Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 42

(६) णायाधम्मकहाओ प. सु.
/ ५ अ. सेलगे [33]
फुफ्र फ्रफ़ फ्रफ़ फ्र
समणेण भगवया महावीरेणं चउत्थस्स नायज्झयणस्स अयमठ्ठे पण्णत्ते, पंचमस्स णायज्झयणस्स के अट्ठे पण्णत्ते ? एवं खलु जंबू ! ते णं काले णं णं सम बारवती नाम नयरी होत्था, पाईणपडीणायया उदीणदाहिणवित्थिण्णा नवजोयणवित्थिण्णा दुवालसजोयणायामा धणवतिमतिणिम्माया चामीयरपवरपागारा णाणामणिपंचवण्णकविसीसगसोहिया अलयापुरिसंकासा पमुतियपक्कीलिया पच्चक्खं देवलोगभूता । तीसे णं बारवतीए णगरीए बहिया उत्तरपुरत्थिमे दिसीभागे रेवतगे णाम पव्वए होत्था, तुंगे गगणतलमणुलिहंतसिहरे णाणाविहगच्छ गुम्म-लता वल्लिपरिगते हंस-सस-मिग-मयूर कोंच-सारस-चक्कवाय-मयणसालकोइलकुलोववेए अणेगतड कडग वियर उज्झर-पावाय पब्भार- सिहरपउरे अच्छरगण देवसंघ - चारण- विज्जाहर- मिहुणसंविचिण्णे निच्चच्छणए दसारवरवीरपुरिसतेलोक्कबलवगाणं, सोमे सुभगे पियदंसणे सुरूवे पासातीए ४ । तस्स णं रेवयगस्स अदूरसामंते एत्थ णं णंदणवणे नाम उज्जाणे होत्था, सव्वोउयपुप्फफलसमिद्धे रम्मे नंदणवणप्पगासे पासातीए ४ । तस्स णं उज्जाणस्स बहुमज्झदेसभाए सुरप्पिए नाम जक्खाययणे होत्था, दिव्वे० वण्णओ । तत्थ णं बारवतीए णयरीए कण्हे नामं वासुदेवे राया परिवसती । से णं तत्थ समुद्दविजयपामोक्खाणं दसण्हं दसाराणं, बलदेवपामोक्खाणं पंचण्हं महावीराणं, उग्गसेणपामोक्खाणं सोलसण्हं रायसहस्साणं, पज्जुन्नपामोक्खाणं अद्भुट्ठाणं कुमारकोडीणं, संबपामोक्खाणं सट्ठीए दुदंतसाहस्सीणं, वीरसेणपामोक्खाणं एक्कवीसाए वीरसाहस्सीणं, महासेणपामोक्खाणं छप्पन्नाए बलवगसाहस्सीणं, रुप्पिणीपामोक्खाणं बत्तीसाए महिलासाहस्सीणं, अणंगसेणापामोक्खाणं अणेगाणं गणियासाहस्सीणं, अन्नेसिं च बहूणं ईसर-तलवर जाव सत्थवाहप्पभिईणं वेयडगिरिसागरपेरंतस्स य दाहिणड्डूभरहस्स बारवतीए नयरीए आहेवच्चं जाव पालेमाणे विहरति । ५३. तत्थ णं बारवईए नयरीए थावच्चा णाम गाहावतिणी परिवसति, अड्डा जाव अपरिभूता । तीसे णं थावच्चाए गाहावतिणीए पुत्ते थावच्चापुत्ते णामं सत्थवाहदारए होत्था सुकुमालपाणि पाए जाव सुरूवे । तते णं सा थावच्चा गाहावइणी तं दारगं सातिरेगअट्ठवासजाययं जाणित्ता सोहणंसि तिहि करण णक्खत्तमुहुत्तंसि कलायरियस्स उवणेति, जाव भोगसमत्थं जाणित्ता बत्तीसाए इब्भकुलबालियाणं एगदिवसेणं पाणिं गेण्हावेति, बत्तीसओ दाओ जाव बत्तीसाए इब्भकुलबालियाहिं सद्धिं विपुले सद्द-फरिस रस- रूव-गंधे जाव भुंजमाणे विहरति । ते णं काले णं ते णं समए णं अरहा अरिट्ठनेमी, सो चेव वण्णओ, दसधणुस्सेहे नीलुप्पल - गवल - गुलिय-अयसिकुसुमप्पगासे, अट्ठारसहिं समणसाहस्सीहिं सद्धिं संपरिवुडे, चत्तालीसाए अज्जियासाहस्सीहिं सद्धिं संपरिवुडे, पुव्वाणुपुव्विं चरमाणे, गामाणुगामं दूइज्जमाणे जाव जेणेव बारवती नगरी, जेणेव रेवयगपव्वए, जेणेव नंदणवणे उज्जाणे, जेणेव सुरप्पियस्स जक्खस्स जक्खाययणे, जेणेव असोगवरपायवे तेणेव उवागच्छइ, २ त्ता अहापडिरूवं उग्गहं ओगिण्हित्ता संजमेणं तवसा अप्पाणं भावेमाणे विहरति । परिसा निग्गया, धम्मो कहितो। तते णं से कण्हे वासुदेवे इमीसे कहाए लट्ठे समाणे कोटुंबियपुरिसे सद्दावेति, २ त्ता एवं वदासी खिप्पामेव भो देवाणुप्पिया ! सभाए सुहम्माए मेघोघरसियं गंभीरमहुरसद्दं कोमुदियं भेरिं तालेह । तते णं ते कोटुंबियपुरिसा कण्हेणं वासुदेवेणं एवं वुत्ता समाणा हट्ठतुट्ठा जाव मत्थए अंजलि कट्टु एवं सामी ! तहत्ति' जाव पडणेति, २त्ता कण्हस वासुदेवस्स अंतियाओ पडिनिक्खमंति, २ त्ता जेणेव सभा सुहम्मा जेणेव कोमुदिया भेरी तेणेव उवागच्छंति, २ त्ता तं मेघोघरसियं गंभीर-महुरसद्दं कोमुदियं भेरिं तालेति । ततो निद्धमहुरगंभीरपडिसुएणं पिव सारइएणं बलाहएणं अणुरसियं भेरीए । तते णं तीसे कोमुदियाए भेरिए तालियाए समाणीए बारवतीए नयरीए नवजोयणवित्थिण्णाए दुवालसजोयणायामाए सिंघाडग-तिय- चउक्क - चच्चर-कंदर-दरी - वियर - कुहर - गिरिसिहर - नगर - गोउर -पासाय दुवार-भवण-देउलपडिसुयासयसहस्ससंकुलं करेमाणे बारवतिं नगरिं सब्भिंतरबाहिरियं सव्वतो समंता से सद्दे विप्पसरित्था । तते णं बारवतीए नयरीए नवजोयणवित्थिण्णाए बारसजोयणायामाए समुद्दविजयपामोक्खा दस दसारा जाव गणियासहस्साई कोमुदियाए भेरीए सद्दं सोच्चा णिसम्म हट्ठट्ठा जाव ण्हाया आविद्धवग्घारियमल्लदामकलावा अहतवत्थचंदणोल्लित्तगायसरीरा, अप्पेगतिया हयगया, एवं गयगया, रह-सीया-संदमाणीगया, अप्पेगतिया पायविहारचारेण पुरिसवग्गुरापरिक्खित्ता कण्हस्स वासुदेवस्स अंतियं पाउब्भवित्था । तते णं से कण्हे वासुदेवे समुद्दविजयपामोक्खे दस दसारे जाव अंतियं पाउब्भवमाणे पासित्ता ॐ श्री आगमगुणमजूषा - ६२१
फ्र
sexx