Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 110

46055555
४८
(६) णायाथम्मकहाओ प. सु. १९ अ. पुंडरी अं [99]
फफफफफफफफ अभिरूइए, तए णं देवाणुप्पिया ! जाव पव्वइत्तए । तए णं से पुंडरीए कंडरीयं एवं वयासी मा णं तुमं भाउया ! इदाणि मुंडे जाव पव्वाहि, अहं णं तुमं महया २ रायाभिसेएणं अभिसिंचामि । तए णं सेकंडरीए पुंडरीयस्स रण्णो एयमहं णो आढाति जाव तुसिणीए संचिट्ठति । तते णं पुंडरीए राया कंडरीयं दोच्चं पि तच्चं पि एवं बयासी जाव तुसिणीए संचिदुति । तते णं पुंडरीए कंडरीयं कुमारं जाहे नो संचाएनि बहूहिं आघवणाहि य पण्णवणाहि य सण्णवणाहि य विण्णवणाहि य नाहे अकामए चेव एयम अणुमन्नित्था जाव णिक्खमणाभिसेएणं अभिसिंचति जाव थेराणं सीसभिक्खं दलयति । पव्वतिए अणगारे जाए एक्कारसंगवी । तते णं थेरा भगवंतो अन्नया कयाइ पुंडरिगिणीओ नयरीओ णलिणीवणाओं उज्जाणाओ पडिणिक्खमंति, बहिया जणवयविहारं विहरति । १४३, तते णं तस्स कंडरीयस्स अणगारस्स तेहि अंतेहि य पंतेहि य जहा सेलगस्स जाव दाहवकंतीए यावि विहरति । तते णं ते घेरा अन्नया जेणेव पोंडरिगिणी तेणेव उवागच्छंति, २ णलिणिवणे समोसा, पोंडरीए णिग्गते, धम्मं सुणेति । तए णं पोंडरीए राया धम्मं सोच्चा जेणेव कंडरीए अणगारे तेणेव उवागच्छति, २ त्ता कंडरीयं वंदति णमंसति, २ त्ता कंडरीयस्स अणगारस्स सरीरगं सव्वाबाहं सरोयं पासति, २ त्ता जेणेव थेरा भगवंतो तेणेव उवागच्छति. २ थेरे भगवंते बंदति णमंसइ, २ त्ता एवं बयासी अहणणं भंते ! कंडरीयस्स अणगारस्स अहापवत्तेहिं ओसहभेसज्जेहिं जाव तेइच्छं आउट्टामि, तं तुब्भे णं भंते! मम जाणसालासु समोसरह । तते णं थेरा भगवंतो पुंडरीयस्स एयमहं पडिसुर्णेति, २ जाव उवसंपज्जित्ताणं विहरति । तते णं पुंडरीए राया जहा महुए सेलगस्स जाव बलियसरीरे जाते । तते पणं थेरा भगवंतो पुंडरीयं राय आपुच्छंति, २ त्ता बहिया जणवयविहरंति । तते णं से कंडरीए ताओ रोयायंकाओ विप्पमुक्के समाणे तंसि मणुष्णंसि असण- पाण- खाइम साइमंसि मुच्छिए गिद्धे गढिए अज्झोववन्ने णो संवाएइ पोंडरीयं आपुच्छिता बहिया अब्भुज्जएणं जाव विहरित्तए, तत्थेव ओसण्णे जाते । तते णं से पुंडरीए इमीसे कहाए लट्ठे समाणे पहाते अंतेउरपरियालसद्धिं संपरिवुडे जेणेव कंडरीए अणगारे तेणेव उवागच्छइ, २ त्ता कंडरीयं तिक्खुत्तो आयाहिणपयाहिणं करेइ, २ त्ता वंदति णमंसति, २ त्ता एवं वयासी धन्ने सि.णं तुमं देवाणुप्पिया ! कयत्थे, कयपुन्ने, कयलक्खणे, सुलद्धे णं देवाणुप्पिया ! तब माणुस्सए जम्मजीवियफले जे गं तुमं रज्जं च जाव अंतेउरं च विच्छता विग्गोवइत्ता जाव पव्वतिए, अहं णं अहणणे अपुण्णे अकयपुण्णे रज्जे य जाव अंतेउरे य माणुस्सएस य कामभोगेसु मुच्छिते जाव अज्झोववन्ने नो संचाए जाव पव्वतित्तए । तं धन्ने सि णं तुमं देवाणुप्पिया ! जाव जीवियफले । तते णं से कंडरीए अणगारे पुंडरीयस्स एयमहं णो आढाति जाव संचिट्ठति । तते कंडरीए पोंडरीए दोच्च पि तच्चं पि एवं वुत्ते समाणे अकामए अवसवसे लज्जाए गारवेण य पोंडरीयं आपुच्छति, २ थेरेहिं सद्धिं बहिया जणवयविहारं विहरति । तते गं से कंडरीए थेरेहिं सद्धिं कंचि कालं उग्ग उग्गेणं विहरति । ततो पच्छा समणत्तणपरितंते समणत्तणणिव्विण्णे समणत्तणणिब्भच्छिते समणगुणमुक्कजोगी थेराणं अंतियाओ सणियं सणियं पच्चोसक्कति, २ त्ता जेणेव पुंडरिगिणी नगरी जेणेव पुंडरीयस्स भवणे तेणेव उवागच्छति, २ त्ता असोवगवणिया असोगवरपायवस्स अहे पुढविसिलापट्टसि णिसीयति, २ त्ता ओहयमणसंकप्पे जाव झियायमाणे संचिट्ठति । तते णं तस्स पोंडरीयस्स अम्मधाती जेणेव असोगवणिया तेणेव उवागच्छति, २ कंडरीयं अणगारं असोगवरपायवस्स अहे पुढविसिलापट्टयंसि ओहयमणसंकप्पं जाव झियायमाणं पासति, २ त्ता जेणेव पोंडरीए राया तेणेव उवागच्छति, २ त्ता पोंडरीयं रायं एवं वदासी एवं खलु देवाणुप्पिया ! तव पियभाउए कंडरीए अणगारे असोगवणियाए असोगवरपायवस्स अहे पुढविसिला [पट्टयंसि] ओहयमण जाव झियायति । तते णं पोंडरीए अम्मधातीए अंतीए एयमवं सोच्चा णिसम्म तहेव संभंते समाणे उट्ठाए उट्ठेति, २ अंतेउरपरियालसंपरिवुडे जेणेव असोगवणिया जाव कंडरीयं तिक्खुत्तो २ जाव एवं वयासी धण्णे सि णं तुमं देवाणुप्पिया ! तमेव जाव पव्वतिते, अहं णं अधण्णे अपुण्णे पुणे पव्वत्तए, तं धन्ने सिणं तुमं देवाणुप्पिया ! जाव जीवियफले। तते णं कंडरीए पुंडरीएणं एवं वुत्ते समाणे तुसिणीए संचिट्ठति, दोच्चं पि तच्चं पि जाव चिट्ठति । तते गं पुंडरीए कंडरीयं एवं वदासि अट्ठो भंते! भोगेहिं ? हंता ! अट्ठो। तते णं से पोंडरीए राया कोटुंबियपुरिसे सद्दावेति, २ त्ता एवं वदासि खिप्पामेव भो देवाणुप्पिया ! कंडरीयस्स महत्थं जाव रायाभिसेअं उवट्ठवेह जाव रायाभिसेएणं अभिसिंचति । १४४. तने णं पुंडरीए संयमेव पंचमुट्ठियं लोयं करेति, २ सयमेव चाउज्जामं धम्मं फफफफफफफफफफफफफफफफ श्री आगमगणमंजूषा ६८ फ