Agam 17 Upang 06 Chandra Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 82

www. kobatirth.org
पुच्छा?, ता पुणव्वसुणा चेव, पुणव्वसुस्स णं जहा चंदस्स । ६८ । ता जेणं अज्ज णक्खत्तेणं चंदे जोयं जोएति जंसि देसंसि से णं इमाणि अट्ठ एकूणवीसाणि मुहुत्तसताइं चउवीसं च बावद्विभागे मुहुत्तस्स बावद्विभागं च सत्तद्विधा छेत्ता बावठि चुण्णियाभागे उवायिणावेत्ता पुणरवि से चंदे अण्णेणं तारिसएणं चेव णक्खत्तेणं जोयं जोएति अण्णंसि देसंसि, ता जेणं अज्ज णक्खत्तेणं चंदे जोयं जोएति जंसि देसंसि से णं इमाई सोलसअट्ठतीस मुहुत्तसताइं अउणापण्णं च बावद्विभागे मुहुत्तस्स बावद्विभागं च सत्तद्विधा छत्ता पण्णट्ठी चुण्णियाभागे उवायिणावेत्ता पुणरवि से णं चंदे तेणं चेव णक्खत्तेणं जोयं जोएति अण्णंसि देसंसि, ता जेणं अज्ज णक्खत्तेणं चंदे जोयं जोएति जंसि देसंसि से णं इमाई चउप्पण्णमुहुत्तसहस्साइं णव य मुहुत्तसत्ताई उवादिणावित्ता पुणरवि से चंदे अण्णेणं नारिसएणं नक्खत्तेणं जोयं जोएति तंसि देसंसि, ता जेणं अज्ज णक्खत्तेणं चंदे जोयं जोएति जंसि २ देसंसि से णं इमं एवं मुहुत्तस्यसहस्सं अट्ठाणउतिं च मुहुत्तसताई उवायिणावित्ता पुणरवि से चंदे तेण चेव णक्खत्तेणं जोयं जोएइ तंसि देसंसि, ता जेणं अज्ज णक्खत्तेणं सूरे जोयं जोएति जंसिं देसंसि से णं इमाई तिण्णि छावट्टाई राईदियसताई उवादिणावेत्ता पुणरवि से सूरिए अण्णणं तारिसएणं चेव नक्खत्तेणं जोयं जोएति तंसि देसंसि, ता जेणं अज्ज नक्खत्तेणं सूरे जोयं जोएति तंसि देसंसि से णं इमाई सत्तदुतीसं राईदियसताई उवाइणावेत्ता पुणरवि से सूरे तेणं चेव नक्खत्तेणं जोयं जोएति तंसि देसंसि, ता जेणं अज्ज णक्खत्तेणं सूरे जोयं जोएति जंसि देसंसि से णं इमाई अट्ठारस वीसाई राईदियसताई उवादिणावेत्ता पुणरवि से ॥ श्री चन्द्रप्रज्ञप्त्युपाङ्गम् ॥
७१
पू. सागरजी म. संशोधित