Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 55

KGRO
(६) णायाधम्मकहाओ प. सु. ८ अ. मल्ली [४४]
फ्र
तणं पडिबुद्धि सुबुद्धिं अमच्चं एवं वदासी केरिसिया णं देवाणुप्पिया ! मल्ली विदेहरायवरकन्ना, जस्स णं संवच्छरपडिलेहणयंसि सिरिदामगंडस्स पउमावतीए देवीए सिरिदामगंडे सयसहस्सतिमं पि कलं न अग्घति ! तते णं सुबुद्धी पडिबुद्धिं इक्खागरायं एवं वदासी एवं खलु सामी ! [ मल्ली] विदेहराय [वरकन्ना] सुपइट्ठियकुम्मुन्नयचारुचरणा, वण्णओ । तते णं पडिबुद्धी सुबुद्धिस्स अमच्चस्स अंतिए सोच्चा णिसम्म सिरिदामगंडजणितहासे दूयं सद्दावेइ, २ त्ता एवं वयासी गच्छाहि णं तुमं देवाणुप्पिया ! मिहिलं रायहाणिं, तत्थ णं कुंभगस्स रण्णो धूयं पभावतीए [देवीए] अत्तियं मल्लिं विदेहवररायकन्नगं मम भारियत्ताए वरेहि, जति वि य णं सा सयं रज्जसुंका। तते णं से दूए पडिबुद्धिणा रन्ना एवं वुत्ते समाणे हट्ट [तुट्ठे] पडिसुणेति, २ त्ता जेणेव सए गिहे जेणेव चाउग्घंटे आसरहे तेणेव उवागच्छति, २ त्ता चाउरघंट आसरहं पडिकप्पावेति, २ [चाउग्घंटं आसरहं] दुरूढे जाव हयगय ) महया भडचडगरेणं साएयाहो णिग्गच्छति, २ त्ता जेणेव विदेहाजणवए जेणेव महिला रायहाणी तेणेव पहारेत्थ गमणाए । ६९. ते णं काले णं ते णं समए णं अंगा नाम जणवए होत्था । तत्थ णं चंपा नाम नयरी होत्था । तत्थ णं चंपाए नयरीए चंदच्छाए अंगराया होत्था । तत्थ णं चंपाए नयरीए अरहन्नगपामोक्खा बहवे संजत्ताणावावाणियगा परिवसंति अड्डा जाव अपरिभूया । तते णं से अरहन्नगे समणोवास यावि होत्था अहिगयजीवाजीवे, वण्णओ । तते णं तेसिं अरहन्नगपामोक्खाणं संजत्ताणावावाणियगाणं अन्नदा कदाइ एगयओ सहियाणं इमेयारूवे मिहो कहासमुल्लावे समुप्पज्जित्था सेयं खलु अम्हं गणिमं च धरिमं च मेज्जं च पारिच्छेज्जं च भंडगं गहाय लवणसमुद्द पोतवहणेण ओगाहित्तए त्ति कट्टु अन्नमन्नस्स एयमहं पडिसुणेति, २ गणिमं च ४ गेण्हंति, २ सगडीसागडयं च सज्जेति, २ त्ता गणिमस्स ४ भंडगस्स सगडीसागडयं भरेति, (२) सोहणंसि तिहि करण- नक्खत्त-मुहुत्तंसि विपुलं असण ४ उवक्खडावेति, मित्त-णाइ [णियग-सयण संबंधि-परिजणं] भोयणवेलाए भुंजावेति जाव आपुच्छंति, २ त्ता सगडीसागडियं जोयंति, २ त्ता चंपाए नयरी मज्झंमज्झेणं णिग्गच्छंति, २ त्ता जेणेव गंभीरए पोयपट्टणे तेणेव उवागच्छंति, २ त्ता सगडीसागडियं मोयंति, २ त्ता पोयवहणं सज्जेति, २त्ता गणिमस्स य जाव चउव्विहस्स भंडगस्स भरेंति, २ तंदुलाण य समितस्स य तेल्लस्स य घयस्स य गुलस्स य गोरसस्स य उदयस्स य उदयभायणाण य ओसहाण य भेसज्जाण य तणस्स य कट्ठस्स य आवरणाण य पहरणाण य अन्नेसिं च बहूणं पोतवहणपाउग्गाणं दव्वाणं पोतवहणं भरेति, (२ सोहणंसि तिहि करण-नक्खत्त-मुहुत्तंसि विपुलं असण ४ उवक्खडावेति, २ मित्तणाति [णियग-सयण-संबंधि-परिजणं] आपुच्छंति, २ त्ता जेणेव पोतट्ठाणे तेणेव उवागच्छंति । तते णं तेसिं अरहन्न जव वाणियगाणं परियणो (णा) जाव ताहिं इट्ठाहिं जाव वग्गूहिं अभिनंदंता य अभिसंथुणमाणा य एवं वदासी अज्ज! तात ! भाय ! माउल ! भागिणेज्ज ! भगवता समुद्देणं अभिरक्खिज्जमाणा २ चिरं जीवह, भद्दं च भे, पुणरवि लट्ठे कयकज्जे अणहसमग्गे नियगं घरं हव्वमागते पासामो त्ति कट्टु ताहिं सोमाहिं निद्धाहिं दीहाहिं सप्पिवासाहिं पप्पुयाहिं दिट्ठीहिं निरिक्खमाणा मुहुत्तमेत्तं संचिद्वंति । तओ समाणिएसु पुप्फबलिकम्मेसु दिन्नेसु सरसरत्तचंदणदद्दरपं चंगुलितलेसु, अणुक्खित्तंसि धूवंसि, पूइतेसु समुद्दवातेसु, संसारियासु वलयबाहासु, ऊसिएसु सिएस झयग्गेसु, पडुप्पवाइएसु तूरेसु, जइएसु सव्वसउणेसु, गहिएस रायवरसासणेसु, महया उक्विट्ठिसीहणाय जाव रखेणं पक्खुभितमहासमुद्दरवभूयं पिव मेइणिं करेमाणा एगदिसं जाव वाणियगा णावं दुरूढा । ततो पुस्समाणवो वक्कमुदाहु हं भे! सव्वेसामि अत्थि अत्थसिद्धी, उवट्ठिताइं कल्लाणाई, पडिहयातिं सव्वपावाइं, जुत्तो पूसो, विजओ मुहत्तो, अयं देसकालो । ततो पुस्समाणवेणं वक्के मुदाहिए हट्ठतुट्ठकुच्छिधारकन्नधारगब्भिजसंज्जत्ताणावावाणियगा वावरिंसु, तं नावं पुन्नुच्छंगं पुण्णमुहिं बंधणेहिंतो मुंचति । तते णं सा नावा विमुक्कबंधणा पवणबलसमाहया ऊसियसिया, विततपक्ख इव गरूलजुवती, गंगासलिलतिक्खसोयवेगेहिं संछुब्भमाणी २, उम्मीतरंगमालासहस्साइं समतिच्छमाणा २, कइवएहिं अहोरत्तेहिं लवणसमुद्दं अणेगातिं जोयणसतातिं ओगाढा । तते णं तेसिं अरहन्नगपामोक्खाणं संजत्तानावावाणिगयाणं लवणसमुद्दे अणेगाई जोयणसयाई ओगाढाणं समाणाणं बहूतिं उप्पातियसतातिं पाउब्भूयाई, तंजहा अकाले गज्जिते, अकाले विज्जुते, अकाले थणियसद्दे, अभिक्खणं अभिक्खणं आगासे देवताओ नच्वंति । एगं च णं महं पिसायरूवं पासंति, तालजंघं दिवंगयाहिं बाहाहिं मसि मूसगमहिसकालगं भरियमेहवण्णं लंबोट्टं निग्गयग्गदंतं निल्लालियजमलजुयलजीहं आऊसियवयणगंडदेसं Moo श्री आगमगुणमंजूषा - ६३४
Res