Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 113

प्रफ्र
फ्र
(६) णायाधम्मकहाओ बीओ सुयवखंधी पढमो वग्गो [१०२ ]
अंबसालवणे समोसढे । परिसा णिग्गया जाव पज्जुवासति । तते णं सा काली दारिया इमीसे कहाए लट्ठा समाणी हट्ठजाव हियया जेणेव अम्मापियरो तेणेव उवागच्छइ, २ त्ता करयल जान एवं वयासी एवं खलु अम्मताओ ! पासे अरहा पुरिसादाणीए आदिगरे जाव विहरति, तं इच्छामि णं अम्मताओ ! तुब्भेहिं अब्भणुन्नाया समाणी पासस्स अरहतो पुरिसादाणीयस्स पायवंदिया गमित्तए । अहासुहं देवाणुप्पिए ! मा पडिबंधं करेहि। तते णं सा काली दारिया अम्मापितीहिं अब्भणुन्नाया समाणी हट्टजाव हियया व्हाया कयबलिकम्मा कयकोउयमंगलपायच्छित्ता सुद्धप्पावेसाइं मंगल्लाइं वत्थाई पवर परिहिया अप्पमहग्घाभरणालंकियसरीरा चेडियाचक्कपालपरिकिण्णा सातो गिहातो पडिणिक्खमति, २ त्ता जेणेव बाहिरिया उवट्ठाणसाला जेणेव धम्मिए जाणपवरे तेणेव उवागच्छति, २ धम्मियं जाणपवरं दुरूढा । तते सा काली दारिया धम्मियं जाणपवरं एवं जहा देवई तहा पज्जुवासति । तते णं पासे अरहा पुरिसादाणीए कालीए दारियाए तीसे य महतिमहालियाए परिसाए धम्मं कहेइ । तते णं सा काली दारिया पासस्स अरहतो पुरिसादाणीयस्स अंतिए धम्मं सोच्चा णिसम्म हट्ठ जाव हियया पासं अरहं पुरिसादाणीयं तिक्खुत्तो वंदति नम॑सति, २ एवं वयासी सद्दहामि णं भंते ! णिग्गंथं पावयणं जाव से जहेयं तुब्भे वदह, जं णवरं देवाणुप्पिया ! अम्मापियरो आपुच्छामि । तते णं अहं देवाप्पियाणं अंतिए जाव पव्वयामि । अहासुहं देवाणुप्पिए ! तते णं सा काली दारिया पासेणं अरहया पुरिसादाणीएणं एवं वुत्ता समाणी हट्टतुट्ठा जाव हियया पासं अहं वंदति नम॑सति, २ त्ता तमेव धम्मियं जाणपवरं दुरुहति, २ पासस्स अरहतो पुरिसादाणीयस्स अंतियातो अंबसालवणातो चेतियातो पडिणिक्खमति, २ ता जेणेव आमलकप्पा नयरी तेणेव उवागच्छति, २ आमलकप्पं णगरिं मज्झंमज्झेणं जेणेव बाहिरिया उवड्डाणसाला तेणेव उवागच्छति, २ धम्मियं जाणपवरं ठवेति, २ त्ता धम्मियातो जाणप्पवरातो पच्चोरुहति, २ जेणेव अम्मापियरो तेणेव उवागच्छति, २ त्ता करयलपरिग्गहियं दसणहं सिरसावत्तं मत्थए अंजलिं कट्टु एवं वासी एवं खलु अम्मतातो ! मए पासस्स अरहतो अंतिए धम्मे णिसंते, से वि य धम्मे इच्छिते पडिच्छिते अभिरुइए। तते णं अहं अम्मयातो! संसारभउव्विग्गा, भीया जम्मणमरणाणं, इच्छामि णं तुब्भेहिं अब्भणुन्नाया समाणी पासस्स अरहतो अंतिए मुंडा भवित्ता अगारातो अणगारियं पव्वइत्तए । अहासुहं देवाणुप्पिए ! मा डिबंध करेह । तते से काले गाहावती विपुलं असण- पाण- खाइम साइमं उवक्खडावेति, २ त्ता मित्त-णाति णियग-सयण संबंधि-परिजणं आमंतेति, २ ततो पच्छा पहाए जाव विपुलेणं पुप्फ-वत्थ-गंध-मल्लालंकारेणं सक्कारेत्ता सम्माणेत्ता तस्सेव मित्त-णाति णियग-सयण-संबंधि- परिजणस्स पुरतो कालिं दारिय सेयापीएहिं कलसेहिं ण्हावेति, २ सव्वालंकारविभूसियं करेति, २ त्ता पुरिससहस्सवाहिणि सीयं दुरुहेति, २ मित्तणाति णियग-सयण-संबंधि-परिजणेण सद्धिं संपरिवुडे सव्विड्डीए जाव रवेणं आमलकप्पं नगरिं मज्झंमज्झेणं णिग्गच्छति, २ त्ता जेणेव अंबसालवणे चेतिए तेणेव उवागच्छति, २ छत्तादीए तित्थगराइसए पासति, २ त्ता सीयं ठवेति, २ त्ता कालिं दारियं सीयाओ पच्चोरुहेति, २ तए णं तं कालिं दारियं अम्मापियरो पुरतो काउं जेणेव पासे अरहा पुरिसादाणीए तेणेव वागच्छंति, २ तावदति [ नर्मसंति] २ एवं वयासी एवं खलु देवाणुप्पिया ! काली दारिया अम्हं धूया इट्ठा कंता जाव किमंग पुण पासणयाए ? एस णं देवाणुप्पिया ! संसारभउव्विग्गा इच्छति देवाणुप्पियाणं अंतिए मुंडा भवित्ताणं जाव पव्वइत्तए, तं एयं णं देवाणुप्पियाणं सिस्सिणिभिक्खं दलयामो, पडिच्छंतु णं देवाप्पिया ! सिस्सिणिभिक्खं । अहासुहं देवाणुप्पिया ! मा पडिबंधं करेह । तते णं सा काली कुमारी पासं अरहं वंदति नम॑सति, २ त्ता उत्तरपुरत्थिमं दिसीभागं अवक्कमति, २ त्ता सयमेव आभरणमल्लालंकारं ओमुयति, २ सयमेव लोयं करेति, २ जेणेव पासे अरहा पुरिसादाणीए तेणेव उवागच्छति, २ पासं अरहं तिक्खुत्तो वंदति नम॑सति, २ एवं वयासी आलित्ते णं भंते! लोए, एवं जहा देवाणंदा, जाव सयमेव पव्वावियं, तते णं पासे अरहा पुरिसादाणीए कालिं सयमेव पुप्फचूलाए अज्जाए सिस्सिणियत्ताए दलयति । तते णं सा पुप्फचूला अज्जा कालिं कुमारिं सयमेव पव्वावेति, जाव उवसंपज्जित्ताणं विहरति । तते णं सा काली अज्जा जाया इरियासमिया जाव गुत्तबंभचारिणी । तते णं सा काली अज्जा पुप्फचूलाए अज्जाए अंतिए सामाइयमाइयाई एक्कारस अंगाई अहिज्जइ, २ बहूहिं चउत्थ जाव विहरति । तते सा काली अज्जा अन्नया कयाइ सरीरबाउसिया जाया यावि होत्था, अभिक्खणं २ हत्थे धोवेति, पाए धोवेति, सीसं धोवेति, मुहं धोवेति, थणंतराणि धोवेति, श्री आगमगुणमंजूषा - ६९२
Moon
५०