Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 108

(६) णायाधम्मकहाओ प. सु. १८ अ. सुंसमा [९७)
खलु देवाणुप्पिया ! चिलाए चोरसेणावती सीहगुहातो चोरपल्लीतो इहं हव्वमागम्म पंचहिं चोरसएहिं सद्धिं मम गिहं घाएत्ता सुबहुं घण-कणगं सुंसुमं च दारियं गहाय जाव पडिगते । तं इच्छामो णं देवाणुप्पिया ! सुसुमाए दारियाए कूवं गमित्तए, तुब्भे णं देवाणुप्पिया ! से विपुले धण-कणग- [ रयण-मणि-मोत्तिय संख-सिलप्पवाल- रत्तरयण-संत-सार- सावत्तेज्जं.] ममं सुंसुमा दारिया । तते णं ते जगरगुत्तिया धणस्स एयमहं पडिसुर्णेति, २ त्ता सन्नद्ध जाव गहियाउहपहरणा महया २
० जाव समुद्दरभूयं पिव करेमाणा रायगिहातो णिग्गच्छंति, २ त्ता जेणेव चिलाते चोरे तेणेव उवागच्छंति, २ चिलाएणं चोरसेणावतिणा सद्धिं संपलग्गा या होत्या । तते ते णगरकुत्तिया चिलायं चोरसेणावतिं हयमहिय जाव पडिसेर्हेति । तते णं ते पंच चोरसया णगरगुत्तिएहिं हतमहिय जाव पडिसेहिया समाणा तं विपुलं धण-कण - [ रयण-मणि- मोत्तिय संख सिलप्पवाल-रत्तरयणसंतसारसावतेज्जं ] विच्छड्डेमाणा य विप्पकिरेमाणा य सव्वतो समंता विप्पलाइत्था । त ते गरगुत्तिया तं विपुलं धण - कणगं गेण्हंति, २ त्ता जेणेव रायगिहे नगरे तेणेव उवागच्छंति । तते णं से चिलाए तं चोरसेणं तेहिं णगरगुत्तिएहिं हयमहियपवरवीरघाइय जाव भीते तत्थे सुसुमं दारियं गहाय एवं महं अगामियं दीहमद्धं अडविं अणुपविट्ठे। तते णं धणे सत्थवाहे सुंसुमं दारियं चिलाएणं अडवीमुहिं अवहीरमाणिं पासित्ताणं पंचहिं पुत्तेहिं सद्धिं अप्पछट्टे सनद्धबद्ध [ वम्मियकवए उप्पीलियसरासणपट्टीए गहियाउहपहरणे] चिलायस्स पदमग्गविहिं अणुगच्छमाणे अभिगज्जं हक्कारेमाणे पुक्कोरमाणे अभितज्जेमाणे अभितासेमाणे पिट्ठतो अणुगच्छति । तते णं से चिलाए तं धणं सत्थवाहं पंचहिं पुत्तेहिं सद्धिं अप्पछट्टं सन्नद्धबद्ध वम्मिकवयं उप्पीलियसरासणपट्टीयं गहियाउहपहरणं समणुगच्छमाणं पासति, २ अथामे अबले अवीरिए अपुरिसक्कारपरक्कमे जाहे णो संचाएति सुसुमं दारिय णिव्वात्त ताहे संते तंते परितंते नीलुप्पल [-गवलगुलिय- अयसिकुसुमप्पगासं खुरधारं] असिं परामुसति, २ त्ता सुंसुमाए दारियाए उत्तमंगं छिंदति, २ तं गाय तं अगामियं अडविं अणुपविट्ठे । तते गं से चिलाते तीसे अगामियाए अडवीए तण्हाते अभिभूते समाणे पम्हुट्ठदिसाभाए सीहगुहं चोरपल्लिं असंपत्ते अंतरा चेव कालगते । एवामेव समणाउसो ! जो जाव पव्वतिए समाणे इमस्स ओरालियस्स सरीरस्स वंतासवस्स जाव विद्धंसणधम्मस्स वण्णहेउं वा जाव आहारमाहारेति,
हलो व बहू समणाणं बहूणं समणीणं बहूणं सावयाणं बहूणं सावियाणं य हीलणिज्जे जाव अणुपरियट्ठिस्सति, जहा वा से चिलाते तक्करे । तते णं से धणे सत्थवाहे पंचहिं पुत्तेहिं अप्पछट्ठे चिलायं परिधाडेमाणे संते तंते परितंते नो संचाएति चिलातं चोरसेणावतिं साहत्थिं गिण्हित्तए । से णं ततो पडिनियत्तति, २ जेणेव सासुमा [दारिया ] चिलाएणं जीवियाओ ववरोविएल्लिया तेणेव उवागच्छति, २ सुंसुमं दारियं चिलाएणं जीवियातो ववरोवियं पासति, २ परसुनियत्ते व्व चंपगपायवे [धस त्ति धरणीयलंसि सव्वंगेहिं सन्निवइए] । तते णं से धणे सत्थवाहे अप्पछट्टे आसत्थे कूवमाणे कंदमाणे विलवमाणे महया २ सद्देणं कुहहस्स पन्ने सुचिरं कालं वाहमोक्खं करेति । तते णं से धणे सत्थवाहे पंचहिं पुत्तेहिं अप्पछट्टे चिलायं तीसे अगामियाए अडवीए सव्वतो समंता परिधाडेमाणे तण्हाए छुहाए य परब्भाहते समाणे तीसे अगामियाए अडवीए सव्वतो समंता उदगस्स मग्गणगवेसणं करेति, २ संते तंते परितंते णिव्विण्णे तीसे आ (अ) गामियाए [अडवीए] उदगं अणासाएमाणे जेणेव सा सुंसमा [दारिया ] जीवियातो ववरोएल्लिया तेणेव उवागच्छति, २ जेवं पुत्तं धणे सहावेति, २ एवं वयासी एवं खलु पुत्ता ! सुसुमाए दारियाए अट्ठाए चिलायं तक्करं सव्वतो समंता परिधाडेमाणा तण्हाए छुहाए य अभिभूया समाणा इमीसे अगामियाए अडवीए उद्गस्स मग्गणगवेसणं करेमाणा णो चेव णं उदगं आसादेमो, तते णं उदगं अणासाएमाणा णो संचाएमो रायगिहं संपावित्तए, तं णं तुब्भे ममं देवाणुप्पिया ! जीवियातो ववरोवेह, मम मंसं च सोणियं च आहारेह, तेणं आहारेणं अवदृद्धा समाणा ततो पच्छा इमं अगामियं अडविं णित्थरिहिह, रायगिहं च संपाविहिह, मित्त- [णाइ] - णियय [-सयण-संबंधि-परिजणेण सद्धिं ] अभिसमागच्छिहिह, अत्थस्स य धम्मस्स य पुण्णस्स य आभागी भविस्सह । तते णं से जेट्ठपुत्ते धणेणं सत्थवाहेणं एवं वुत्ते समाणे धणं सत्थवाहं एवं वदासी- तुब्भे णं तातो ! अम्हं पिया गुरुजणया देवयभूया ठवका पतिठवका संरक्खगा संगोवगा, तं कहं णं अम्हे तातो ! तं तुब्भे जीविताओ ववरोवेमो तुब्भं णं मंसं च सोणियं च आहारेमो ? तं तुब्भे णं तातो ! ममं जीवियातो ववरोवेह, मंसं च सोणियं च आहारेह, अगामियं अडविं णित्थरह,
For Private & Personal Lise.C MOVATTLLELE LE LELE LELE LE LEVEL LEVELS LE LELE LELE LE LELE श्री आगमगणसंजषा - 719 फफफफफफफफफफफफ