Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 82

(६) णायाधम्मकहाओ प. सु. १४ अ. तेतली [७१]
आसखंधवरगए बहूहिं पुरिसेहिं सद्धिं संपरिवुडे सातो गिहातो निग्गच्छति, जेणेव कणगच्छए राया तेणेव पहारेत्थ गमणाए । तते णं तेतलिपुत्तं अमच्चं जे जहा बहवे राईसर-तलवर जाव पभियओ पासंति ते तहेव आढायंति, परियाणंति, अब्भुट्ठेति, अंजलिपरिग्गहं करेति, इठ्ठाहिं कंताहि जाव वग्गूहिं आलवमाणा य संलवमाणा य पुरतो य पिट्ठतो य पासतो य मग्गतो य समणुगच्छति। तते णं से तेतलिपुत्ते जेणेव कणगज्झए तेणेव उवागच्छिति । तते णं से कणगज्झए तेतलिपुत्तं एज्जमाणं पासति, २ त्तानो आढाति, नो परियाणाति, नो अब्भुट्ठेति, अणाढायमीणे ३ अणाढायमीणे अपरियाणमीणे अणब्भुट्ठेमीणे) परम्मुहे संचिट्ठति । तते णं से तेतलिपुत्ते गज्झयस्सरणो अंजलि करेइ, ततो य णं से कणगज्झए राया अणाढायमीणे ३ तुसिणीए परम्मुहे संचिट्ठति । तते णं तेतलिपुत्ते कणगज्झयं विप्परिणयं जाणत्ता भी जाव संजातभए एवं वदासी रुट्टे णं मम कणगज्झए राया, हीणे णं मम कणगज्झए राया, अवज्झाए णं मम कणगज्झए राया, तं ण नज्जइ णं मम hars कुमारेण मारेहिति त्ति कट्टु भीते तत्थे य जाव सणियं २ पच्चोसक्कति, २ त्ता तमेव आसखंधं दुरुहति, २ तेतलिपुरं मज्झंमज्झेणं जेणेव सए गिहे तेणेव पहारेत्थ गमणा । तते णं तं तेतलिपुत्तं जे जहा ईसर जाव पासंति ते तहा नो आढायंति, नो परियाणंति, नो अब्भुट्ठेति, नो अंजलि [ परिग्गहं करेति] इट्ठाहिं जाव नो संलवंति, नो पुरओ पिओ य पासओ य मग्गओ य समणुगच्छंति । तते णं तेतलिपुत्ते जेणेव सए गिहे तेणेव उवागए । जा वि य से तत्थ बाहिरिया परिसा भवति, तंजा दासेति वा पेसे ति वा भाइल्लए ति वा सा वि य णं नो आढाति, नो परियाणति, नो अब्भुट्टेति । जा वि य से अब्भितरिया परिसा भवति, तंजहा पिया इ वा माता ति वा जाव सुण्हा ति वा सा वि य णं नो आढाति, नो परियाणाति, नो अब्भुट्ठेति । तते णं से तेतलिपुत्ते जेणेव वासघरे जेणेव सयणिज्जे तेणेव उवागच्छति, २ त्ता सयणिज्जंसि णिसीयति, २ त्ता एवं वदासी एवं खलु अहं सयातो गिहातो निग्गच्छामि, तं चेव जाव अब्भितरिया परिसा नो आढाति, नो परियाणाति, नो अब्भुट्ठेति । तं सेयं खलु मम अप्पाणं जीवियातो ववरोवित्तए त्ति कट्टु एवं संपेहेति, २ तालउडं विसं आसगंसि पक्खिवति, से य विसे नो कमति । तते णं से तेतलिपुत्ते नीलुप्पल जाव असिं खंधंसि उवहरति, तत्थ वि य से धारा ओएण्णा (ओइण्णा ?) । तते णं से तेतलिपुत्ते जेणेव असोगवणिया तेणेव उवागच्छति, २ त्ता पासगं गवाए बंधति, २ रुक्खं दुरुहति, २ पासगं रुक्खे बंधति, २ अप्पाणं भुयति, तत्थ वि य से रज्जू छिन्ना । तते णं से तेतलिपुत्ते महतिमहालियं सिलं गीवाए बंधति, अत्थाहमतारमपोरुसेयंसि उदगंसि अप्पाणं मुयति, तत्थ वि से थाहे जाते । तते णं से तेतलिपुत्ते सुक्कंसि तणकूडंसि अगणिकायं पक्खिवति, २ त्ता अप्पाणं
जाए, को
तत्व से अगणिकाए विज्झाए । तते णं से तेतलि [पुत्ते ] एवं वदासी सद्धेयं खलु भो ! समणा वयंति, सद्धेयं खलु भो ! माण्हा वयंति, सद्धेयं खलु भो ! समणा माणा वयंति, अहं खलु एगो असद्धेयं वयामि, एवं खलु अहं सह पुत्तेहिं अपुत्ते को मेदं सद्दहिस्सति ? सह मित्तेहिंअमित्ते को मेदं सद्दहिस्सति ? एवं अत्थेणं, दारेणं, दासेहिं, पेसेहिं, परिजणेणं, एवं खलु तेतलिपुत्तेणं अमच्चेणं कणगज्झएणं रन्ना अवज्झाएणं समाणेणं तालपुडगे विसे आसगंसि पक्खित्ते, से विय णो कमति, को मेयं सद्दहिस्सति ? तेतलिपुत्ते णं अकच्चेणं नीलुप्पल जाव खंधंसि ओहरिए, तत्थ वि य से धारा ओइल्ला (ओइण्णा ?), को मेदं सद्दहिस्सति ? तेतलिपुत्ते पासगं गीवाएं बंधेइ, २ जाव रज्जू छिन्ना, को मेदं सद्दहिस्सति ? तेतलिपुत्ते महालियं जाव बंधित्ता अत्थाह जाव उदगंसि अप्पा मुक्के, तत्थ वि य णं था सद्दहिस्सति ? तेतलिपुत्ते सुक्कंसि तणकूडे० अग्गी विज्झाए, को मेदं सद्दहिस्सति ? ओहतमणसंकप्पे जाव झियाइ । तते णं से पोट्टिले देवे पोट्टिलारूवं विउव्वति, तेतलिपुत्तस्स अदुरसामंते ठिच्चा एवं वदासी हं भो तेतलिपुत्ता ! पुरतो पवाए, पिट्ठओ हत्थिभयं, दुहओ अचक्खुफासे, मज्झे सरा णिवयंति, गामे पलित्तेरन्ने झियाति, रन्ने पलित्ते गामे झियाति, आउसो ! तेतलिपुत्ता ! कओ वयामो ? तते णं से तेतलिपुत्ते पोट्टिलं एवं वयासी भीयस्स खलु भो ! पव्वज्जा, उक्कंट्ठियस्स सदेसगमणं, छायस्स अन्नं, तिसियस्स पाणं, आउरस्स भेसज्जं, माइयस्स रहस्सं, अभिजुत्तस्स पच्चयकरणं, अद्बाणपरिस्संतस्स वाहणगमणं, तरिउकामस्स पवणकिच्चं परं अभिउंजितुकामस्स सहायकिच्चं । खंतस्स दंतस्स जितिदियस्स एत्तो एगमवि ण भवति । तते णं से पोट्टिले देवे तेतलिपुत्तं अमच्चं एवं वदासी सुठु २ णं तुमं तेतलिपुत्ता ! एयमहं आयाणाहि त्ति कट्टु दोच्चं पि तच्चं पि एवं वयइ, २ जामेव दिसं पाउब्भूए तामेव दिसं पडिगए । १०३. तते णं तस्स श्री आगमगुणमंजूषा - ६६१
फफफफफफ