Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 39

aor.9555555555555555
(६) णायाधम्मकहाओ प. सु.
/३ अ. अंडे
(२८]
CSC5%$$$$
र अउणत्तीसं विसेसे रममाणी एक्कवीसरतिगुणप्पहाणा बत्तीसपुरिसोवयारकुसला णवंगसुत्तपडिबोहिया अट्ठारसदेसीमासाविसारया सिंगारागारचासवेसा
संगयगयहसिय० उसियज्झया सहस्सलंभा विदिन्नछत्तचामरवालवीयणिया कण्णीरहप्पयाया वि होत्था, बहुणं गणियासहस्साणं आहवच्चं जाव विहरति । तते णं तेसिं सत्थवाहदारगाणं अन्नया कदाइ पुव्वावरण्हकालसमयंसि जिमियभुत्तुत्तरागयाणं समाणाणं आयंताणं चोक्खाणं परमसुइभूयाणं सुहासणवरगयाणं इमेयारूवे मिहोकहासमुल्लावे समुप्पजित्था - सेयं खलु अम्हं देवाणुप्पिया ! कल्लं जाव जलंते विपुलं असण-पाण-खाइम-साइमं उवक्खडावेत्ता तं विपुलं असण-पाणखाइम-साइमं धूव-पुप्फ-गंध-वत्थं गहाय देवदत्ताए गणियाए सद्धिं सुभूमिभागस्स उज्जाणस्स उजाणसिरिं पच्चणुब्भवमाणाणं विहरित्तए ति कट्ट अन्नमन्नस्स एयमढें पडिसुणेति, २ कल्लं पाउ० जाव कोडुंबियपुरिसे सद्दावेति, २त्ता एवं वदासी - गच्छहणं तुब्भे देवाणुप्पिया ! विपुलं असण-पाण-खाइम-साइमं उवक्खडेह, २ तं विपुलं असण ४ धूव-पुप्फ गहाय जेणेव सुभूमिभागे उज्जाणे जेणेव गंदा पुक्खरिणी तेणामेव उवागच्छह, २ नंदाए पुक्खरिणीए अदूरसामंते थूणामंडवं आहणह, २ त्ता आसितसम्मज्जितोवलित्तं सुगंध जाव कलियं करेह, २ ता अम्हे पडिवालेमाणा २ चिट्ठह, जाव चिट्ठति । तए णं ते सत्थवाहदारगा दोच्चं पि कोडुबियपुरिसे सद्दावे ति, २ ता एवं वदासी . खिप्पामेव लहक रणजुत्तजोतियं समखुरवालिहाणसमलिहियतिक्खसिंगे हिं रययामयघंटसुत्तरज्जुयवरकंचणखचियणत्थपग्गहोवग्गहितएहिं नीलुप्पलकयामेलएहिं पवरगोणजुवाणएहिं नानामणिरयणकंचणघंटियाजालपरिक्खित्तं पवरलक्खणोववेयं जुत्तामेव पवहणं उवणेह। ते वि तहेव उवणेति । तते णं ते सत्थवाहदारगा व्हाया जाव सरीरा पवहणं दुरुहंति, २ त्ता जेणेव देवदत्ताए गणियाए गिहे तेणेव उवागच्छंति, २ त्ता पवहणातो पच्चोरुहंति, २ देवदत्ताए गणियाए गिह अणुपविसंति। तते णं सा देवदत्ता गणिया ते सत्थवाहदारए एज्जमाणे पासति, २त्ता हट्ठतुट्ठा आसणातो अब्भुढेति, २त्ता सत्तट्ठ पयाई अणुगच्छति, २त्ता ते सत्थवाहदारए एवं वदासी - संदिसंतुणं देवाणुप्पिया ! किमिहागमणप्पतोयणं ? तते णं ते सत्थवाहदारगा देवदत्तं गणियं एवं वदासी - इच्छामो णं देवाणुप्पिए ! तुमे सद्धिं सुभूमिभागस्स उज्जाणस्स उज्जाणसिरिं पच्चणुब्भवमाणा विहरित्तए। तते णं सा देवदत्ता तेसिं सत्थवाहदारगाणं एतमढे पडिसुणेति, २ त्ता बहाया कयबलिकम्मा किं ते वर जाव सिरीसमाणवेसा जेणेव सत्थवाहदारगा तेणेव उवागया। तते णं ते सत्थवाहदारगा देवदत्ताए गणियाए सद्धिं जाणं दुरुहंति,२ त्ता चंपाए नयरीए मज्झंमज्झेणं जेणेव सुभूमिभागे उज्जाणे जेणेव नंदा पुक्खरिणी तेणेव उवागच्छंति, २॥ त्ता पवहणातो पच्चोरुहंति, २ त्ता नंदं पोक्खरिणिं ओगाहेति, २ जलमज्जणं करेंति, २त्ता जलकीडं करेंति, २ ण्हाया देवदत्ताए सद्धिपच्चुत्तरंति, २त्ता जेणेव ॥ थूणामंडवे तेणेव उवागच्छंति, २ अणुपविसंति, २ सव्वालंकारभूसिया आसत्था वीसत्था सुहासणवरगयादेवत्ताए सद्धिं तं विपुलंअसण ४ धूव-पुप्फ-गंध-वत्थं आसाएमाणा वीसाएमाणा परि जमाणा एवं च णं विहरंति । जिमियमुत्तुत्तरागया वि य णं समाणा देवदत्ताए सद्धिं विपुलातिं माणुस्सगाई कामभोगाई भुंजमाणा विहरंति । ४७. तते णं ते सत्थवाहदारगा पुव्वावरहणकालसमयंसि देवदत्ताए गणियाए सद्धिं थूणामंडवाओ पडिनिक्खमंति, २ त्ता हत्थसंगेल्लीए सुभूमिभागे बहूसु आलिघरएसु य जाव कुसुमघरएसु य उज्जाणसिरि पच्चणुब्भवमाणा विहरति । ४८. तते णं ते सत्थवाहदारया जेणेव से मालुयाकच्छए तेणेव पहारेत्थ गमणाए। तते ॥ णं सा वणमयूरी ते सत्थवाहदारए एज्जमाणे पासति, २त्ता भीया तत्था महया २ सद्देणं केकारवं विणिम्मुयमाणी २ मालुयाकच्छाओ पडिनिक्खमति, २त्ता एगंसि
रुक्खडालयंसि ठिच्चा ते सत्यवाहदारए मालुयाकच्छयं च अणिमिसाए दिट्ठीए देहमाणी २ चिट्ठति । तते णं ते सत्थवाहदारगा अण्णमण्णं सद्दावेति, २ एवं ॐ वदासी जहा णं देवाणुप्पिया ! एसा वणमयूरी अम्हे एज्जमाणे पासित्ता भीता तत्था तसिया उब्विग्गा पलाया महता २ सद्देशं जाव अम्हे मालुयाकच्छकं च
पेच्छमाणी २ चिट्ठति तं भवियव्वमेत्थ कारणेणं ति कट्ठ मालुयाकच्छयं अंतो अणुपविसंति, तत्थ णं दो पुढे परियागए जाव पासित्ता अन्नमन्नं सद्दावेति, २ एवं विदासी सेयं खलु देवाणुप्पिया! अम्हं इमे वणमयूरीअंडए साणं साणं जातिमंताणं कुक्कुडियाणं अंडएसु पक्खिवावेत्तए। तते णं ताओ जातिमंताओ कुक्कुडियाओम
एए अंडए सए य अंडए सएणं पक्खवाएणं सारक्खमाणीओ संगोवेमाणीओ विहरिस्संति । तते णं अम्हं एत्थं दो कीलावणगा मयूरपोयगा भविस्संति त्ति कट्टर Yo5555555555 5 55 श्री आगमगुणमजूषा - ६१८ $ $
$ $$$$$$$$$OOK
$$$$$$$$$$$$$$$$$$$$$$$$$$$$$$$$$$$$$$$$$$
C5555555555乐乐乐乐听听听听听听听听听听听听听听听听听听听听听听听听听听$乐乐乐乐明明明明TO