत्तंसि अब्भितराणंतरं मंडलं उवसंकमित्ता चारं चरति, ता जया णं सूरिए अब्भितराणंतरं मंडलं उवसंकमित्ता चारं चरति तता णं पंच २ जोयणसहस्साइं दोण्णि य एकावण्णे जोयणसते सीतालीसं च सद्विभागे जोयणस्स एगमेगेणं मुहत्तेणं गच्छति, तता णं इहगयस्स मणूसस्स सीतालीसाए जोयणसहस्सेहिं अउणासीते य जोयणसतेण सत्तावण्णाए य सद्विभागेहिं जोयणस्स सद्विभागं च एगट्टिहा छेत्ता अउणावीसाए चुण्णियाभागेहिं सूरिए चक्खुप्फास हव्वमागच्छति, तता णं दिवसराई तहेव, (१८६७, १२३), से णिक्खममाणे सूरिए दोच्चंसि अहोरतंसि अब्भितरं तच्चं मंडलं उवसंकमित्ता चारं चरति, ॥ श्री चन्द्रप्रज्ञप्त्युपाङ्गम् ॥
२६
पू. सागरजी म. संशोधित