Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 61

EK
溪9666666
(६) णायाधम्मकहाओ प. सु. ८ अ. मल्ली [५० ]
परिव्वाइयासंपरिवुडा जेणेव पंचालजणवए जेणेव कंपिल्लपुरे तेणेव उवागच्छति, २ कंपिल्लपुरे बहूणं राईसर जाव परूवेमाणी विहरति । तए णं से जियसत्तू अन्नदा कदाइ अंतो अंतेउरपरियाल सद्धिं संपरिवुडे एवं चावि विहरति । तते णं सा चोक्खा परिव्वाइयासंपरिवुडा जेणेव जितसत्तुस्स रण्णो भवणे जेणेव जितसत्तू तेणेव उवागच्छइ, २ अणुपविसति, २ जियसत्तुं जएणं विजएणं वद्धावेति । तते णं से जितसत्तू चोक्खं परिव्वाइयं एज्जमाणं पासति, २ सीहासणातो अब्भुट्ठेति, २ चोक्खं सक्कारेति, २ आसणेणं उवणिमंतेति । तते णं सा चोक्खा परिव्वाइया उदगपरिफोसियाए जाव भिसियाए निविसइ २, जितसत्तुं रायं रज्जे य जाव अंतेउरे य कुसलोदंतं पुच्छइ । तते णं सा चोक्खा जियसत्तुस्स रन्नो दाणधम्मं च जाव विहरति । तते णं से जियसत्तू अप्पणो ओरोहंसि जायविम्हए चोक्खं एवं वदासी तुम देवाप्पिया ! बहूणि गामागर जाव अडहि, बहूण य रातीसर० गिहातिं अणुपविसहि, तं अत्थि याइं ते कस्स वि रण्णो वा जाव एरिसए ओरोहे दिट्ठपुव्वे जारिसए इमे मह ओरोहे ? तए णं सा चोक्खा परिव्वाइया जियसत्तुं एवं वदासी (जियसत्तुणा रण्णा एवं वुत्ता समाणा ) ईसिं अवहसियं करेति, २ एवं वयासी सरिसए णं तुमं देवाणुप्पिया! तस्स अगडदद्दुरस्स । के णं देवाणुप्पिए! से अगडदद्दुरे ? जियसत्तू ! से जहा नामए अगडदद्दुरे सिया, से णं तत्थ जाए तत्थेव वुड्ढे अण्णं अगडं वा तलागं वा दहं वा सरं वा सागरं वा अपासमाणे मन्नइ अयं चेव णं अगडे वा जाव सागरे वा । तए णं तं कूवं अण्णे सामुद्दए दद्दुरे हव्वमागए, तए णं से कूवदद्दुरे तं सामुदं दद्दुरं एवं वदासी से केस णं तुमं देवाणुप्पिया !, कत्तो वा इह हव्वमागए ?, तए णं से सामुद्दए दद्दुरे तं कूवदद्दुरं एवं वयासी एवं खलु देवाणुप्पिया ! अहं सामुद्दए दद्दुरे । तए णं से कुवदद्दुरे तं सामुद्दयं दद्दुरं एवं वयासी केमहालए णं देवाणुप्पिया ! से समुद्दे ?, तए णं से सामुद्दए दद्दुरे तं कूवदद्दुरं एवं वयासी महालये णं देवाणुप्पिया ! समुद्दे । तए णं से दद्दुरे पाएणं लीहं कड्डेइ, २ एवं वयासी एमहालए णं देवाणुप्पिया ! से समुद्दे ?, णो इणट्ठे समट्ठे, महालए णं से समुद्दे । तए णं से कूवदद्दुरे पुरत्थिमिल्लाओ तीराओ उप्फिडित्ताणं गच्छइ, २ एवं वयासी एमहालए णं देवाणुप्पिया ! से समुद्दे ?, णो इणट्ठे तव । एवामेव तुमंपि जियसत्तू । अन्नेसिं बहूणं राईसर जाव सत्थवाहप्पभितीणं भज्जं वा भगिणिं वा धूयं वा सुण्हं वा अपासमाणे जाणसि जारिसए मम चेव णं ओरोहे तारिसए णो अण्णस्स, तं एवं खलु जियसत्तू ! मिहिलाएं नयरीए कुंभगधूता पभावतीए देवीए अत्तिया मल्ली नामं विदेह रायवरकण्णा रूवेण य जोव्वणेण जाव नो खलु अण्णा काइ देवकन्ना वा० जारिसिया मल्ली विदेहरायवरकण्णा, मल्लीए विदेहरायवरकण्णाए छिण्णस्सवि पायंगुट्ठस्स इमे तवोरोहे सयसहस्सतिमं पि कलं न अग्घति त्ति कट्टु व पाउब्भूता तामेव दिसं पडिगया । तते णं जितसत्तू परिव्वाइयाजणितहासे दूयं सद्दावेति, २ त्ता जाव पहारेत्थ गमणाए । ७४. तते णं तेसिं जियसतुपामोक्खाणं छण्हं राईणं दूया जेणेव मिहिला तेणेव पहारेत्थ गमणाए । तते णं छप्पि दूतका जेणेव मिहिला तेणेव उवागच्छंति, २ मिहिलाए अग्गुज्जाणंसि पत्तेयं २ खंधावारनिवेसं करेति, २ मिहिलं रायहाणि अणुपविसंति, २ जेणेव कुंभए तेणेव उवागच्छंति, २ पतेयं २ करयल [परिग्गहियं सिरसावत्तं मत्थए अंजलि कट्टु] साणं २ राई वयणातिं निवेदेति । तते णं से कुंभए तेसिं दूयाणं अंतियं एयमद्वं सोच्चा आसुरुत्ते जाव तिवलियं मिउडिं [निडाले साहड्ड] एवं वयासी न देमि णं अहं ब्भं मल्ि विदेहवरकण्णं ति कट्टु ते छप्पि दूते असक्कारिय असम्माणिय अवद्दारेणं णिच्छुभावेति । तते णं ते जितसत्तुपामोक्खाणं छण्हं राईणं दूया कुंभएणं रन्ना अक्कारिया असम्माणिया अवद्दारेणं णिच्छुभाविया समाणा जेणेव सगा २ जणवया जेणेव सयातिं २ णगराई जेणेव सगा २ रायाणो तेणेव उवागच्छंति, २ करयलप [रिग्गहियं सिरसावत्तं मत्थए अंजलिं कट्टु ] एवं वयासी एवं खलु सामी ! अम्हे जितसत्तुपामोक्खाणं छण्णं राईणं दूया जमगसमगं चेव जेणेव मिहिला जाव अवद्दारेणं निच्छुभावेति । तं ण देइ णं सामी कुंभए मल्लिं विदे [हरायवरकण्णं ], साणं २ राईणं एयमहं निवेदेति । तते णं ते जियसत्तुपामोक्खा छप्पि रायाणो तेसिं दूयाणं अंति एयमट्ठे सोच्चा निसम्म आसुरुत्ता अण्णमण्णस्स दूयसंपेसणं करेति, २ एवं वदासी एवं खलु देवाणुप्पिया ! अम्हं छण्हं राईणं दूया जमगसमगं चेव जाव निच्छूढा तं सेयं खलु देवाणुप्पिया ! अम्हं कुंभगस्स जत्तं गिण्हित्तए त्ति कट्टु अण्णमण्णस्स एतमहं पडिसुर्णेति, २ त्ता व्हाया सण्णद्धा हत्थिखंधवरगया सकोरेंटमल्ल जव सेयवरचामराहिं [वीइज्जमाणा] महया हय-गय-रह-पवरजोहकलियाए चाउरंगिणीए सेणाए सद्धिं संपरिवुडा सव्विड्डीए जाव रखेणं सएहिं २ नगरेहिंतो जाव श्री आगमगुणमंजूषा - ६४०