Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 44

YOO
(६) णायाधम्मकहाओ प. सु. ५ अ. सेलगे [३३]
फ्रफ़ फ्र
जव जामेव दिसं पाउब्भूता तामेव दिसं पडिगया । तते णं से थावच्चापुत्ते पुरिससहस्सेण सद्धिं सयमेव पंचमुट्ठियं लोयं करेति जाव पव्वतिते । तते णं से थावच्चापुत्ते अणगारे जाते इरियासमिते भासासमिते जाव विहरति । तते णं से थावच्चापुत्ते अरहतो अरिट्ठनेमिस्स तहारूवाणं थेराणं अंतिए सामाइयमाइयातिं चोद्दस पुव्वातिं अहिज्जति, २ त्ता बहूहिं चउत्थ जाव विहरति । तते णं अरहा अरिट्ठनेमी थावच्चापुत्तस्स अणगारस्स तं इब्भाइयं अणगारसहस्सं सीसत्ताए दलयति । तते णं से थावच्चापुत्ते अन्नदा कदाइ अरहं अरिट्ठनेमिं वंदति नम॑सति, २ एवं वदासी इच्छामि णं भंते! तुब्भेहिं अब्भणुण्णाते समाणे सहस्सेणं अणगाराणं बहिया जणवयविहारं विहरित्तए । अहासुहं देवाणुप्पिया ! । तते णं से थावच्चापुत्ते अणगारसहस्सेण सद्धिं तेणं उरालेणं उदग्गेणं पयत्तेणं पग्गहिएणं [विहारेणं] बहिया जणवयविहारं विहरति । ५५. ते णं काले णं ते णं समए णं सेलगपुरे नाम नगरे होत्था, सुभूमिभागे उज्जाणे, सेलए राया, पउमावती देवी, महुए कुमारे जुवराया । तस्स णं सेलगस्स पंथगपामोक्खा पंच मंतिसया होत्था, उप्पत्तियाए वेणइयाए कम्मजाए पारिणामियाए ४ उववेया रज्जधुरं चिंतयंति । थावच्चापुत्ते सेलगपुरे समोसढे, राया णिग्गते, धम्मकहा, धम्मं सोच्चा जहा णं देवाणुप्पियाणं अंतिए बहवे उग्गा भोगा जाव चइत्ता हिरण्णं जाव पव्वतिता तहा णं अहं नो संचाएमि पव्वतित्तए, अहन्नं देवाणुप्पियाणं अंतिए पंचाणुव्वतियं जाव समणोवासए जाए अहिगयजीवाजीवे जाव अप्पाणं भावेमाणे विहरति । पंथगपामोक्खा पंच मंतिसया य समणोवासया जाया । थावच्चापुत्ते हिया जणवयविहारं विहरति । ते णं काले णं ते णं समए णं सोगंधिया नाम नयरी होत्था, वण्णओ। नीलासोए उज्जाणे, वण्णओ । तत्थ णं सोगंधियाए नयरीए सुदंसणे नाम नगरसेट्ठी परिवसति अड्डे जाव अपरिभूते । ते णं काले णं ते णं समए णं सुए नाम परिव्वायए होत्था, रिउव्वेय-जजुव्वेय- सामवेय- अथव्ववेयसट्ठितंतकुसले, संखसमए लद्धट्ठे, पंचजम- पंचनियमजुत्तं सोयमूलयं दसप्पयारं परिव्वायगधम्मं दाणधम्मं च सोयधम्मं च तित्थाभिसेयं च आघवेमाणे पण्णवेमाणे धाउरत्तवत्थपवरपरिहिए तिदंड - कुंडिय - छत्त छण्णालय- अंकुस पवित्तय केसरिहत्थगए परिव्वायगसहस्सेण सद्धिं संपरिवुडे जेणेव सोगंधिया नगरी जेणेव परिव्वायगावसह तेणेव उवागच्छति, २ परिव्वायगावसहंसि भंडगनिक्खेवं करेति, करेत्ता संखसमएणं अप्पाणं भावेमाणे विहरति । तते णं सोगंधियाए नयरीए सिंघाडग - [तिग- चउक्क - चच्चर- चउम्मुह महापह-पहेसु] बहुजणो अन्नमन्नस्स [ एवमाइक्खइ, एवं भासइ, एवं पण्णवेइ, ] एवं परूवेइ एवं खलु सुए परिव्वायगे इहमागते जाव विहरति । परिसा निग्गया, सुदंसणो वि णीति । तते णं से सुए परिव्वायए तीसे परिसाए सुदंसणस्स य अन्नेसिं च बहूणं संखाणं परिकहेति, एवं खलु सुदंसणा अम्हं सोयमूलए धम्मे पण्णत्ते, से वि य सोए दुविहे पण्णत्ते, तंजहा दव्वसोए य भावसोए य । दव्वसोए उदएणं मट्टियाए य, भावसोए दब्भेहि य मंतेहि य, जन्नं अम्हं देवाणुप्पिया ! किंचि असुई भवति तं सव्वं सज्जपुढवीए आलिप्पति, ततो पच्छा सुद्धेण वारिणा पक्खालिज्जति, ततो तं असुई सुई भवति, एवं खलु जीवा जलाभिसेयपूयप्पाणो अविग्घेणं सग्गं गच्छति । तते णं से सुदंसणे सुयस्स अंतिए धम्मं सोच्चा हट्ठ [तुट्ठे] सुयस्स अंतियं सोयमूलयं धम्मं गेण्हति, २ ता परिव्वायए विपुलेणं असण ४ पडिलाभेमाणे जाव विहरति । तते णं से सुए परिव्वायगे सोगंधियाओ नगरीओ निग्गच्छति, २ त्ता बहिया जणवयविहारं विहरति । ते णं काले णं ते णं समए णं थावच्चापुत्तस्स समोसरणं, परिसा निग्गया, सुदंसणो वि णीइ, थावच्चापुत्तं वंदति नम॑सति, २ त्ता एवं वदासी तुम्हाणं किंमूल धम्मे पण्णत्ते ? तते णं थावच्चापुत्ते सुदंसणेणं एवं वुत्ते समाणे सुदंसणं एवं वदासी सुदंसणा ! विणयमूलए धम्मे पण्णत्ते, से वि य विणए दुविहे पण्णत्ते, तंजा अगारविणए य अणगारविणए य । तत्थ णं जे से अगारविणए से णं पंच अणुव्वयातिं, सत्त सिक्खावयाति, एक्कारस उवासगपडिमाओ । तत्थ णं जेसे अणगारविणए से णं पंच महव्वयाइं पन्नत्ते, तंजहा सव्वातो पाणातिवायाओ वेरमणं, सव्वाओ मुसावायाओ वेरमणं, सव्वातो अदिन्नादाणातो वेरमणं, सव्वाओ मेहुणाओ वेरमणं, सव्वाओ परिग्गहाओ वेरमणं, सव्वाओ राइभोयणाओ वेरमणं, जाव मिच्छादंसणसल्लाओ वेरमणं, दसविहे पच्चक्खाणे, बारस मिक्खुपडिमाओ । इच्चेएणं दुविहेणं विणयमूलएणं धम्मेण अणुपुव्वेणं अट्ठकम्मपगडीओ खवेत्ता लोयग्गपट्ठाणा भवंति । तते णं थावच्चापुत्ते सुदंसणं एवं वदासी तुब्भं णं सुदंसणा ! किंमूलए धम्मे पण्णत्ते ? अम्हाणं देवाणुप्पिया ! सोयमूलए धम्मे पण्णत्ते जाव सग्गं गच्छति । तते णं थावच्चापुत्ते सुदंसणं एवं श्री आगमगुणमंजूषा ६२३TOR
YO