Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 114

PRO:055555555555555
(६) णायाधम्मकहाओ बीओ सुयक्खंधो पढमो वग्गो [१०३]
5555555555555550
कक्खंतराणि धोवेति गुज्झंतराणि धोवेइ, जत्थ जत्थ विय णं ठाणं वा सेज्नं वा णिसीहियं वा चेतेति तं पुव्वामेव अब्भुक्खित्ता ततो पच्छा आसयति वा सयति वा । तते णं सा पुप्फचूला अज्जा कालिं अजं एवं वयासी नो खलु कप्पति देवाणुप्पिए ! समणीणं णिग्गंथीणं सरीरबाउसियाणं होत्तए, तुमंचणं देवाणुप्पिए! सरीरबाउसिया जाया अभिक्खणं २ हत्थे धोवसि जाव आसयाहि वा सयाहि वा, तं तुम देवाणुप्पिए ! एयस्स ठाणस्स आलोएहि जाव पायच्छित्तं पडिवज्जाहि। तते णं सा काली अज्जा पुप्फचूलाए अज्जाए एयमद्वं नो आढाति जाव तुसिणीया संचिट्ठति । तते णं ताओ पुप्फचूलाए अज्जाओ कालिं अजं अभिक्खणं रहीति, णिदंति, खिसंति, गरहंति, अवमण्णंति, अभिक्खणं २ एयमद्वं निवारेति । तते णं तीसे कालीए अज्जाए समणीहिं णिग्गंथीहिं अभिक्खणं २ हीलिज्जमाणीए जाव वारिज्जमाणीए इमेयारूवे अज्झत्थिते जाव समुप्पज्जित्था जया णं अहं अगारवासमझे वसित्था तदा णं अहं सयवसा, जप्पभिई च णं अहं मुंडा भवित्ता अगारातो अणगारियं पव्वतिया तप्पभिइं च णं अहं परव्वसा जाया, तं सेयं खलु मम कल्लं पाउप्पभायाए रयणीए जाव जलते पाडिक्कयं उवस्सयं उवसंपज्जित्ताणं विहरित्तए त्ति कट्ट एवं संपेहेति, २ कल्लं जाव जलंते पाडिक्कं उवस्सयं गिण्हति, २ तत्थ णं अणिवारिया अणोहट्टिया सच्छंदमती अभिक्खणं २ हत्थे धोवति जाव आसयइ वा सयइ वा । तते णं सा काली अज्जा पासत्था पासत्थविहारी ओसण्णा ओसण्णविहारी कुसीला कुसीलविहारी अहाच्छंदा अहाच्छंदविहारी संसत्ता संसत्तविहारी बहूणि वासाणि सामन्नपरियागं पाउणति, २ अद्धमासियाए संलेहणाए अप्पाणं झूसेति, २ तीसं भत्ताइं अणसणाए छेदेति, २ तस्स ठाणस्स अणालोइयपडिक्कंता कालमासे कालं
किच्चा चमरचंचाए रायहाणीए कालवडिंसए भवणे उववायसभाए देवसयणिज्जसि देवदूसंतरिया अंगुलस्स असंखेज्जभागमेत्ताए ओगाहणाए कालीदेवित्ताए उववण्णा। मततेणं सा काली देवी अहुणोववण्णा समाणी पंचविहाए पज्जत्तीए जहा सूरियाभो जाव भासामणपज्जत्तीए। तते णं सा काली देवी चउण्हं सामाणियसाहस्सीणं जाव
अण्णेसिंच बहूणं कालीवडेंसगभवणवासीणं असुरकुमाराणं देवाण य देवीण य आहेवच्चं जाव विहरति । एवं खलु गोयमा ! कालीए देवीए सा दिव्वा देविड्डी ३ लद्धा पत्ता अभिसमण्णागया । कालीए णं भंते ! देवीए केवतियं कालं ठिती पण्णत्ता ? गोयमा ! अड्डाइज्जाइं पलिओवमाइं ठिती पण्णत्ता । काली णं भंते ! देवी ताओ देवलोगाओ अणंतरं उव्वट्टित्ता कहिं गच्छिहिति कहिं उववन्जिहिति? गोयमा! महाविदेहे वासे सिज्झिहिति बुज्झिहिति मुच्चिहिति परिणिव्वाहिति सव्वदुक्खाणमंतं काहिति । एवं खलु जंबू ! समणेणं भगवया महावीरेणं जाव संपत्तेणं पढमस्स वग्गस्स पढमस्स अज्झयणस्स अयमढे पण्णत्ते । १४९. जति णं भंते ! समणेणं जाव संपत्तेणं धम्मकहाणं पढमस्स वग्गस्स पढमस्स अज्झयणस्स अयमढे पण्णत्ते, बितियस्स णं भंते ! अज्झयणस्स समणेणं [भगवया महावीरेणं] जाव संपत्तेणं के अढे पण्णत्ते ? एवं खलु जंबू ! ते णं काले णं ते णं समए णं रायगिहे नगरे गुणसिलए चेतिए सामी समोसढे, परिसा णिग्गया जाव पज्जुवासति, ते णं काले णं ते णं समए णं राई देवी चमरचंचाए रायहाणीए एवं जहा काली तहेव आगता, णट्टविहिं उवदंसेत्ता पडिगया। भंते त्ति भगवं गोयमे [समणं भगवं महावीरं वंदति नमसति, वंदित्ता नमंसित्ता] पुव्वभवपुच्छा, एवं खलु गोयमा ! तेणं काले णं ते णं समएणं आमलकप्पा णयरी, अंबसालवणे चेइए, जियसत्तू राया, राई गाहावती, राईसिरी भारिया, राई दारिया, पासस्स समोसरणं । राई दारिया जहेव काली तहेव निक्खंता, तहेव सरीरबाउसिया, तं चेव सव्वं जाव अंतं काहिति । एवं खलु जंबू ! बितियस्सऽज्झयणस्स, निक्खेवओ। जति णं भंते ! तइयस्स अज्झयणस्स, उक्खेवओ। एवं खलु जंबू ! रायगिहे णगरे, गुणसिलए चेइए, एवं जहेव राई तहेवक रयणी वि । णवरं आमलकप्पा नयरी, रयणी गाहावती, रयणसिरी भारिया, रयणी दारिया, सेसं तहेव जाव अंतं काहिति । एवं विज्जु वि । आमलकप्पा नयरी, विजू गाहावती, विज्जुसिरी भारिया, विजू दारिया, सेसं तहेव । एवं मेहा वि, आमलकप्पा नयरी, मेहे गाहावती, मेहसिरी भारिया, मेहा दारिया सेसं तहेव । एवं खलु जंबू ! समणेणं जाव संपत्तेणं धम्मकहाणं पढमस्स वग्गस्स अयमढे पण्णत्ते । बीओ वग्गो १५०. जति णं भंते ! समणेणं जाव संपत्तेणं दोच्चस्स वग्गस्स, उक्खेवओ। एवं खलु जंबू ! समणेणं जाव संपत्तेणं दोच्चस्स वग्गस्स पंच अज्झयणा पण्णत्ता, तंजहा सुंभा, निसुंभा, रंभा, निरंभा, मदणा । जति णं
MOTOSSF$$$$$$$$$$$55555555 明明明明明明明明明明明明明明明听听听听听听听听听听听听GO
明明明明听听听听听听听听听听听听听乐听听听听听听听听听听听听听听听听听明明明明明明明明明明明明明
ve. c
5
55555555555 श्री आगमगुणमंजूषा-६९३७55555555555555555555555OOK