Agam 17 Upang 06 Chandra Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 96

ता अंधकारपक्खाओ णं दोसिणा बहू आहि०, ता कहं ते अंधयारपक्खातो दोसिणापक्खे दोसिणा बहू आहि०?, ता/ अंधकारपक्खातो णं दोसिणापक्खं अयमाणे चंदे चत्तारि बायाले मुहत्तसते छातालीसं च बावट्ठिभागे मुहुत्तस्स जाइं चंदे विरजति, तं०-पढमाए पढम भागं जाव पण्णरसीए पण्णरसं भागं, एवं खलु अंधकारपक्खातो दोसिणापक्खे दोसिणा बहू आहि०, ता केवतिया णं दोसिणापक्खे दोसिणा बहू आहि०?, ता परित्ता असंखेजा भागा, ता कता ते अंधकारे बहू आहि०?, ता अंधयारपक्खे णं बहू अंधकारे आहि०, ता कहं ते अंधकारपक्खे अंधकारे बहू आहि०?, ता दोसिणापक्खातो अंधकारपक्खे अंधकारे बहू आहि०, ता कहं ते दोसिणापक्खातो अंधकारपक्खे अंधकारे बहू आहि०? ता दोसिणापक्खातो गं अंधकारपक्खं अयमाणे चंदे चत्तारि बाताले मुहत्तसते छायालीसंच बावट्ठिभागे मुहत्तस्स जाइं चंदे रजति तं०-पढमाए पढम भागं जाव पण्णरसीए पण्णरसम भागं, एवं खलु दोसिणापखातो अंधकारपक्खे अंधकारे बहू आहि०, ता केवतिएणं अंधकारपक्खे अंधकारे बहू आहि०?, परित्ता असंखेजा भागा ॥ ८२॥ चोद्दसमं पाहुडं १४॥ ___ता कहं ते सिग्धगती वत्थू आहि०, ता एतेसिं णं चंदिमसूरियगहगणनक्खत्ततारारूवाणं चंदेहितो सूरा सिग्धगती सूरेहिता गहा० गहेहिंतो णक्खत्ता० णक्खत्तेहिंतो तारा० सव्वप्यगती चंदा सव्वसिग्धगती तारा, ता एगमेगेणं मुहुत्तेणं चंदे केवतियाई भागसताई गच्छति ?, ता जं जं मंडलं उवसंकमित्ता चारं चरति तस्स २ मंडलपरिक्खेवस्स सत्तरस अडसद्धिं भागसते गच्छति ॥ श्री चन्द्रप्रज्ञप्युपाङ्गम् ॥
पू. सागरजी म. संशोधित