Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 37

(६) णायाधम्मकहाओ प. सु. / २अ संघाडे [२६]
पडणीयस्स पच्चामित्तस्स एत्तो विपुलाओ असण ४ संविभागं करेज्जामि । तते णं से धणे सत्थवाहे तं विपुलं असण ४ आहारेति, २ तं पंथयं पडिविसज्जेति । तते गं से पंथ दास चेडए तं भोयणपिडंगं गिण्हति, २ त्ता जामेव दिसं पाउब्भूते तामेव दिसं पडिगए। तते णं तस्स धणस्स सत्थवाहस्स तं विपुलं असण ४ आहारियस्स समाणस्स उच्चारपासवणे णं उब्बाहित्था, तते णं से धणे सत्थवाहे विजयं तक्करं एवं वदासी एहि ताव विजया ! एगंतमवक्कमामो जाणं अहं उच्चारपासवणं परिवेमि । ततेणं से विज्जए तक्करे धणं सत्थवाहं एवं वयासी तुज्ज णं देवाणुप्पिया ! विपुलं असण ४ आहारियस्स अत्थि उच्चारे वा पासवणे वा मम णं देवाणुप्पिया ! इमेहिं बहूहिं कसप्पहारेहि य जाव लयापहारेहि य तण्हाए य छुहाए य परब्भमाणस्स णत्थि केइ उच्चारे वा पासवणे वा, तं छंदेणं तुमं देवाणुप्पिया ! एगते अवक्कमिता उच्चारपासवणं परिद्ववेहि। तते णं से धणे सत्थवाहे विजएणं तक्करेणं एवं वुत्ते समाणे तुसिणीए संचिट्ठति । तते णं से धणे सत्थवाहे मुहुत्तंतरस्स बलियतरागं उच्चार- पासवणेणं उब्बाहिज्जमाणे विजयं तक्करं एवं वदासीएहि ताव विजया ! जाव अवक्कमामो। तते णं से विजए तक्करे धणं सत्थवाहं एवं वयासी जइ णं तुमं देवाणुप्पिया ताओ विउलाओ असण ४ संविभागं करेहि ततो हं तुमेहि सद्धिं एगंतं अबक्कमामि । तते णं से घणे सत्थवाहे विजयं एवं वदासी अहं णं तुझं तातो विपुलातो असणा४ संविभागं करिस्सामि । तते णं से विजए घणस्स सत्यवाहस्स एतमट्टं पडिसुणेति । तते णं से विजए धणेणं सत्थवाहेणं सद्धिं एगते अवक्कमेति, [२] उच्चारपासवणं परिट्ठवेति, २ आयंते चोक्खे परमसुइभूते तमेव ठाणं उवसंकमित्ताणं विहरति । तते णं सा भद्दा कल्लं जाव जलंते विपुलं असणं ४ जाव परिवेसेति तते णं से घणे सत्थवाहे विजयस्स तक्करस्स तातो विपुलातो असण संविभागं करेति । तते णं से धणे सत्थवाहे पंथयं दासचेडं विसज्जेति । तते णं से पंथए भोयणपिडयं गहाय चारगाओ पडिनिक्खमति, २ त्ता रायगिहं नगरं मज्झमज्झेणं जेणेव सए गिहे जेणेव भद्दा भारिया तेणेव उवागच्छइ, उवागच्छित्ता भदं एवं वयासी एवं खलु देवाणुप्पिए! धणे सत्थवाहे तव पुत्तघायगस्स जाव पच्चामित्तस्स ताओ विपुलाओ असण ४ संविभागं करेति । तते णं सा भद्दा सत्यवाही पंथयस्स दासचेडस्स अंतिए एयमहं सोच्चा आसुरुत्ता रुट्ठा जाव मिसिमिसेमाणी धणस्स सत्थवाहस्स पओसमावज्जति । तते णं से धणे सत्थवाहे अन्नया कयाइ मित्त-नातिनियग-सयण-संबंधि-परियणेणं सएण य अत्थसारेणं रायकज्जातो अप्पाणं मोयावेति, २ त्ता चारगसालाओ पडिनिक्खमति, २ त्ता जेणेव अलंकारियसभा तेणेव उवागच्छति, २ त्ता अलंकारियकम्मं करेति, २ जेणेव पुक्खरिणी तेणेव उवागच्छति, २ त्ता अह धोयमट्टियं गेण्हति, २ त्ता पोक्खरणिं ओगाहति, २ त्ता जलमज्जणं करेति, २ त्ता हाए कयबलिकम्मे जाव रायगिहं नगरं अणुपविसति, २ त्ता रायगिहं नगरं मज्झंमज्झेणं जेणेव सए गिहे तेणेव पहारेत्थ गमणाए । तते णं तं धणे सत्थवाहं एज्जमाणं पासित्ता रायगिहे नगरे बहवे नगर-निगम-सेट्ठि-सत्थहपभितओ आढंति परिजाणंति सक्कारेति सम्माणेति अब्भुट्ठेति सरीरकुसलं पुच्छंति । तते •णं से धणे जेणेव सए गिहे तेणेव उवागच्छति, २ त्ता जा वि य से तत्थ बाहिरिया परिसा भवति, तंजहा दासा ति वा पेस्सा ति वा भियगा ति वा भाइल्लगा तिवा साविधणं सत्यवाहं एज्जंतं पासति, २ त्ता पायवडिया खेमकुसलं पुच्छति । जा वि य से तत्थ अब्भंतरिया परिसा भवति तंजहा माया ति वा पिता तिवा भायाति वा भगिणी ति वा सा वि य णं धणं सत्थवाहं एज्जमाणं पासति, २ त्ता आसणाओ अब्भुट्ठेति, २ कंठाकंठियं अवयासिय बाहप्पमोक्खं करेति । तते णं से धणे सत्थवाहे जेणेव भद्दा भारिया तेणेव उवागच्छति। तते णं सा भद्दा धणं सत्यवाहं एज्जमाणं पासति, पासित्ता णो आढाति नो परियाणाति, अणाढायमाणी अपरिजाणमाणी तुसिणीया परम्मुही संचिट्ठति । तते णं से धणे सत्थवाहे भद्दं भारियं एवं वदासी किण्णं तुज्झं देवाणुप्पिए ! न तुट्ठी वा, न हरिसे वा नाणंदे वा, जं मए सएणं अत्थसारेण रायकज्जातो अप्पा विमोतिए । तते णं सा भद्दा धणं सत्यवाहं एवं वदासी कहण्णं देवाणुप्पिया ! मम तुट्ठी वा जाव आणंदे वा भविस्सति जेणं तुमं मम पुत्तघायगस्स जाव पच्चामित्तस्स तातो विपुलातो असण ४ संविभागं करेसि। तते णं से धणे सत्थवाहे भद्दं एवं वदासी नोखलु देवाणुप्पिए ! धम्मो त्ति वा तवो त्ति वा कयपडिकइया वा लोगजत्ता ति वा नायए ति वा घाडियए ति वा सहाए ति वा सुहि त्ति ततो विपुलातो असण ४ संविभागे कए, नन्नत्थ सरीरचिंताए । तते णं सा भद्दा धणेणं सत्थवाहेणं एवं वुत्ता समाणी हट्ट जाव असणातो अब्भुट्ठेति, [२] कंठाकंठि अवयासेति, [२] खेमकुसलं पुच्छति, २ त्ता पहाया जाव पायच्छित्ता
YO श्री आगमगुणमंजूषा ६१६ SOYON
6666666666