Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 27

G55555555555555
(६) णायाधम्मकहाओ पढमो सुयक्खंधो १ - अज्झयणं उक्खिते पिट्ठको - [१६]
5555 55555oxox
मेहकुमारस्समाया हंसलक्खणेणं पडसाडएणं आभरणमल्लालंकारं पडिच्छति, पडिच्छित्ता हार-वारिधार-सिंदुवार-छिन्नमुत्तावलिपगासातिं अंसूणि विणिम्मुयमाणी जर रोयमाणी २ कंदमाणी २ विलवमाणी २ एवं वदासी जतियव्वं जाया! घडियव्वं जाया ! परक्कमियव्वं जाया ! अस्सिं च णं अढे नो पमादेयव्वं, अम्हं पिणं एसेव
मग्गे भवउ त्ति कट्ट मेहस्स कुमारस्स अम्मापियरो समणं भगवं महावीरं वंदति नमसंति, वंदित्ता नमंसित्ता जामेव दिसं पाउब्भूता तामेव दिसं पडिगया ! २६. तते
णं से मेहे कुमारे सयमेव पंचमुट्ठियं लोयं करेति, करित्ता जेणामेव समणे भगवं महावीरे तेणामेव उवागच्छति, उवागच्छित्ता समणं भगवं महावीरं तिक्खुत्तो म आयाहिणपयाहिणं करेति, करित्ता वंदति नमसति, वंदित्ता नमंसित्ता एवं वदासी आलित्ते णं भंते ! लोए, पलित्ते णं भंते ! लोए, आलित्तपलित्ते णं भंते ! लोए
जराए मरणेण य । से जहाणामए केइ गाहावती अगारंसि झियायमाणंसि जे तत्थ भंडे भवति अप्पभारे मोल्लगरुए तं गहाय आयाए एगंतं अवक्कमति, एस मे णित्थरिए समाणे पच्छा पुरा य लोए हियाए सुहाए खमाए णिस्सेयसाए आणुगामियत्ताए भविस्सति, एवामेव मम वि एगे आयाभंडे इडे कंते पिए मणुण्णे मणामे एस मे नित्थारिए समाणे संसारवोच्छेयकरे भविस्सति । तं इच्छामि णं देवाणुप्पिएहिं सयमेव पव्वावियं, सयमेव मुंडावियं सेहावियं सिक्खावियं, सयमेव आयारगोयरविणयवेणइयचरणजायामायावत्तियं धम्ममाइक्खियं । तते णं समणे भगवं महावीरे मेहं कुमारं सयमेव पव्वावेति, सयमेव मुंडावेति, सयमेव आयार जाव धम्ममातिक्खइ - एवं देवाणुप्पिया ! गंतव्वं, चिट्ठितव्वं, णिसीयव्वं, तुयट्टियव्वं, मुंजियव्वं, भासियव्वं, एवं उट्ठाय उट्ठाय पाणेहिं भूतेहिं जीवेहिं सत्तेहिं संजमेणं संजमितव्वं, अस्सिं च णं अट्ठे णो पमादेयव्वं । तते णं से मेहे कुमारे समणस्स भगवओ महावीरस्स अंतिए इमं एयारूवं धम्मियं उवएसं सम्म पडिवज्जति तमाणाए, तह गच्छइ, तह चिट्ठइ जाव उठाए उट्ठाए पाणेहिं भूतेहिं जीवेहिं सत्तेहिं संजमेणं संजमइ । २७. जद्दिवसं च णं मेहे कुमारे मुंडे भवित्ता अगाराओ अणगारियं पव्वइए तस्स णं दिवसस्स पच्चावरण्हकालसमयंसि समणाणं निग्गंथाणं आहारातिणियाए सेज्जासंथारएसु विभज्जमाणेसु मेहकुमारस्स बारमूले सेज्जासंथारए जाए यावि होत्था। ततेणं समणा निग्गंथा पुव्वरत्तावरत्तकालसमयंसि वायणाए पुच्छणाए परियट्टणाए धम्माणुओगचिंताए य उच्चारस्सय पासवणस्स य अतिगच्छमाणा य निग्गच्छमाणा य अप्पेगतिया मेहं कुमारं हत्थेहिं संघद्वेति, एवं पाएहिं सीसे पोट्टे कायंसि अप्पगेतिया ओलंडेति, अप्पेगइया पोलंडेंति, अप्पेगतिया पायरयरेणुगुंडियं करेति । एमहालियं च णं रयणि मेहे कुमारे णो संचाएति खणमवि अच्छिं निमीलित्तए। तते णं तस्स मेहस्स कुमारस्स अयमेयारूवे अज्झथिए जाव समुप्पज्जित्था एवं खलु अहं सेणियस्स रण्णो पुत्ते धारिणीए देवीए अत्तए मेहे जाव सवणयाए, तं जया णं अहं अगारमज्झावसामि तया णं मम समणा णिग्गंथा आढायंति, परिजाणंति, सक्कारेति, सम्माणेति, अट्ठाई हेऊतिं पसिणातिं कारणाई वागरणाई आतिक्खंति, इट्टाहिं कंताहि वग्गूहि आलवेति, संलवेति । जप्पभितिं च णं अहं मुंडे भवित्ता अगाराओ अणगारियं पव्वइए तप्पभिति च णं मम समणा निग्गंथा नो आढायंति जाव नो संलवेति । अदुत्तरं च णं मम समणा णिग्गंथा राओ पुव्वरत्तावरत्तकालसमयंसि वायणाए पुच्छणाए जाव एमहालियं च णं रत्तिं नो संचाएमि अच्छिं णिमिल्लावेत्तए । तं सेयं खलु मम कल्लं पाउप्पभायाए रयणीए जाव तेयसा जलंते समणं भगवं महावीरं आपुच्छित्ता पुणरवि अगारमज्झावसित्तए त्ति कट्ट एवं संपेहेति, संपेहित्ता अट्टदुहट्टवसट्टमाणसगए
णिरयपडिरूवियं च णं तं रयणिं खवेति, खवित्ता कल्लं पाउप्पभायाए सुविमलाए रयणीए जाव तेयसा जलंते जेणेव समणे भगवं महावीरे तेणामेव उवागच्छति, म उवागच्छित्ता तिक्खुत्तो आयाहिणपयाहिणं करेइ, करित्ता वंदइ नमसइ, वंदित्ता नमंसित्ता जाव पज्जुवासइ । २८. तते णं मेहा ! ति समणे भगवं महावीरे मेहं कुमारं क एवं वदासी से णूणं तुम मेहा ! राओ पुव्वरत्तावरत्तकालसमयंसि समणेहिं निग्गंथेहिं वायणाए पुच्छणाए जाव एमहालियं च णं रयणिं णो संचाएमि मुहुत्तमवि
अच्छिं निमिल्लावेत्तए। तते णं तुज्झ मेहा ! इमेयारूवे अज्झथिए० समुपज्जित्था जया णं अहं अगारमज्झावसामि तया णं मम समणा निग्गंथा आढायंति जाव म परियाणंति । जप्पभितिं चणं मुंडे भवित्ता अगाराओ जाव पव्वतिए तप्पभितिंच णं मम समणा निग्गंथा णो आढायंति जाव नो परियाणंति। अदुत्तरं चणं समणा निग्गंथा
राओ अप्पेगतिया वायणाए जाव पायरयरेणुगुडियं करेंति। तं सेयं खलु मम कल्लं पाउप्पभायाए रयणीए समणं भगवं [महावीरं] आपुच्छित्ता पुणरवि अगारमज्झे -xoxo555555555555555555555555 श्री आगमगुणमंजूषा - ६०६ 955555555555555555555OR
AC%听听听听听听听听听听听听听听听听听乐乐乐乐乐乐明明明明明明乐乐乐乐乐乐乐乐听听乐乐乐乐乐乐乐
卐FOTO