Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 36

(६) णायाधम्मकहाओ प. सु.
/ २ अ. संघाडे [२५]
********* करेमि । तं न णज्जति णं सामि ! देवदिने दारए केणइ णितिए वा अवहिए वा अक्खित्ते वा । पायवडिए धणस्स सत्यवाहस्स एतमट्टं निवेदेति । तते णं से धणे सत्थवाहे पंथयस्स दासचेडस्स एतमहं सोच्चा णिसम्म तेण य महया पुत्तसोएणाभिभूते समाणे परसुणियत्ते व चंपगपायवे धसत्ति धरणीयलंसि सव्वंगेहिं सन्निवइए । तते गं धणे सत्वा ततो मुहुत्तंतरस्स आसत्थे पच्चागयपाणे देवदिन्नस्स दारगस्स सव्वतो समंता मग्गण-गवेसणं करेति, २ त्ता देवदिन्नस्स दारगस्स कत्थइ सुइं वा खुई वा पउत्तिं वा अलभमाणे जेणेव सए गिहे तेणेव उवागच्छइ, २ त्ता महत्थं पाहुडं गेण्हति, २ त्ता जेणेव नगरगुत्तिया तेणेव उवागच्छति, २त्ता तं महत्थं पाहुडं उवणेति, उवणेत्ता एवं वयासी एवं खलु देवाणुप्पिया ! मम पुत्ते भद्दाए भारियाए अत्तए देवदिन्ने नाम दारए इट्ठे कंते जाव उंबरपुप्फे पि व दुल्लहे सवणयाए, किमंग
पाणयाए ?, ततेणं सा भद्दा देवदिन्नं हायं सव्वालंकारविभूसियं पंथगस्स हत्थे दलाति जाव पायवडिए तं मम निवेदेति । तं इच्छामि णं देवाणुप्पिया ! देवदिन्नस्स दारगस्स सव्वओ समंता मग्गण - गवेसणं कथं । तए णं ते नगरगुत्तिया धणेणं सत्थवाहेणं एवं वृत्ता समाणा सन्नद्धबद्धवम्मियकवया उप्पीलियस रासणपट्टीया जाव गहियाउहपहरणा धणेणं सत्थवाहेणं सद्धिं रायगिहस्स नगरस्स बहूणि अतिगमणाणि य जाव पवासु य मग्गण-गवेसणं करेमाणा रायगिहाओ नगराओ पडिनिक्खमंति, २ त्ता जेणेव जिष्णुज्जाणे जेणेव भग्गकूवए तेणेव उवागच्छंति, २ त्ता देवदिन्नस्स दारगस्स सरीरगं निप्पाणं निच्चेट्टं जीवविप्पजढं पासंति, २ त्ता हा हा अहो अकज्जमिति कट्टु देवदिन्नं दारगं भग्गकूवाओ उत्तारेति, २ धणस्स सत्थवाहस्स हत्थे दलयंति । ४०. तते णं ते नगरगुत्तिया विजयस्स तक्करस्स पयमग्गमणुगच्छमाणा २ जेणेव मालुयाकच्छए तेणेव उवागच्छंति, २ त्ता मालुयागच्छयं अणुपविसंति, २ त्ता विजयं तक्करं ससक्खं सहोढं सगेवेज्जं जीवगाहं गिण्हंति, २ त्ता अट्ठिमुट्ठिजाणुकोप्परपहारसंभग्गमहियगत्तं करेंति, २ त्ता अवउडगबंधणं करेंति, २ त्ता देवदिन्नगस्स दारगस्स आभरणं गेण्हंति, २ त्ता विजयस्स तक्करस्स गीवाए बंधंति, २ त्ता मालुयाकच्छगाहो पडिनिक्खमंति, २ त्ता जेणेव रायगिहे नगरे तेणेव उवागच्छंति, २ त्ता रायगिहं नगरं अणुपविसंति, २ त्ता रायगिहे नगरे सिंघाडग- तिगचउक्क चच्चर-महापह पहेसु कसप्पहारे य लयप्पहारे य छिवापहारे य निवाएमाणा २ छारं च धूलिं च कयवरं च उवरिं पकिरमाणा २ महया २ सद्देणं उग्घोसेमाणा २ एवं वदंति एस णं देवाणुप्पिया ! विजए नाम तक्करे जाव गिद्धे विव आमिसभक्खी बालघायए बालमारये, तं नो खलु देवाणुप्पिया ! एयस्स केति राया वा रायामच्चे वा अवरज्झति, णण्णत्थ अप्पणो सयातिं कम्माई अवरज्झंति त्ति कट्टु जेणामेव चारगसाला तेणामेव उवागच्छंति, २ हडिबंधणं करेति, २ त्ता भत्त-पाणनिरोहं करेति, २ त्ता तिसंझं कसप्पहारे य जाव निवाएमाणा २ विहरति । तते णं से धणे सत्थवाहे मित्त-नाति-नियग-सयणसंबंधि-परियणेणं सद्धिं रोयमाणे जाव विलवमाणे देवदिन्नस्स दारगस्स सरीरस्स महया इड्डीसक्कारसमुदएणं नीहरणं करेति, २ त्ता बहूई लोइयाई मयकिच्चाई करेति, २ त्ता केणइ कालंतरेण अवगयसोए जाते यावि होत्था । ४१. तते णं से धणे सत्थवाहे अन्नया कयाइ लहूसरांसि रायावराहंसि संपलते जाए यावि होत्था, त णं ते नगरगुत्तिया धणं सत्यवाहं गेण्हंति, २ त्ता जेणेव चारगे तेणेव उवागच्छंति, २ त्ता चारगं अणुपविसंति, २ विजएणं तक्करेणं सद्धिं एगयओ हडिबंधणं करेति । तते णं सा भद्दा भारिया कल्लं जाव जलंते विपुलं असणं ४ उवक्खडेति, २ त्ता भोयणपिडए करेति, २ त्ता भोयणाइं पक्खिवति, २ त्ता लंछियमुद्दियं करेइ, २ त्ता एगं च सुरभिवारिपडिपुन्नं दगवारयं करेति, २ त्ता पंथयं दासचेडं सद्दावेति, २ त्ता एवं वदासी गच्छ णं तुमं देवाणुप्पिया ! इमं विपुलं असणं ४ गहाय चारगसालाए धणस्स सत्थवाहस्स उवणेहि । तते णं से पंथए भद्दाए सत्यवाहीए एवं वुत्ते समाणे हट्ठतुट्टे तं भोयणपडियं तं च सुरभिवरवारिपडिपुन्नं वारयं गेण्हति, २ त्ता सयाओ गिहाओ पडिनिक्खमति, २ त्ता रायगिहं नगरं मज्झंमज्झेणं जेणेव चारगसाला जेणेव धणे सत्यवाहे तेणेव उवागच्छति, २ भोयणपिडयं ठवेलि, २, ता उल्लंछेत्ति, २ त्ता भायणाई गेण्es, २ त्ता भायणाई धोवेइ, २ त्ता हत्थसोयं दलयति, २ त्ता धणं सत्थवाहं तेणं विपुलेणं असण ४ परिवेसेति । तत णं से विजए तक्करे धणं सत्यवाहं एवं वदासी तुमं णं देवाणुप्पिया ! मम एत्तो विपुलातो असण ४ संविभागं करेहि । तते णं से धणे सत्थवाहे विजयं तक्करं एवं वदासी अवि याई अहं विजया ! एयं विपुलं असणं ४ कायाण वा सुणगाण वा दलएज्जा, उक्कुरुडियाए वा णं छड्डेज्जा, नो चेव णं तव पुत्तघायगस्स पुत्तमारगस्स अरिस्स वेरियस्स ॐ श्री आगमगुणमंजूषा - ६१५52
फ्र