Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 70

(६) णायाधम्मकहाओ प. सु.
/ ९ अ. मायंदी [ ५९ ]
आसुरुता असिखेडगं गेण्हर्ति, २ सत्तट्ठ जाव उप्पयति, २ त्ता ताए उक्किट्ठाए [देवगतीए ] जेणेव मार्गदियदारगा तेणेव उवागच्छति, २ एवं वदासी हं भो मागंदियदारगा अप्पत्थियपत्थिया किण्णं तुब्भे जाणह ममं विप्पजहाय सेलएणं जक्खेणं सद्धिं लवणसमुदं मज्झंमज्झेणं वीतिवयमाणा २ ? तं एवमवि गए जइ तुभे ममं अवयक्खह तोभे अत्थि जीवियं, अह णं णावयक्खह तो भे इमेणं नीलुप्पलदलगवल जाव एडेमि । तते णं ते मागंदियदारया रयणदीवदेवयाए अंतिए एयमहं सोच्चा णिसम्म अभीया अतत्था अणुव्विग्गा अक्खुभिया असंभंता रयणदीवदेवयाए एयमहं नो आढायंति, नो परियाणंति, जो अवयक्खंति, अणाढायमीणा अपरियाणमीणा अणवयक्खमीणा सेलएण जक्खेण सद्धिं लवणसमुद्धं मज्झं मज्झेणं वीतिवयंति। तते णं सा रयणदीवदेवयाए ते मागंदियदारगे जाहे नो संचा बहूहिं' [खरएहि य मउएहि य अणुलोमेहि य] पडिलोमेहि य उवसग्गेहि य चालित्तए वा खोभित्तए वा लोभित्तए वा विपरिणामित्तए वा ताहे महुरेहि यसिंगारेहिय कलुणेहि य उवसग्गेहि य उवसग्गेउं पयत्ता यावि होत्था। हं भो मागंदियदारगा ! जातिं णं तुब्भेहिं देवाणुप्पिया ! मए सद्धिं हसियाणि य रमियाणि यलियाणि कीलयाणि य हिंडियाणि य मोहियाणि य ताइन्नं तुब्भे सव्वातिं अगणेमाणा ममं विप्पजहाय सेलएणं सद्धिं लवणसमुद्दं मज्झमज्झेणं वीतिवयह । तते णं सा रणदीवदेवया जिणरक्खियस्स मणं ओहिणा आभोएति, आभोएत्ता एवं वदासी णिच्चं पि य णं अहं जिणपालियस्स अणिट्ठा अकंता अप्पिया अमणुण्णा अमणामा, निच्चं मम जिणपालिए अणिट्टे अकंते अप्पिए अमणुण्णे अमणामे, निच्चं पि य णं अहं जिणरक्खियस्स इट्ठा कंता पिया मणुम्मा मणामा, निच्वं पि य णं ममं जिणरक्खिए इट्ठे कंते पिए मणुम्मे मणामे । जति णं ममं जिणपालिए रोयमाणि कंदमाणि सोयमाणिं तिप्पमाणिं विलवमाणिं णावयक्खति, किण्णं तुमं जिणरक्खिया ! ममं रोयमाणि जाव णावयक्खसि ? तते णं सा पवररयणदीवस्स देवया ओहिणा उ जिणरक्खियस्स । नाऊण वधनिमित्तं उवरिं मागंदियदारगाणं दोपहंपि || १ ||२२|| दोसकलिया सललियं णाणाविहचुण्णवासमीसं दिव्वं । घाणमणनिव्वुइकरं सव्वोउयसुरभिकुसुमवुद्धिं पहुंचमाणी ||२||२३|| णाणामणि - कणग- रयणघंटिया• खिखिणि-उर- मेहलभूसणरवेणं । दिसाओ विदिसाओ पूरयंती वयणमिणं बेति सा सकलुसा ||३||२४|| हाल वसुल गोल णाह दइत पिय रमण कंत सामिय णिग्घिण णित्थक्क । थिण्ण णिक्किव अकयण्णुय सिढिलभाव निल्लज्ज लुक्ख अकलुण जिणरक्खिय मज्झं हिययरक्खग ! || ४ ||२५|| ण हु जुज्जसि एक्कियं अणाहं अबंधवं तुज्झ चलणओवायकारियं उज्झिउमधण्णं । गुणसंकर ! हं तुमे विहूणा ण समत्था जीवितं खणं पि || ५ ||२६|| इमस्स उ अणेगझस-मगरविविधसावयसयाउलघरस्स । रयणागरस्स मज्झे अप्पाणं वहेमि तुज्झ पुरओ एहि णियत्ताहि जब सि कुवितो खमाहि एक्कावराहं मे ||६||२७|| तुझं य विगयघणविमलससिमंडलागारसस्सिरीयं सारदनवकमल-कुमुद-कुवलयदलनिकरसरिसनिभनयणं । वयणं पिवासागयाए सद्धा मे पेच्छिउं जे अवलोएहि ता इओ मं णाह जा ते पेच्छामि वयणकमलं ||७||२८|| एवं सप्पणयसरलमहुरातिं पुणो पुणो कलुणाई वयणाति । जंपमाणी सा पावा मग्गओ समण्णेइ पावहि ||८||२९|| तते णं से जिणरक्खिए चलमणे तेण य भुसणरवेणं कण्णसुंमणहरेणं तेहि य सप्पणयसरलमहुरभणिएहिं संजायबिउणराए रयणदीवदेवयाए तीसे सुंदरथणजहण - वयण-कर-चरण- नयण- लावण्णरूव जोव्वणसिरिं च दिव्वं सरभसउवगूहियाइं विब्बोयविलसियाणि य विहसिय सकडक्खदिट्ठि निस्ससियमलिय-उवललिय-थिय-गमण-पणयखिज्जिय-पसादियाणि य सरमाणे रागमोहियमई अवसे कम्मवसगए अवयक्खति मग्गतो सविलियं । तते णं तं जिणरक्खियं सप्पन्नकणभावं मच्चुगलत्थल्लणोल्लियमहं अवयक्खंतं तहेव जक्खे उ सेलए जाणिऊण सणियं सणियं उव्विहति नियगपट्टाहि विगयसङ्के । तते णं सा रयणदीवदेवया निस्संसा कलुणं जिणरक्खियं सकलुसा सेलगपट्ठाहि ओवयंतं दास ! मओ सि त्ति जंपमाणी अप्पत्तं सागरसलिलं गेण्हिय बाहाहिं आरसंतं उड्ड उव्विहति अंबरतले, ओवयमाणं च मंडलग्गेण पडिच्छित्ता नीलुप्पलगवलअयसिप्पगासेण असिवरेण खंडाखंडि करेति, २ त्ता तत्थेव विलवमाणं तस्स य सरसवाहियस्स घेत्तूण अंगमंगातिं सरुहिराई उक्खित्तबलिं चउद्दिसिं करेति सा पंजली पहट्ठा। ८५. एवामेव समणाउसो ! जो अम्हं निग्गंथाणं वा निग्गंधीण वा अंतिए पव्वतिए समाणे पुणरवि माणुस्सए कामभोगे आसयति पत्थयति पीहेति अभिलसति से णं इह भवे चेव बहूणं समणाणं ४ जाव संसारं अणुपरियट्टिस्सति, श्री आगमगणमनपा ६०० THE WET WELLE LE LE LE LE LE LE LE LE LE LE LE LE LE LT
YO