Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 98

(६) णायाधम्मकहाओ प. सु.
/ १६ अ. अवरकका [८७]
फफफफफफफफफफफफफफ
छप्पण्णं बलवयसाहस्सीओ सनद्धबद्ध जाव गहियाउहपहरणा, अप्पेगतिया हयगया, अप्पेगइया गयगया, जाव वग्गुरापरिक्खित्ता जेणेव सभा सुधम्मा, जेणेव हे वासुदेवे, तेणेव उवागच्छंति, २ करयल जाव वद्धावेति । तते णं कण्हे वासुदेवे हत्थिखंधवरगए सकोरेंटमल्लदामेणं छत्तेणं धरिज्जमाणेणं सेयवरचामराहिं वीजमाणे हय-गय- [-रह-पवरजोहकलियाए चाउरंगिणीए सेणाए सद्धिं संपरिवुडे] महताभडचडगरपहकरेण बारवईए णयरीए मज्झंमज्झेणं णिग्गच्छति, २ ताजेव पुरत्थमवेयाली तेणेव उवागच्छति, २ त्ता पंचहिं पंडवेहिं सद्धि एगयओ मिलइ, २ खंधावारणिवेस करेति, २ त्ता पोसहसाल कारेति, २ पासहसाल अणुपविसति, २ सुट्ठियं देवं मणसी करेमाणे २ चिट्ठति । तते णं कण्हस्स वासुदेवस्स अट्ठमभत्तंसि परिणममाणंसि सुट्ठितो जाव आगतो। भण देवाणुप्पिया ! जं मए तवं । तते से कहे वासुदेवे सुट्ठियं देवं एवं वयासी एवं खलु देवाणुप्पिया ! दोवती देवी जाव पउमनाभस्स भवणंसि साहिया, तं णं तुमं देवाणुप्पिया ! मम पंचहि पंडवेहिं सद्धिं अप्पछट्टस्स छहं रहाणं लवणसमुद्धे मग्गं वियराहि जाणं अहं अवरकंकं रायहाणि दोवतीए कूवं गच्छामि। तते णं से सुट्ठिए देवे कण्हं वासुदेव एवं वयासी किं णं देवाणुप्पिया ! जहा चेव पउमणाभस्स रन्नो पुव्वसंगतिएणं देवेणं दोवती जाव साहिया तहा चेव दोवतिं देवि धायतिसंडातो दीवातो भरहातो जाव हत्थिणापुरं साहरामि, उदाहु पउमणाभं रायं सपुरबलवाहणं लवणसमुद्दे पक्खिवामि ? तते णं कण्हे वासुदेवे तं सुट्ठियं देवं एवं क्यासी मा णं तुम देवाप्पिया ! जाव साहराहि । तुमं णं देवाणुप्पिया ! मम लवणसमुद्दे अप्पछट्टस्स छण्हं रहाणं मग्गं वितराहि। सयमेवा णं अहं दोवतीए कूवं गच्छामि । तए णं से सुट्टिए देवे कहं वासुदेवं एवं क्यासी एवं होउ । पंचहि पंडवेहिं सद्धि अप्पछट्टस्स छण्हं रहाणं लवणसमुद्दे मग्गं वितरति । तते णं से कण्हे वासुदेवे चाउरंगिणि सेणं पडिविसज्जेति, २ त्ता पंचहिं पंडवेहिं सद्धिं अप्पछट्टे छहिं रहेहिं लवणसमुदं मज्झंमज्झेणं वीतीवयति, जेणेव अवरकंका रायहाणी तेणेव उवागच्छइ, २ जेणेव अवरकंकाए रायहाणीए अग्गुज्जाणे तेणेव उवागच्छइ, २ रहं ठवेइ, २ त्ता दारुयं सारहिं सहावेति, २ त्ता एवं वयासी गच्छ णं तुमं देवाणुप्पिया ! अवरकंकं यहाणि अणुविसाहि, २ त्ता पउमणाभस्स रण्णो वामेणं पाएणं पादपीढं अक्कमित्ता कुंतग्गेणं लेहं पणामेहि, २ ना तिवलियं भिउडिं पिडाले साहड आसुरुते रुले विए चंडिक्किए एवं वदाहि हं भो पउमणाहा ! अप्पत्थियपत्थिया दुरंतपंतलक्खणा हीणपुन्नचाउद्दसा सिरि-हिरि-धितिपरिवज्जिया अज्जं ण भवसि किन्नं तुम ण यासि कण्हस्स वासुदेवस्स भगिणिं दोवतिं देविं इहं हव्वमाणमाणे, तं एवंमवि गए पच्चप्पिणाहि णं तुमं दीवति देवि कण्हस्स वासुदेवस्स, अहव णं जुज्झसजे गच्छाहि । एस णं कण्हे वासुदेवे पंचहिं पंडवेहिं सद्धिं अप्पछडे दोवतीए देवीए कूवं हव्वमागए। तते णं से दारूए सारही कण्हेणं वासुदेवेणं एवं वृत्ते समाणे हट्ट [तुट्ठे] पडिसुणेइ, २ त्ता अवरकंकं रायहाणि अणुपविसति, २ त्ता जेणेव पउमनाभे तेणेव उवागच्छति, २ त्ता करयल जाव वळावेत्ता एवं वयासी एस णं सामी ! मम विणयपडिवत्ती, इमा अन्ना मम सामिस्स समुहाणित्ति त्ति कट्टु आसुरुते रुट्ठे कुविए चंडिक्किए मिसिमिसमाणे वामपादण पायपीढं अक्कमति, २ त्ता कुतरंगण ह पणामेति, २ ता जाव कूवं हव्वमागए । तते णं से पउमणाभे राया दारुएणं सारहिणा एवं वृत्ते समाणे आसुरुते रुट्ठे कुविए चंडिक्किए मिसिमिसेमाणे निवल भिलाई निडाले साह एवं वयासी णं अप्पिणामि णं अहं देवाणुप्पिया ! कण्हस्स वासुदेवस्स दोवति, एस णं अहं सयमेव जुज्झसज्जं णिरगच्छामि त्ति कट्टु दारुयं सारहिं एवं वयासी केवलं भो ! रायसत्थेसु दूते अवज्झे त्ति कट्टु असक्कारियअसम्माणियं अवद्दारेणं णिच्छुभावेति । तते णं से दारुए सारही पउमणाभेणं असक्कारिय जाव पिच्छूढे समाणे जेणेव कण्हे वासुदेवे तेणेव उवागच्छइ, २ करयल [ परिग्गहियं दसणहं सिरसावत्तं मत्थए अंजलिं कट्टु] कण्हं वासुदेवं एवं वयासी एवं खलु अहं सामी ! तुब्भं वयणेणं जाव णिच्छुभावेति । तते णं से पउमणामे बलवाउयं सद्दावेति, २ त्ता एवं वयासी विप्पामेव भो देवाणुप्पिया ! आभिसेक्कं हत्थिरयणं पडिकप्पेह । तयाणं तरं च णं छेयायरिय उवदेसमइविकप्पणाहिं जाव उवर्णेति । तते णं से पउमनाहे सन्नद्ध [बद्धवम्मियकवए उप्पीलियसरासणपट्टीए पिणदगेवेज्जे बद्धआविद्धविमलवरचिंधपट्टे गहियाउहपहरणे ] अभिसेयं [हत्थिरयणं] द्रुहति, २ त्ता हयगय [रह-पवरजोहकलियाए चाउरंगिणीए सेणाए सद्धिं संपरिवुडे महताभडचडगरवंदपरिक्खित्ते] जेणेव कण्हे वासुदेवे तेणेव पहारेत्थ गमणाए। तते णं से कण्हे वासुदेवे पउमणाभं रायाणं एज्जमाणं पासति, २ त्ता ते पंच पंडवे एवं श्री आगमगुणमंजूषा ६७०
ॐ