Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 41

Kor55555555555
(६) णायाधम्मकहाओ प. सु.
/४ अ. कुम्मे
[३०]
555555555555555FOTOR
OGC%听听听听听听听听听听听听听听听听听听听明明明明明明明明明明明明明明明明明明明明明明明明明明明明$5C
संछन्नपत्तपुप्फपलासे बहुउप्पलपउमकुमुयनलिणसुभगसोगंधियपुंडरीयमहापुंडरीयसयपत्तंसहस्सपत्तकेसरपुप्फोवचिए छप्पयपरिभुज्जमाणकमले अच्छविमलसलिलपत्थपुण्णे परिहत्थभमंतमच्छकच्छभअणेगसउणगणमिहुणपविचरिए पासादीए दरिसणिज्जे अभिरूचे पडिरूवे । तत्थ णं बहूणं मच्छाण य कच्छभाण य गाहाण य मगराण य सुंसुमाराण य सइयाणि य साहस्सियाणि य सयसाहस्सियाणि य जूहाई निब्भयाइं निरूव्विग्गाइं सुहंसुहेणं अभिरममाणाई विहरंति । तस्सणं मयंगतीरद्दहस्स अदूरसामने एत्थ णं महं एगे मालुयाकच्छए होत्था, वण्णओ। तत्थ णं दुवे पावसियालगा परिवसंति, पावा चंडा रोद्दा तल्लिच्छा साहसिया लोहितपाणी आमिसत्थी आमिसाहारा आमिसप्पिया आमिसलोला आमिसं गवेसमाणा रत्ति-वियालचारिणो दिया पच्छण्णं यावि चिट्ठति । तते णं तातो मयंगतीरद्दहातो अन्नया कदाइ सुरियसि चिरत्थमियंसिलुलियाए संझाए पविरलमाणुसंसि णिसंतपडिणिसंतंसि समाणंसि दुवे कुम्मगा आहारत्थी आहारं गवेसमाणा सणियं सणियं उत्तरंति। तस्सेव मयंगतीरद्दहस्स परिपेरंतेणं सव्वतो समंता परिघोलेमाणा परिघोलेमाणा वित्तिं कप्पेमाणा विहरंति। तयणंतरं च णं ते पावसियालगा आहारत्थी जाव आहारं गवेसमाणा मालुयागच्छगाओ पडिनिक्खमंति, २त्ता जेणेव मयंगतीरद्दहे तेणेव उवागच्छंति, २त्ता तस्सेव मयगंतीरद्दहस्स परिपेरंतेणं परिघोलेमाणा परिघोलेमाणा वित्तिं कप्पेमाणा विहरति । तते णं ते पावसियालया ते कुम्मए पासंति, २ त्ता जेणेव ते कुम्मए तेणेव पधारेत्थ गमणाए । तते णं ते कुम्मगा ते पावसियालए एज्जमाणे पासंति, २ त्ता भीता तत्था तसिया उव्विग्गा संजातभया हत्थे य पादे य गीवाओ य सएहिं २ काएहिं साहरंति, २ त्ता निच्चला निष्फंदा तुसिणीया संचिट्ठति । तते णं ते पावसियालया जेणेव ते कुम्मगा तेणेव उवागच्छंति, २ त्ता ते कुम्मगा सव्वतो समंता उव्वत्तेतिं परियत्तेतिं आसारेति संसारेंति चालेति घट्टेति फंदेति खोभेति, नहेहिं आलुंपंति, दंतेहि य अक्खोडेति, नो चेवणं संचाएंति तेसिं कुम्मगाणं किंचि सरीरस्स आबाहं वा पबाहं वा वाबाहं वा उप्पाइत्तए छविच्छेदं वा करेत्तए। ततेणं ते पावसियालगा ते कुम्मए दोच्चं पि तच्चं पिसव्वतो समंता उव्वत्तेति जाव नो चेवणं संचाएंति करेत्तए। ताहे संता तंता परितंता निविण्णा समाणा सणियं सणियं पच्चोसक्केंति, २ त्ता एगंतमवक्कमंति, २ निच्चला निप्फंदा तुसिणीया संचिट्ठति । तत्थ णं एगे कुम्मगे ते पावसियालए चिरगते दूरगए जाणित्ता सणियं सणियं एगं पायं निच्छुभति । तते णं ते पावसियाला तेणं कुम्मएणं सणियं सणियं एगं पायं निणियं पासंति, २त्ता सिग्धं चवलं तुरियं चंडं जतिणं वेगितं जेणेव से कुम्मए तेणेव उवागच्छंति, २ तस्सणं कुम्मगस्स तं पायं नक्खेहिं आलुंपंति, दंतेहिं अक्खोडेति, ततो पच्छा मंसं च सोणियं च आहारेति, २ त्ता तं कुम्मगं सव्वतो समंता उव्वत्तेति जाव नो चेवणं संचाएंति करेत्तए ताहे दोच्चं पि अवक्कमंति, एवं चत्तारि वि पाया जाव सणियं सणियं गीवं णीणेति। ततेणं ते पावसियालगा तेणं कुम्मएणं गीवं णीणियं पासंति, पासित्ता सिग्धं चवलं तुरियं चंडं जइणं वेइयं जाव नहेहिं दंतेहिं य कवालं विहाडेति, २त्ता तं ॥ कुम्मगं जीवियाओ ववरोवैति, २ त्ता मंसंच सोणियं च आहारेति । एवामेव समणाउसो ! जो अम्हं निग्गंथो वा निग्गंथी वा आयरिय उवज्झायाणं अंतिए पव्वतिए समाणे, पंच य से इंदिया अगुत्ता भवंति से णं इह भवे चेव बहूणं समणाणं ४ हीलणिज्जे निंदणिज्जे खिंसणिज्जे गरहणिज्जे] परिभवणिज्ने , परलोगे वि य णं आगच्छति बहूणं दंडणाणं जाव अणुपरियदृति, जहा व से कुम्मए अगुतिदिए। तते णं ते पावसियालगा जेणेव से दोच्चए कुम्मए तेणेव उवागच्छंति, २ तं कुम्मगं सव्वतो समंता उव्वत्तेति जाव दंतेहिं णिक्खुडेंति जाव नो चेव णं सक्का करेत्तए। तते णं ते पावसियालगा दोच्चं पितच्वं पिजाव नो संचाएंति तस्स कुम्मगस्स किंचि आबाहं वा पबाहं वा जाव छविच्छेदं वा करेत्तए । ताहे संता तंता परितंता निविण्णा समाणा जामेव दिसं पाउब्भूता तामेव दिसं पडिगया । तते णं से कुम्मए ते पावसियालए चिरगए दूरगए जाणित्ता सणियं सणियं गीवं नीणेति, २ दिसावलोयं करेति, २ त्ता जमगसमगं चत्तारि वि पादे नीणेति, २ ताए उक्किट्ठाए कुम्मगतीए वीतीवयमाणे वीतीवयमाणे जेणेव मयंगतीरहहे तेणेव उवागच्छति, २त्ता मित्त-णाति-नियग-सयण-संबंधि-परिजणेण सद्धिं अभिसमन्नागए यावि होत्था । एवामेव
समणाउसो! जो अम्हं समणो वा समणी वा पंच य से इंदियाइं गुत्ताइं भवंति जाव जहा व से कुम्मए गुत्तिदिए। एवं खलु जंबू ! समणेणं भगवया महावीरेणं चउत्थस्स यणायज्झयणस्स अयमढे पण्णत्ते त्ति बेमि ।। ।। चउत्थं णायज्झयणं सम्मत्तं ॥४॥ पंचमं अज्झयणं सेलेगे ५२. जति णं भंते ! Mor99555555555 श्री आगमगुणमंजूषा - ६२०5555 955555555555555$$OOR
ZOZOFFFFFFFFFFFFFFFFFFFFFFFFFFFFFFFFFFFFFFFFFFFFFFFFQON