Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 78

(६) णायाधम्मक हाओ प. सु. १३ अ. दहुरे / १४ अ. तेतली
समाणे अंतनिग्घातिए कते यावि होत्या । तते णं से दद्दुरे अथामे अबले अवीरिए अपुरिसक्कारपरक्कमे अधारणिज्जमिति कट्टु एगंतमवक्कमति, करयलपरिग्गहियं सिरसावत्तं मत्थए अंजलि कट्टु एवं वयासी नमोत्थु णं जाव संपत्ताणं, नमोत्थु णं मम धम्मायरियस्स जाव संपाविउकामस्स, पुव्विं पि य णं मए समणस्स भगवतो महावीरस्स अंतिए थूलए पाणातिवाए पच्चक्खाए जाव थूलए परिग्गहे पच्चक्खाए, तं इयाणिं पि तस्सेव अंतिए सव्वं पाणातिवायं पच्चक्खामि जाव सव्वं परिग्गहं पच्चक्खामि जावज्जीवं सव्वं असण- पाण- खाइम साइमं पच्चक्खामी जावज्जीवं जं पि य इमं सरीरं इदं कंतं जाव मा फुसंतु एयं पि य णं चरिमेहिं सासेहिं वोसिरामि त्ति कट्टु । तते णं से दद्दुरे कालमासे कालं किच्चाजाव सोहम्मे कप्पे दद्दुरवडेंसए विमाणे उववायसभाए दद्दुरदेवत्ताए उववन्ने । एवं खलु गोयमा ! दद्दुरेण देवेणं सा दिव्वा देविड्डी लद्धा पत्ता अभिसमन्नागया। दद्दुरस्स णं भंते! देवस्स केवतियं कालं ठिई [पण्णत्ता ] ? गोयमा ! चत्तारि पलिओवमाइं ठिती पण्णत्ता । से णं दद्दुरे देवे महाविदेहे वासे सिज्झिहिति बुज्झिहिति जाव अंतं करेहिति । एवं खलु जंबू ! समणेणं भगवता महावीरेणं तेरसमस्स नायज्झयणस्स अमट्ठे पण्णत्ते त्ति बेमि । 555 || तेरसमं णायज्झयणं सम्मत्तं ।। 555 चोद्दसमं अज्झयणं 'तेतली' 55 ९६. जति णं भंते ! तेरसमस्स णायज्झयणस्स अयमठ्ठे पण्णत्ते चोहसमस्स णं णायज्झयणस्स के अट्ठे पण्णत्ते ? एवं खलु जंबू ! ते णं काले णं ते णं समए णं तेवलिपुरं नाम नगरं, पमयवणे णाम उज्जाणे, कणगरहे राया, तस्स णं कणगरहस्स पउमावती देवी, तस्स णं कणगरहस्स तेयलिपुत्ते णामं अमच्चे साम-दंड० । तत्थ णं तेयलिपुरे कलादे नामं मूसियारदारए होत्था अड्डे जाव अपरिभूते । तस्स णं भद्दा नाम भारिया । तस्स णं कलायस्स मूसियारदारगस्स धूया, भद्दाए अत्तिया, पोट्टिला नामं दारिया ओत्था रूवेण जोव्वणेण य लावण्णेण य उक्किट्ठा उक्किदुसरीरा । तते णं पोट्टिला दारिया अन्नदा कदाइ पहाता सव्वालंकारविभूसिया चेडियाचक्कवालसंपरिवुडा उप्पिं पासयवरगया आगासतलगंसि कणगतिंदुसएणं कीलमाणी २ विहरति, इमं च णं तेयलिपुत्ते अमच्चे पहाए आसखंधवरगते महया भडचडगर [वंदपरिक्खिते] आसवाहणियाए णिज्जायमाणे कलायस्स मूसियारदारगस्स गिहस्स अदूरसामंतेणं वीतिवयति । तते णं से तेयलिपुत्ते अमच्चे मूसियारदारग [स्] हिस्स अदूरसामंतेणं वीतिवयमाणे २ पोट्टिलं दारियं उप्पिं पासायवरगयं आगासतलगंसि कणगतिदूसरणं कीलमाणि पासति, २ पोट्टिलाए दारियाए रूवे य जोव्वणे य लावणे य जाव अज्झोववन्ने कोडुंबियपुरिसे सद्दावेति, २ त्ता एवं वदासी एस णं देवाणुप्पिया ! कस्स दारिया किंनामधेज्जा वा ? तते णं ते कोटुंबियपुरिसा तेयलिपुत्तं एवं वदासी एस णं सामी ! कलायस्स मुसियारदारयस्स धूया, भद्दाए अत्तया, पोट्टिला नामं दारिया रूवेण य जाव सरीरा । तते णं से तेयलिपुत्ते अमच्चे आसवाहणियाओ पडिनियत्ते समाणे अब्भिंतरट्ठाणिज्जे पुरिसे सद्दावेति, २ त्ता एवं वदासी गच्छह णं तुब्भे देवाणुप्पिया ! कलादस्स मूसियारदारंयस्स धूयं भद्दाए अत्तयं पोट्टिलं दारियं मम भारियत्ताए वरेह । तते णं ते अब्भिंतरट्ठाणिज्जा पुरिसा तेतलिणा एवं वुत्ता समाणा [हट्ठ तुट्ठा] करयल [परिग्गहियं दसणहं सिरसावत्तं मत्थए अंजलिं कट्टु एवं देवो] तहत्ति [आणाए विणएण वयणं पडिसुणेति, पडिसुणेत्ता तेयलिपुत्तस्स अमच्चस्स अंतियातो पडिणिक्खमंति, पडिणिक्खमेत्ता तेयलिपुरस्स नगरस्स मज्झंमज्झेणं] जेणेव कलायस्स मुसियारदारयस्स गिहे तेणेव उवागया । तते णं से कलाए मूसियारदारए ते पुरिसे एज्नमाणे पासति, २ त्ता हट्ठतुट्ठे आसणाओ अब्भुट्ठेति, २ त्ता सत्तट्ठपदातिं अणुगच्छति, २ त्ता आसणेणं उवणिमंतेति, २ आसत्थे वीसत्थे सुहासणवरगए एवं वदासी संदिसंतु णं देवाणुप्पिया ! किमागमणपओयणं ? तते णं ते अब्भिंतरट्ठाणिज्जा पुरिसा कलायं मूसियारदारयं एवं वदासी अम्हे णं देवाणुप्पिया ! तव धूयं भद्दाए अत्तयं पोट्टिलं दारियं तेयलिपुत्तस्स भारियत्ताए वरेमो । तं जति णं जाणसि देवाणुप्पिया ! जुत्तं वा पत्तं वा सलाहणिज्जं वा, सरिसो वा संजोगो, दिज्जउ णं पोट्टिला दारिया तेयलिपुत्तस्स । ता भण देवाणुप्पिया ! किं दलामो सुकं ? तते णं कलाए भूसियारदारए ते अब्भिंतरट्टाणिज्जे पुरिसे एवं वदासी एस चेव णं देवाणुप्पिया ! मम सुंके जन्नं तेतलिपुत्ते मम दारियानिमित्तेणं अणुग्गहं करेति । ते अब्भिंतरट्ठाणिज्जे पुरिसे विपुलेणं असण- पाण- खाइम साइमेणं पुप्फ-वत्थ जाव मल्लालंकारेणं सक्कारेति सम्माणेति, २
新
COOK श्री आगमगुणमंजुषा - ६५७ ४५
[ ६७ ]