Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 115

(६) णायाधम्मक हाओ बीओ सुयक्खंधो २.३.४-५ वग्गो [१०४]
भंते ! समणेणं जाव संपत्तेणं धम्मकहाणं दोच्चस्स वग्गस्स पंच अज्झयणा पण्णत्ता, दोच्चस्स णं भंते! वग्गस्स पढमज्झयणस्स के अट्ठे पण्णत्ते ? एवं खलु जंबू ! ते णं काले णं ते णं समए णं रायगिहे णगरे, गुणसिलए चेइए, सामी समोसढे, परिसा णिग्गता जाव पज्जुवासति । ते णं काले णं ते णं समए णं सुंभा देवी, बलिचंचाए रायहाणीए सुंभवडेंसए भवणे सुंभंसि सीहासणंसि कालीगमएणं जाव णट्टविहिं उवदंसेत्ता जाव पडिगया, पुव्वभवपुच्छा, सावत्थी णयरी, कोट्टए चेइए, जियसत्तू राया, सुंभे गाहावती, सुंभसिरी भारिया, सुंभा दारिया, सेसं जहा कालीए, णवरं अद्भुट्ठातिं पलिओवमातिं ठिती । एवं खलु जंबू !, निक्खेवगो अज्झयणस्स । एवं सा वि चत्तारि अज्झयणा, सावत्थीए, नवरं माया पिया धूया सरिनामया । एवं खलु जंबू !, निक्खेवओ बितियस्स वग्गस्स | 55 तइओ वग्गो 55 १५१. उक्खेवओ तइयवग्गस्स । एवं खलु जंबू ! समणेणं भगवया महावीरेणं जाव संपत्तेणं तइयस्स वग्गस्स चउप्पण्णं अज्झयणा पण्णत्ता, तंजहा पढमे अज्झयणे जाव चउप्पण्णतिमे अज्झयणे, जति णं भंते! समणेणं जाव संपत्तेणं धम्मकहाणं तइयस्स वग्गस्स चउप्पन्नं अज्झयण्णा पण्णत्ता, पढमस्स णं भंते ! अज्झयणस्स समणेणं जाव संपत्तेणं के अट्ठे पण्णत्ते ? एवं खलु जंबू ! ते णं काले णं ते णं समए णं रायगिहे णगरे, गुणसिलए चेइए, सामी समोसढे, परिसा णिग्गया जाव पज्जुवासति । ते णं काले णं ते णं समए णं अला देवी, धरणाए रायहाणीए अलावडेंसए भवणे अलंसि सीहासणंसि, एवं कालीगमएणं, जाव णट्टविहिं उवदंसेत्ता पडिगया, पुव्वभवपुच्छा, वाणारसीए णयरीए, काममहावणे चेइए, अले गाहावती, अलसिरी भारिया, अला दारिया, सेसं जहा कालीए, णवरं धरणस अग्गमहिसित्ताए उववातो, सातिरेगं अद्धपलिओवमं ठिती, सेसं तहेव । एवं खलु, णिक्खेवओ पढमस्स अज्झयणस्स । एवं मका २ सतेरा ३ सोयामणी ४ इंदा ५ विज्या वि६ । सव्वाओ एताओ धरणस्स अग्गमहिसीओ। एवेते छ अज्झयणा वेणुदेवस्स वि अविसेसियां भाणियव्वा । एवं जाव घोसस्स वि एते चेव छ अज्झयणा । एवेते दाहिणिल्लाणं इंदाणं चउप्पण्णं अज्झयणा भवंति । सव्वाओ वि वाणारसीए काममहावणे चेइए। तइयवग्गस्स णिक्खेवओ । उत्थो वग्गो१५२. चउत्थस्स उक्खेवओ। एवं खलु जंबू ! समणेणं जाव संपत्तेणं धम्मकहाणं चउत्थस्स वग्गस्स चउप्पण्णं अज्झयणा पण्णत्ता, तंजहा पढ अज्झयणे जाव चउप्पण्णइमे अज्झयणे । पढमस्स णं भंते ! अज्झयणस्स, उक्खेवगो । एवं खलु जंबू ! ते णं काले णं ते णं समए णं रायगिहे समोसरणं जाव परिसा पज्जुवासति । तेणं काले णं ते णं समए णं रूया देवी, रूयाणंदा रायहाणी, रूयगवडेंसए भवणे, रूयगंसि सीहासणंसि, जहा कालीए तहा, नवरं पुव्वभवे चंपाए पुण्णभद्दे चेतिए, रूयगे गाहावती, रूयगसिरी भारिया, रूया दारिया, सेसं तहेव, णवरं भूयाणंद अग्गमहिसित्ताए उववातो, देसूणं पलिओवमं ठिती, णिक्खेवओ। एवं सुरूया वि रूयंसा वि रूयगावती वि रूयकंता वि रूयप्पभा वि, एवेयाओ चेव उत्तरिल्लाणं इंदाणं भाणियव्वाओ जाव महाघोसस्स । णिक्खेवओ चउत्थवग्गस्स । पंचम वग्गो 555 १५३. पंचमवग्गस्स उक्खेवओ । एवं खलु जंबू ! जाव संपत्तेणं बत्तीसं अज्झयणा पण्णत्ता, तंजहा कमला कमलप्पभा चेव, उप्पला य सुदंसणा । रूववती बहुरूवा, सुरूवा सुभगा वि य ॥ ५३ ॥ पुन्ना बहुपुत्तिया चेव, उत्तमा तारगा विय। पउमा वसुमती चेव, कणगा कणगप्पा ॥५४॥ वडेंसा केउमती चेव, रइसेणा रइप्पिया । रोहिणी नवमिया चेव, हिरी पुप्फवती इ य ॥ ५५ ॥ भुयगा भुयगवती चेव, महाकच्छा फुडा इ य । सुघोसा विमला चेव, सुस्सरा य सरस्सती ॥५६॥ उक्खेवओ पढमस्स अज्झयणस्स । एवं खलु जंबू ! ते णं काले णं ते णं समए णं रायगिहे समोसरणं जाव परिसा पज्जुवासति । ते काणं तेणं समए णं कमला देवी, कमलाए रायहाणीए, कमलवडेंसए भवणे, कमलंसि सीहासणंसि, सेसं जहा कालीए तहेव, णवरं पुव्वभवे नागपुरे नगरे, सहसंबवणे उज्जाणे, कमलस्स गाहावतिस्स कमलसिरीए भारियाए कमला दारिया, पासस्स णं अंतिए निक्खता । कालस्स पिसायकुमारिंदस्स अग्गमहिसी, अद्रपलिओवमं ठिती, एवं सेसा वि अज्झयणा दाहिणिल्लाणं वाणमंतरिंदाणं भाणियव्वा । सव्वाओ णागपुरे सहसंबवणे उज्जाणे, मायापियरो धूयासरिनामया, ठिती अद्धपलिओवमं । पंचमो वग्गो सम्मत्तो । 55फ़ छट्टो वग्गो 55 १५४. छट्टो वि वग्गो पंचमवग्गसरिसो । णवरं महाकालादीणं उत्तरिल्लाणं इंदाणं
BOO श्री आगमगुणमजूषा ६९४
原