Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 76

O $ $ $ $ $ $$$$$$$559
(६) णायाधम्मकहाओ प. सु.
/ १३ अ. दद्दुरे [ ६५ ]
तते णं से णंदे मणियारसेट्ठी णंदाए पोक्खरणीए चउद्दिसिं चत्तारि वणसंडे रोवावेति । तए णं ते वणसंडा अणुपुव्वेणं सारक्खिज्जमाणा संगोविज्जमाणा संवह्निज्जमाणा य वणसंडा जाया किण्हा जाव निकुरूंबभूया पत्तिया पुप्फिया जाव उवसोभेमाणा २ चिट्ठति । तते णं नंदे पुरत्थिमिल्ले वणसंडे एगं महं चित्तसभं कारावेति अणेगखंभसयसंनिविट्टं पासादीयं दरिसणिज्जं अभिरूवं पडिरुवं । तत्थ णं बहूणि किण्हाणि य जाव सुक्किलाणि य कट्टकम्माणि य पोत्थकम्माणि य चित्त-लेप्पगंथिम-वेढिम-पूरिम-संघातिम [कम्माणि य] उवदंसिज्जमाणाई २ चिट्ठति । तत्थ णं बहूणि आसणाणि य सयणाणि य अत्थुयपच्चत्थुयाइं चिट्ठति । तत्थ णं बहवे डा य णट्टा य जाव दिन्नभइभत्तवेयणा तालायरकम्मं करेमाणा २ विहरंति, रायगिहविणिग्गओ य तत्थ बहू जणो तेसु पुव्वणत्थेसु आसण-सयणेसु संनिसन्नो य संतुट्टो य सुणमाणो य पेच्छमाणो य साहेमाणो य सुहंसुहेणं विहरति । तते णं णंदे मणियारसेट्ठी दाहिणिल्ले वणसंडे एगं महं महाणससालं कारावेति अणेगखंभ० जाव पडिरूवं । तत्थ णं बहवे पुरिसा दिन्नभइभत्तवेयणा विपुलं असण- पाण- खाइम साइमं उवक्खर्डेति, बहूणं समण-माहण-अतिहि किविण-वणीमगाणं परिभाएमाणा २ विहरति । तते णं णंदे मणियारसेट्ठी पच्चत्थिमिले वणसंडे एगं महं तेगिच्छियसालं कारेति, अणेगखंभसय० जाव पडिरूवं । तत्थ णं बहवे वेज्जा य वेज्जपुत्ता य जाणुया य जाणुयपुत्ता य कुसला य कुसलपुत्ता य दिन्नभइभत्तवेयणा बहूणं वाहियाण य गिलाणाण य रोगियाण य दुब्बलाण य ते गच्छकम्मं करेाणा २ विहरंति, अण्णे य एत्थ बहवे पुरिसा दिन्नभइभत्तवेयणा तेसिं बहूणं वाहियाण य गिलाणाण य रोगियाण य दुब्बलाण य ओसह भेसज्ज - भत्त-पाणेणं पडियारकम्मं कमाणा २ विहरति । तते णं णंदे मणियारसेट्ठी उत्तरिल्ले वणसंडे एवं महं अलंकारियसमं कारावेति, अणेगखंभसय० जाव पडिरूवं तत्थ णं बहवे अलंकारियपुरिसा दिन्नभइभत्तवेयणा बहूणं सणाहाण य अणाहाण य गिलाणाण य रोगियाण य दुब्बलाण य अलंकारियकम्मं करेमाणा २ विहरति । तते णं तीए णंदाए पोक्खरणीए वे साहाय अणाय पंथिया य पहिया य कारोडिया य कारवा [हिया] य तणहारा [य] पत्तहारा [य] कट्ठहारा [य] अप्पेगतिया ण्हायंति, अप्पेगतिया पाणियं पियंति, अप्पेगतिया पाणियं संवहंति, अप्पेगतिया विसज्जितसेय - जल-मल परिस्सम- निद्द - खुप्पिवासा सुहंसुहेणं विहरति । रायगिहविणिग्गओ वि य एत्थ बहुजणो, किं ते ? जलरमण- विविह-मज्जण कयलि-लयाघरय-कुसुमसत्थरय- अणेगसउणगणरूयरिभितसंकुलेसु सुहंसुहेणं अभिरममाणो २ विहरति । तते णंदाए पोक्खरिणीए बहुजणो ण्हायमाणो य पियमाणो य पाणियं च संवहमाणो य अन्नमन्नं एवं वदासी धन्ने णं देवाणुप्पिया णंदे मणियारसेट्ठी, कत्थे जाव मजीवियफ जस्स णं इमेयारूवा णंदा पोक्खरिणी चाउक्कोणा जाव पडिरूवा, जस्स णं पुरत्थिमिल्ले, तं चैव सव्वं, चउसु वि वणसंडेसु जाव रायगिहविणिग्गओ यत्थ बहुजणो आसणेसु य सयणेसु य सण्णिसण्णो य संतुयट्टो य पेच्छमाणो य साहेमाणो य सुहंसुहेणं विहरति । तं धन्ने कयत्थे कयपुन्ने कया णं० लोया ! सुलदे माणुस्सए जम्मजीवियफले णं नंदस्स मणियारस्स । तते णं रायगिहे सिंघाडग जाव बहुजणो अन्नमन्नस्स एवमातिक्खति, एवं भासति, एवं पण्णवेति, एवं परूवेति धन्ने णं देवाणुप्पिया ! णंदे मणियारे, सो चेव गमओ जाव सुहंसुहेणं विहरति । तते णं से णंदे मणियारे बहुजणस्स अंतिए एतमहं सोच्चा निसम्म अट्टतुट्ट धाराहतकलंबगं पिव समूसवियरोमकूवे परं सायासोक्खमणुभवमाणे विहरति । ९४. तते णं तस्स नंदस्स मणियारसेट्ठिस्स अन्नया कयाइ सरीरगंसि इमे सोलस रोगातंका पाउब्भूता, तंजहा “सासे कासे जरे दाहे, कुच्छिसूले भगंदरे । अरिसा अजीरए दिट्ठी-मुद्धसूले अकारए" ||३२|| अच्छिवेयणा कण्णवेयणा कंडू दओदरे कोढे ॥ तते णं से णंदे मणियारसेट्ठी इमेहिं सोलसहिं रोगातंकेहिं अभिभुते समाणे कोडुंबियपुरिसे सद्दावेति, २ त्ता एवं वदासी गच्छह णं तुब्भे देवाणुप्पिया ! रायगिहे सिंघाडग जाव पहेसु महता सद्देण उग्घोसेमाणा २ एवं वदह एवं खलु देवाणुप्पिया ! णंदस्स मणियारसेट्ठिस्स सरीरगंसि सोलस रोग़ायंका पाउन्भूता, तंजा सासे जाव कोढे । तं जो णं इच्छति देवाणुप्पिया ! वेज्जो वा वेज्जपुत्तो वा जाणुओ वा जाणुयपुत्तो वा कुसलो वा कुसलपुत्तो वा नंदस्स मणियारस्स तेसिं च णं सोलसण्हं रोयायंकाणं एगमपि रोयायंकं उवसामेत्तए तस्स णंदे मणियारे विउलं अत्यसंपदाणं दलयति त्ति कट्टु दोच्चं पि तच्चं पि घोसणं घोसेह, २ जाव पच्चप्पिणह । ते वि तहेव पच्चप्पिणंति । तते णं रायगिहे नगरे इमेयारूवं घोसणं सोच्चा णिसम्म बहवे वेज्जा य वेजपुत्ता य जाव कुसलपुत्ता य सत्थकोसहत्थगया य फफफफफफफफफफफफफफफफ श्री आगमगणमंजषा- ६५५ LE LE LE LE LE LE LE LE LE LE LE LE LE LE LE LE LE LE LELELELELELELKESY
·
फफफफफफफफ