Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 71

राणानापपाण्. पापमा गण
h hhhhhhhhhiHORORS
CF乐乐555听听听听听听听听听听 乐555$$$$$$$$$$乐乐乐乐乐乐乐乐乐乐乐乐
जहा वा से जिणरक्खिए । छलिओ अवयक्खंतो निरावयक्खो गओ अविग्घेणं । तम्हा पवयणसारे निरवयक्खेण भवियव्वं ॥३०|| भोगे अवयक्खंता पडंति संसारसागरे घोरे। भोगेहिं निरवयक्खा तरंति संसारकंतारं ॥३१।। ८६. तते णं सा रयणदीवदेवया जेणेव जिणपालिए तेणेव उवागच्छति, २त्ता बहूहिं अणुलोमेहि य पडिलोमेहि य वरमयसिंगारेहिं य कल्लुणेहि य उवसग्गेहि य जाहे नो संचाएइ चालित्तए वा खोभित्तए वा विप्परिणामेत्तए वा ताहे संता तंता परितंता निविण्णा समाणा जामेव दिसं नाउब्भूता तामेव दिसं पडिगया। तते णं से सेलए जक्खे जिणपालिएण सद्धिं लवणसमुदं मज्झमज्झेणं वीतिवयति, जेणेव चंपानगरी तेणेव उवागच्छति, २त्ता चपाए नयरीए अग्गुज्जाणंसि जिणपालियं पट्टातो ओयारेति, २त्ता एवं वदासी एस णं देवाणुप्पिया ! चंपानयरी दीसति त्ति कट्ट जिणपालियं आपुच्छति, २ जामेव दिसं पाउब्भूए तामेव दिसं पडिगए। ८७. तते णं जिणपालिए चंपं अणुपविसति, २ जेणेव सए गिहे जेणेव अम्मापियरो तेणेव उवागच्छइ,२ अम्मापिऊणं रोयमाणे जाव विलवमाणे जिणरक्खियवावत्तिं निवेदेति । तते णं जिणपालिए अम्मापियरो य मित्त-णाति जाव परिजणेण सद्धिं रोयमाणातिं बहूइं लोइयाइं मयकिच्चाई करेंति, २त्ता कालेणं विगतसोगा जाया। तते णं जिणपालियं अन्नया कयाइ सुहासणवरगतं अम्मापियरो एवं वदासी कहण्णं पुत्ता। जिणरक्खिए कालगते ? तते णं से जिणपालिए अम्मापिऊणं लवणसमुद्दोत्तारं च कालियवायसंमुच्छणं च पोतवहणविवत्तिं च फलहखंडआसातणं च रयणदीवुत्तारं च रयणदीवदेवयागेण्हणं च भोगविभुइं च रयणदीवदेवयाअप्पाहणं च सूलाइपुरिसदरिसणं च सेलगजक्खआरुहणं च रयणदीवदेवयाउवसगं च जिणरक्खियविवत्तिं च लवणसमुद्दउत्तरणं च चंपागमणं च सेलगजक्खआपुच्छणं च जहाभूतमवितहमसंदिद्धं परिकहेति । तते णं से जिणपालिए जाव अप्पसोगे जाव विपुलातिं भोगभोगाइं भुंजमाणे विहरति । ८८. ते णं काले णं ते णं समए णं समणे भगवं महावीरे समोसढे, जिणपालिए] धम्म सोच्चा पव्वतिए, एक्कारसंगवी, मासिएणं [भत्तेणं अपाणएणं कालमासे कालं किच्चा] सोहम्मे कप्पे देवत्ताए उववन्ने,] दो सागरोवमाइं [ठिई, महाविदेहे सिज्झिहिति, एवामेव समणाउसो ! जाव माणुस्सए कामभोए णो पुणरवि आसयइ पत्थयति पीहेति अभिलसति से णं जाव वीतिवतिस्सति, जहा वा से जिणपालिए। एवं खलु जंबू ! समणेणं भगवया महावीरेणं नवमस्स णायज्झयणस्स अयमढे पण्णत्ते त्ति बेमि ॥ नवमं अज्झयणं सम्मत्तं ॥ दसमं अज्झयणं 'चंदिमा' ८९. जति णं भंते ! समणेणं भगवया महावीरेणं नवमस्स णायज्झयणस्स अयमढे पण्णत्ते दसमस्स णं णायज्झयणस्स के अढे पण्णत्ते ? एवं खलु जंबू ! ते णं काले णं ते णं समए णं रायगिहे नयरे गोयमे एवं वदासी कहण्णं भंते ! जीवा वडंति वा हायति वा ? गोयमा ! से जहा नामए बहुलपक्खस्स पाडिवयाचंदे पुण्णिमाचंदं पणिहाय हीणे वण्णेणं, हीणे सोम्मयाए, हीणे निद्धयाए, हीणे कंतीए, एवं दित्तीए जुत्तीए छायाए पभाए ओयाए लेस्साए मंडलेणं, तयाणंतरं च णं बीयाचंदे पाडिवयं चंदं पणिहाय हीणतराए वण्णेणं जाव मंडलेणं, तयाणंतरं च णं ततियाचंदे बितियाचंदं पणिहाय हीणतराए वण्णेणं जाव मंडलेणं, एवं खलु एएणं कमेणं परिहायमाणे २ जाव अमावसाचंदे चाउद्दसिचंदं पणिहाय नढे वण्णेणं जाव नढे मंडलेणं, एवामेव समणाउसो जो अम्हं निग्गंथो वा निग्गंथी वा जाव पव्वइए समाणे हीणे खंतीए एवं मुत्तीए गुत्तीए अज्जवेणं मद्दवेणं लाघवेणं सच्चेणं तवेणं चियाए अकिंचणयाए बंभचेरवासेणं, तयाणंतरं च णं हीणतराए खंतीए जाव हीणतराए बंभचेरवासेणं, एवं खलु एएणं कमेणं परिहायमाणे २ णढे खंतीए जाव णटे बंभचेरवासेणं । से जहा वा सुक्कपक्खस्स पाडिवयाचंदे अमावसाचंदं पणिहाय अहिए वण्णणं जाव अहिए मंडलेणं, तयाणंतरं चणं बिझ्याचंदे पाडिवयाचंदं पणिहाय अहिययराए वण्णेणंजाव अहियतराए मंडलेणं, एवं खलु एएणं कमेणं परिवड्डेमाणे २ जाव पुण्णिमाचंदे चाउद्दसिचंदं पणिहाय पडिपुण्णे वण्णेणं जाव पडिपुण्णे मंडलेणं, एवामेव समणाउसो । जाव पव्वतिए समाणे अहिए खंतीए जाव बंभचेरवासेणं, तयाणंतरं च णं अहिययराए खंतीए जाव बंभचेरवासेणं, एवं खलु एएणं कमेणं परिवड्डेमाणे २ जाव पडिपुण्णे बंभचेरवासेणं । एवं खलु जीवा वटुंति वा हायंति वा । एवं खलु जंबू ! समणेणं भगवता महावीरेणं दसमस्सणायज्झयणस्स अयमढे पण्णत्ते त्ति बेमि। दिसमं नायज्झयणं सम्मत्तं ॥ एक्कारसं अज्झयणं दावद्दवे'
听听听听听听听听听听听听乐乐乐乐乐乐乐乐乐听听听听听听听听听听听听听明明明明明明明听听听听听听乐Q
AGROFF$$$$
Re:5
55555555555555555555 श्री आगमगुणमंजूषा - ६५०55555555555555555555555OOR