Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 63

(६) णायाधम्मकहाओ प. सु. ८ अ. मल्ली [५२ ]
असण- पाण- खाइम - साइमाओ एगमेगे पिंडे पक्खिप्पमाणे २ इमेयारूवे असुभे पोग्गलपरिणामे; इमस्स पुण ओरालियसरीरस्स खेलासवस्स वंतासवस्स पित्तासवस्स सुक्कासवस्स सोणियपूयासवस्स दुरूयऊसासनीसासस्स दुरूयमुत्तपूतियपुरीसपुण्णस्स सडण जाव धम्मस्स केरिसए परिणामे भविस्सति ? तं मा णं तुब्भे देवाणुप्पिया ! माणुस्सएसुकामभोगेसु सज्जह, रज्जह, गिज्झह, मुज्झह, अज्झोववज्जह। एवं खलु देवाणुप्पिया ! अम्हे इमाओ तच्चे भवग्गहणे अवरविदेहे वासे सलिलावतिमि विजए वीयसोगाए रायहाणीए महब्बलपामोक्खा सत्त वि य बालवयंसया रायाणो होत्था सहजाया जाव पव्वतिता । तए णं अहं देवाणुप्पिया ! इमेणं कारणेणं इत्थीनामगोयं कम्मं निव्वत्तेमि जति णं तुब्भे चउत्थं उवसंपज्जित्ताणं विहरह तते णं अहं छट्टं उवसंपज्जित्ताणं विहरामि, सेसं तहेव सव्वं । तते णं तुब्भे देवाणुप्पिया ! कालमासे कालं किच्चा जयंते विमाणे उववन्ना, तत्थ णं तुब्भं देसूणाति बत्तीसातिं सागरोवमाइं ठिती । तते णं तुब्भे ताओ देवलोगाओ अनंतरं चयं चत्ता इहेव जंबुद्दीवे दीवे भारहे वासे सातिं २ रज्जातिं उवसंपज्जित्ताणं विहरह। तते णं अहं देवाणुप्पिया ! तातो देवलोगातो आउक्खएणं जाव दारियत्ताए पच्चायाया । किं थ तयं पम्हुट्टं जं थ तया भो जयंतपवरंमि । वुत्था समयनिबद्धं देवा ! तं संभरह जातिं ॥ ९ ॥ ७५. तते णं तेसिं जियसत्तुपामोक्खाणं छण्हं राई मल्लीए विदेहराया [वरकन्नाए] अंतिए एतमहं सोच्चा णिसम्मा सुभेणं परिणामेणं पसत्थेणं अज्झवसाणेणं लेसाहिं विसुज्झमाणीहिं तयावर (णिज्जाणं कम्माणं खओवसमेणं) ईहा पूह मग्गण जाव सण्णि जाइस्सरणे समुप्पन्ने, एयमहं सम्मं अभिसमागच्छंति । तए तए णं मल्ली अरहा ते जितसत्तुपामोक्खे छप्पि रायणो समुप्पन्नजाइसरणे जाणित्ता गब्भघराणं दाराई विहाडेति । तते णं ते जितसत्तुपामोक्खा [छप्पिरायणो] जेणेव मल्ली अरहा तेणेव उवागच्छंति, तते जं महब्बलपामोक्खा सत्त पि य बालवयंसा एगयओ अभिसमन्नागता यावि होत्था । तते णं मल्ली अरहा ते जितसत्तुपामोक्खे छप्पि रायाणो एवं वयासी एवं खलु अहं देवाणुप्पिया ! संसारभउव्विग्गा जाव पव्वयामि, तं तुब्भे णं किं करेह, किं ववसह जाव के भे हिययसामत्थे ? तते णं जियसत्तुपामोक्खा छप्पि रायाणो मल्लिं अरहं एवं वयासी जति णं तुब्भे देवाणुप्पिया ! संसार जाव पव्वाह, अम्हाणं देवाणुप्पिया ! के अन्ने आलंबणे वा आहारे वा पडिबंधे वा ? जह चेव णं देवाणुप्पिया ! तुब्भे अम्हं इओ तच्चे भवग्गहणे बहूसु कज्जेसु य० मेढी पमाणं जाव धम्मधुरा ओत्था तह चेव णं देवाणुप्पिया ! इण्हिं पि जाव भविस्सह, अम्हे वि णं देवाणुप्पिया ! संसारभउव्विग्गा जाव भीया जम्मण-मरणाणं देवाणुप्पिएहिं सद्धिं मुंडा भवित्ता जाव पव्वयामो। तते णं मल्ली अरहा ते जितसत्तुपामोक्खे [छप्पि रायाणो] एवं वयासि जइ णं तुब्भे संसार जाव मए सद्धिं पव्वह, तं गच्छह णं तुब्भे देवाणुप्पिया ! सएहिं २ रज्जेहिं जेट्ठपुत्ते रज्जे ठावेह, २ त्ता पुरिससहस्सवाहिणी [ओ] सीयाओ दुरुहह, [पुरिससहस्सवाहिणीओ सीयाओ] दुरूढा समाणा मम अंतियं पाउब्भवह। तते णं ते जितसत्तुपामोक्खा [छप्पि रायाणो] मल्लिस्स अरहतो एतमट्टं पडिसुर्णेति । तते णं मल्ली अरहा ते जितसत्तुपामोक्खे [छप्पि रायाणो] गहाय जेणेव कुंभए तेणेव उवागच्छइ, उवागच्छित्ता कुंभगस्स पाएसु पाडेति । तते णं से कुंभए ते जितसत्तुपामोक्खे विपुलेणं असण ४ पुप्फ-वत्थ- गंध - मल्लालंकारेणं सक्कारेति सम्माणेति जाव पडिविसज्जेति । तते णं ते जियसत्तुपामोक्खा [छप्पि रायणो] कुंभएणं रण्णा विसज्जिया समाणा जेणेव साई साई रज्जातिं जेणेव नगरातिं तेणेव उवागच्छंति, २ त्ता सगाई सगाई रज्जातिं उवसंपज्जित्ताणं विहरति । तते णं मल्ली अरहा संवच्छरावसाणे निक्खमिस्सामि त्ति मणं पहारेति । ते णं काले णं ते णं समए णं सक्कस्सासणं चलति । तते णं से सक्के देविदे [देवराया] आसणं चलियं पासति, २ ओहिं पउंजति, २ त्ता मल्लिं अरहं ओहिणा आभोएति, २ त्ता इमेयारूवे अज्झत्थिए जाव समुप्पज्जित्था एवं खलु जंबुद्दीवे दीवे भारहे वासे मिहिलाए नयरीए कुंभगस्स रन्नो [धूया] मल्ली अरहा निक्खमिस्सामि त्ति मणं पहारेति, तं जीयमेयं तीयपच्चुप्पन्नमणागयाणं सक्काणं [देविंदाणं देवरायाणं] अरहंताणं भगवंताणं निक्खममाणाणं इमेयारूवं अत्थसंपयाणं दलइत्तए, तंजहा तिण्णेव य कोडिसया अट्ठासीतिं च होति कोडीओ | असितिं च सयसहस्सा इंदा दलयंति अरहाणं ॥ १० ॥ ७६. एवं संपेहेति, २ वेसमणं देवं सद्दावेति, २ त्ता [ एवं वयासी] एवं खलु देवाणुप्पिया ! जंबुद्दीवे दीवे भारहे वासे जाव असीति च सयसहस्साइ दलइत्तए, तं गच्छह णं देवाणुप्पिया ! जंबुद्दीवं दीवं भारहं वासं मिहिलं रायहाणिं, कुंभगस्स रन्नो भवणंसि इमेयारूवं अत्यसंपयाणं
45 45 45 45 45 45 LE LE LE
LG LEG GEG श्री. आत्माराणामन
*555555555கமிககககக**மிக்கழிகிழி
纸
20