Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 60

955%%%%%%%%%
%
(६) णायाधम्मकहाओ प.सु. ८ अ. मल्ली [४९]
55555555555555
#Freog
FFFFFFFFFFFFFFFFFFFFFFFFFFFFF異FFFFFFFFFICA
वज्झं आणवेह, तं तुब्भे णं सामी ! तस्स चित्तगरस्स अन्नं तयाणुरूवं दंडं निव्वत्तेह । तए णं से मल्लदिन्ने तस्स चित्तगरस्स संडासगं छिदावेति, [२] निव्विसयं आणवेति । तए णं से चित्तगरए मल्लदिन्नेणं णिव्विसए आणत्ते समाणे सभंडमत्तोवगरणमायाए मिहिलाओ णयरीओ णिक्खमइ, २ विदेहं जणवयं मझमज्झेणं जेणेव कुरुजणवए जेणेव हत्थिणाउरे नयरे जेणेव अदीणसत्तू राया तेणेव उवागच्छइ, २ भंडणिक्खेवं करेइ, २ चित्तफलगं सज्झेइ, २ मल्लीए, विदेह[रायवरकन्नाए] पायंगुट्ठाणुसारेण रूवं णिव्वत्तेइ, २ कक्खंतरंसि छुब्भइ, २ महत्थं महग्धं महरिहं जाव पाहुडं गेण्हइ, २ हत्थिणापुरं नयर मज्झमज्झेणं जेणेव अदीणसत्तू राया तेणेव उवागच्छति, २ तं करयल जाव वद्धावेइ, २ पाहुडं उवणेति, २ एवं वदासी एवं खलु अहं सामी ! मिहिलाओ रायहाणीओ कुंभगस्स रण्णो पुत्तेणं पभावतीएफ देवीए अत्तएणं मल्लदिन्नेणं कुमारेणं निव्विसए आणत्ते समाणे इहं हव्वमागए, तं इच्छामि णं सामी ! तुब्भं बाहुच्छायापरिग्गहिए जाव परिवसित्तए । तते णं से अदीणसत्तू राया तं चित्तगरदारयं एवं वदासी किण्णं तुमं देवाणुप्पिया! मल्लदिण्णेणं निव्विसए आणत्ते? तएणंसे चित्त यरदारए] अदीणसत्तुं रायं एवं वदासी एवं खलु अहं सामी ! भल्लदिन्ने कुमारे अण्णया कयाइ चित्तगरसेणिं सद्दावेइ, २ एवं वयासी तुब्भे णं देवाणुप्पिया ! मम चित्तसभं तं चेव सव्वं भाणितव्वं जाव मम संडासगं छिदावेइ, २ निव्विसयं आणवेइ । तं एवं खलु सामी ! मल्लदिन्नेणं कुमारेणं निव्विसए आणत्ते । तते णं अदीणसत्तू राया तं चित्तगरं एवं वदासी से केरिसए णं देवाणुप्पिया ! तुमे मल्लीए तदाणुरूवे रूवे निव्वत्तिए ? तते णं से चित्तकरे कक्खंतराओ चित्तफलयं णीणेति, २ अदीणसत्तुस्स उवणेइ, २ एवं वयासी एस णं सामी ! मल्लीए वि[देहरायवरकण्णगाए] तयाणुरूवस्स रूवस्स केइ आगारभावपडोयारे निव्वत्तिए, णो खलु सक्का केणइ देवेण वा जाव मल्लीएम विदेहरायवरकण्णगाए तयाणुरूवे रूवे निव्वत्तित्तए। तते णं अदीणसत्तू पडिरूवजणितहासे दूयं सद्दावेति, २ एवं वदासी तहेव जाव पहारेत्थ गमणाए। ७४. ते णं काले णं ते णं समए णं पंचाले जणवए, कंपिल्लपुरे नगरे, जियसत्तू नाम राया पंचालाहिपती, तस्स णं जितसत्तुस्स धारिणीपामोक्खं देविसहस्सं ओरोहे होत्था । तत्थ णं मिलाए चोक्खा नामं परिव्वाइया रिव्वेद जाव परिणिट्ठिया यावि होत्था । तते णं सा चोक्खा परिव्वाइया मिहिलाए बहूणं राईसर जाव सत्थवाहपभितीणं पुरतो दाणधम्मं च सोयधम्मं च तित्थाभिसेयं च आघवेमाणी पण्णवेमाणी परूवेमाणी उवदंसेमाणी विहरति । तते णं सा चोक्खा परिव्वाइया अन्नदा कदाइ तिदंडं च कुंडियं च जाव धाउरत्ताओ य गेण्हइ, २ परिव्वाइगावसहातो पडिनिक्खमइ, २ पविरलपरिव्वाइया सद्धिं संपरिखुडा मिहिलं रायहाणिं मज्झंमज्झेणं जेणेव कुंभगस्स रण्णो भवणे जेणेव कन्नतेउरे जेणेव मल्ली विदेह [रायवरकण्णा] तेणेव उवागच्छइ, २त्ता उदयपरिफोसियाए दब्भोवरि पच्चत्थुयाए भिसियाए निसीयति, २त्ता मल्लीए विदेह रायवरकण्णगाए पुरतो दाणधम्मं च जाव विहरति । तते णं मल्ली वि [देहरायवरकन्ना] चोक्खं परिव्वाइयं एवं वयासी तुब्भं णं चोक्खे ! किंमूलए धम्मे पन्नत्ते? तते णं सा चोक्खा परिव्वाइया मल्लिं विदेहरायवरकण्णं] एवं वदासी अम्हंणं देवाणुप्पिए! सोयमूलए धम्मे पण्णत्ते, जण्णं अम्हं किंचि असुई भवइ तण्णं उदएण य मट्टियाए य जाव अविग्घेणं सग्गं गच्छामो । तए णं मल्ली वि [देहरायवरकण्णा] चोक्खं परिव्वाइयं एवं वदासी चोक्खी ! से जहानामए केइ पुरिसे रुहिरकयं वत्थं रुहिरेण चेव धोवेज्जा, अत्थि णं चोक्खी ! तस्स रुहिरकयस्स वत्थस्स रुहिरेणं धोव्वमाणस्स काइ सोही ? नो इणढे समढे।' एवामेव चोक्खी ! तुब्भं णं पाणाइवाएणं जाव मिच्छादसणसल्लेणं नत्थि काइ सोही, जहा व तस्स रुहिरकयस्स वत्थस्स रुरिरेणं चेव धोव्वमाणस्स । तएणं सा चोक्खी परिव्वाइया मल्लीए वि [देहरायवरकण्णगाए एवं वुत्ता समाणा संकिया कंखिया वितिगिच्छिया भेयसमावण्णा जाया यावि होत्था, मल्लीए विदेह रायवरकण्णगाए] णो संचाएति किंचि वि पमोक्खमाइक्खित्तए, तुसिणीया संचिट्ठति । तते णं तं चोक्खं परिव्वाइयं मल्लीए विदेहरायवरकण्णगाए बहूओ
दासचेडीओ हीति, निदति, खिसंति, गरिहंति, अप्पेगतिया हेरुयालेति, अप्पेगतिया मुहमक्कडियाओ करेंति, अप्पेगतिया वग्घाडीओ करेति, अप्पेगतिया * तज्जेमाणीओ तालेमाणीओ निच्छुभंति । तए णं सा चोक्खा मल्लीए विदेह [रायवरकण्णयाए] दासचेडियाहिं जाव गरहिज्जमाणी हीलिज्जमाणी आसुरुत्ता जाव
मिसिमिसेमाणी मल्लीए विदेहरायवरकन्नयाए पओसमावज्जति, मिसियं गेण्हति, २ त्ता कन्नतेउराओ पडिनिक्खमति, २ मिहिलाओ निग्गच्छति, २ त्ता worko) 55555555555555 श्री आगमगुणमजूषा - ६३९5555555555555555555555555OOR
明明明明明明明明明明明明明明明明听听听听听听听明明明明明明明明明明明明明明明明明明明明明明明明明明CC