Agam 17 Upang 06 Chandra Pragnapti Sutra Shwetambar

Author(s): Purnachandrasagar
Publisher: Jainanand Pustakalay

Page 60

णक्खत्ताणं तत्थ जे से णक्खत्ते जे णं चत्तारि अहोरते छच्च मुहुत्ते सूरेण० से णं एगे अभीयी, एवं उच्चारेयव्वाइं जाव तत्थ जे त्रे णक्खत्ता जे णं वीसं अहोरत्ते तिण्णि य मुहुत्ते सूरेण सद्धिं जोयं जोएंति ते णं छ, तं०- उत्तरा भद्दवता जाव उत्तरासाढा ३४ ॥१०.२ ॥
ता कहं ते एवंभागा आहि०?, ता एतेसिं णं अट्ठावीसाए णक्खत्ताणं अत्थि णक्खत्ता पुव्वंभागा समखेत्ता तीसतिमुहुत्ता पं०, अत्थि णक्खत्ता पच्छंभागा समक्खेत्ता ती समुहत्ता पं०?, अत्थि णक्खत्ता णत्तंभागा अवड्ढखेत्ता पण्णरसमुहुत्ता पं०, अत्थि णक्खत्ता उभयंभागा दिवड्ढखेत्ता पणतालीसं मुहुत्ता पं०, ता एएसिं णं अट्ठावीसाए णक्खाणं कतरे णक्खत्ता पुव्वंभागा समक्खेत्ता तीसतिमुहुत्ता पं०, कतरे णक्खत्ता पच्छंभागा समक्खेत्ता तीसमुहुत्ता पं० कतरे णक्खत्ता णत्तंभागा अवड्ढखेत्ता पण्णरसमुहुत्ता पं० कतरे नक्खत्ता उभयंभागा दिवड्ढखेत्ता पणतालीसतिमुहुत्ता पं०?, ता एतेसिं णं अट्ठावीसाए णक्खत्ताणं तत्थ जे ते णक्खत्ता पुव्वं भागा समखेत्ता तीसतिमुहुत्ता पं० ते णं छ, तं०-पुव्वा पोट्ठवता कत्तिया मघा पुव्वा फग्गुणी मूलो पुव्वासाढा, तत्थ जे ते णक्खत्ता पच्छंभागा समखेत्ता तीसतिमुहुत्ता पं० ते णं दस, तं० - अभिई सवणो धणिट्ठा रेवती अस्सिणी मिगसिरं पूसो हत्थो चित्ता अणुराधा, तत्थ जे ते णक्खत्ता णतंभागा अवद्धखेत्ता पण्णरसमुहुत्ता पं० ते णं छ, तं०-सयभिसया भरणी अद्दा अस्सेसा साती जेट्ठा, तत्थ जे ते णक्खत्ता उभयंभागा दिवड्ढखेत्ता पणतालीसं महत्ता पं० ते णं छ, तं०- उत्तरा पोट्ठवता ॥ श्री चन्द्रप्रज्ञप्त्युपाङ्गम् ॥
४९
पू. सागरजी म. संशोधित