Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 95

(६) णायाधम्मंकहाओ प. सु.
/ १६ अ. अवरकंका [८४]
वासुदेवपामोक्खाणं बहूणं रायसहस्साणं आवासे कारेह अणेगखंभयस्स० तहेव जाव पच्चप्पिणंति । तते णं ते वासुदेवपामोक्खा बहवे रायसहस्सा जेणेव हत्थिणाउरे णयरे तेणेव उवागच्छंति । तते णं से पंडू राया ते वासुदेवपामोक्खा जाव आगए जाणित्ता हट्टतुट्ठे पहाए कयबलिकम्मे जहा दुपओ जाव जहारिहं आवासे दलयति । ते ते वासुदेवपामोक्खा बहवे रायसहस्सा जेणेव सया २ आवासा तेणेव उवागच्छंति, २ तहेव जाव विहरंति। तते णं से पंडू राया हत्थिणाउरं णयरं अणुपविसति, २ कोडुंबियपुरिसे सद्दावेति, २ एवं वयासी तुब्भे णं देवाणुप्पिया ! विपुलं असण- पाण- खाइम साइमं तहेव जाव उवर्णेति । तते णं ते वासुदेवपामोक्खा बहवे रायसहस्सा ण्हाया कयबलिकम्मा तं विपुलं असण- पाण- खाइम साइमं तहेव जाव विहरंति । तते णं से पंडू राया ते पंचपंडवे दोवतिं च देवि पट्टयं दुरुहेति, २ त्ता सेयापीएहिं कलसेहिं ण्हावेति, २ त्ता कल्लाणकारं कारेति, २ ते वासुदेवपामोक्खा बहवे रायसहस्से विपुलेणं असण पाण- खाइम साइमेणं पुप्फ-वत्थ -[ गंधमल्लालंकारेणं] सक्कारेति सम्माणेति जाव पडिविसज्जेति । तते णं तातिं वासुदेवपामोक्खातिं बहूतिं जाव पडिगयातिं । १२२. तते णं ते पंच पंडवा दोवतीए देवीए सद्धिं कल्लाकल्लिं वारंवारेणं ओरालातिं भोगभोगातिं जाव विहरंति। तते णं से पंडू राया अन्नया कयाइ पंचहिं पंडवेहिं, कोंतीए देवीए, दोवतीए य देवीए सद्धिं अंत अंतेउरपरियाल सद्धिं सपरिवुडे सीहासणवरगते यावि विहरति । इमं च णं कच्छुल्लणारए दंसणेणं अतिभद्दए विणीए अंतो २ य कलुसहियए मज्झत्थोवत्थिए य अल्लीणसोमपियदंसणे सुरूवे अमइल्सगलपरिहिए कालमियचम्मउत्तरासंगरइयवच्छे दंड कमंडलुहत्थे जडामउडदित्तसिरए जन्नोवइयगणेत्तिय-मुंजमेहलवा हत्थकयकच्छभीए पियगंधव्वे धरणिगोयरप्पहाणे संचरणावरणि-ओवयणुप्पयणि-लेसणीसु य संकामणि- अभिओग- पण्णत्ति-गमणी थंभणीसु य बहुसु विज्जाहरीसु विज्जासु विस्सुयजसे, इट्ठे रामस्स य केसवस्स य पज्जुन्न- पईव-संब- अनिरुद्ध - णिसढ- उम्मुय - सारण -गय- सुमुह- दुम्मुहातीण जायवाणं अद्भुट्ठाण य कुमारकोडी हिययदइए, संथवए, कलह जुद्ध- कोलाहलप्पिए, भंडणाभिलासी, बहूसु य समरसयसंपराएस दंसणरए, समंततो कलहं सदक्खिणं अणुगवेसमाणे, असमाहिकरे दसारवरवीरपुरिसतेलोक्कबलवगाणं, आमंतेऊण तं भगवतिं पक्कमणि गगणगमणदच्छं उप्पइओ गगणमभिलंघयंतो गामा-गर-नगर-खेड- कब्बड - मडंब - दोणमुहपट्टण संबाहसहस्समंडियं थिमियमेइणीतं वसुहं ओलोइते रम्मं हत्थिणाउरं उवागए पंडुरायभवणंसि अइवेगेण समोवइए । तते णं से पंडू राया कच्छुल्लनाराय एज्नमाणं पासति, २त्ता पंचहि पंडेवेहिं कुंतीए य देवीए सद्धिं आसणातो अब्भुट्ठेति, २ त्ता अग्घेण य पज्जेण य आसणेण य उवणिमंतेइ । तते णं से कच्छुल्लनारए उदगपरिफोसियाए दब्भोवरिपच्चत्थुयाए भिसियाए णिसीयति, २ पंडुं रायं रज्जे य जाव अंतेउरे य कुसलोदंतं पुच्छइ । तते णं से पंडू राया कुंती देवी पंच य पंडवा कच्छुल्लणारयं आढंति जाव पज्जुवासंति । तए णं सा दोवई देवी कच्छुल्लनारयं अस्संजय- अविरय- अप्पडिहय- अपच्चक्खायपावकम्मे त्ति कट्टु नो आढाति, नो परियाणति, नो अब्भुट्टेति, नो पज्जुवासति । १२३. तते णं तस्स कच्छुल्लणारयस्स इमेयारूवे अज्झत्थिए चिंतिते पत्थिए मणोगए संकप्पे समुप्पज्जित्था अहो णं दोवती देवी रूवेण य जाव लावण्णेण य पंचहिं पंडवेहिं अवथद्धा समाणी ममं णो आढाति जाव नो पज्जुवासइ तं सेयं खलु मम दोवतीए देवीए विप्पियं करेत्तए त्ति कट्टु एवं संपेहेति, २ पंडुं रायं आपुच्छइ, २ त्ता उप्पयणि विज्जं आवाहेति, २ त्ता ताए उक्कट्ठाए जाव विज्जाहरगतीए लवणसमुद्दं मज्झमज्झेणं पुरत्थाभिमु वीतिवतिउं पयत्ते यावि होत्था। ते णं काले णं ते णं समए णं धायइसंडे दीवे पुरत्थिमद्धदाहिणद्धभारहे वासे अवरकंका णाम रायहाणी होत्था । तत्थ णं अवरकंकाए रायहाणीए पउमणाभे णाम राया होत्था महताहिमवंत०, वण्णओ । तस्स णं पउमणाभस्स रण्णो सत्त देवीसतातिं ओरोहे होत्था । तस्स णं पउमनाभस्स रण्णो सुनाभे ना त्वया या होत्था । तते णं से पउमणाभे राया अंतो अंतेउरंसिं ओरोहसंपरिवुडे सीहासणवरगते विहरति । तए णं से कच्छुल्लणारए जेणेव अवरकंका रायहाणी, जेणेव पउमनाभस्स भवणे तेणेव उवागच्छति, २ त्ता पउमणाभस्स रण्णो भवणंसि झत्ति वेगेणं समोवतिते । तते णं से पउमनाभे राया कच्छुल्लनारयं एज्माणं पासति, २त्ता आसणातो अब्भुट्ठेति, २ अग्घेणं जाव आसणेणं उवणिमंतेति । तए णं से कच्छुल्लनारए उदयपरिफोसियाए दब्भोवरिपच्चत्थुयाए भिसियाए निसीयइ जाव कुसलोदंतं पुच्छति । तते णं से पउमनाभे राया णियगओरोहे जायविम्हए कच्छुल्लणारयं एवं वयासी तुमं णं देवाणुप्पियवा ! बहूणि गामाणि जाव
श्री आगमगुणमंनुषा-१७३
1 9 0 4 4 4 4 乐乐乐出乐乐乐
新