Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 48

(६) णायाधम्मंकहाओ प. सु. ५ अ. सेलगे / ६ अ. तुम्बे [३७]
ॐॐॐॐॐॐॐ
विणएणं वेयावडियं करेइ । तते णं से सेलयस्स अन्नया कयाइ कत्तियचाउम्मासियंसि विपुलं असणं ४ आहारमाहारिए सुबहुं च मज्जपाणयं पीए पच्चावरण्हकालसमयंसि सुहृपसुत्ते । तते णं से पंथएण कत्तियचाउम्मासियंसि कयकाउसग्गे देवसियं पडिक्कमणं पडिक्कंते चाउम्मासियं पडिक्कमिउकामे सेलयं रायरिसिं खामणट्टयाए सीसे पाएं संघट्टेति । तते णं से सेलए पंथएरं सीसेणं पाएस संघट्टिए समाणे आसुरुत्ते जाव मिसिमिसेमाणे उट्ठेति, २ त्ता एवं वदासी से केस णं भो एस अपत्थियपत्थर जाव वज्जिए जेणं मम सुहपसुत्तं पाएसु संघट्टति ? तते णं से पंथए सेलएणं एवं वुत्ते समाणे भीए तत्थे तसिए करयल [परिग्गहियं दसणहं सिरसावत्तं मत्थए अंजलिं ] कट्टु एवं वदासी अहण्णं भंते! पंथए कयकाउस्सग्गे देवसियं पडिक्कमणं पडिक्कंते चाउम्मासियं खामेमाणे देवाणुप्पियं वंदमाणे सीसेणं पाए संघेट्टेमि, तं खमंतु णं कट्टु सेलयं अणगारं एतमहं सम्मं देवाणुप्पिया ! खंतुमरुहंतु णं देवाणुप्पिया ! भुज्जो भुज्जो खामेति । तते णं तस्स सेलयस्स रायरिसिस्स पंथएणं एवं वुत्तस्स अयमेयारूवे अज्झत्थिए जाव समुप्पज्जित्था एवं खलु अहं रज्जं च [ इत्ता] जाव ओबद्धपीढ [फलग - सेज्जा- संथारए पमत्ते यावि] विहरामि, तं नो खलु कप्पति समणाणं णिग्गंथाणं पासत्थाणं जाव विहरित्तए, तं सेयं खलु मे कल्लं महुयं रायं आपुच्छित्ता पाडिहारियं पीढ-फलग- सेज्जा-संथारगं पच्चप्पिणित्ता पंथएणं अणगारेणं सद्धिं बहिया अब्भुज्जएणं जाव जणवयविहारेणं विहरित्तए । एवं संपेहेति, २ त्ता कल्लं जाव विहरति । ६०. एवामेव समणाउसो ! जाव णिग्गंथो वाणिग्गंथी वा ओसने जाव संथारए पमत्ते विहरति से णं इहलोए चेव बहूणं समणाणं ४ हीलणिज्जे०, संसारो भाणियव्वो । तते णं ते पंथगवज्जा पंच अणगारसया इमसे कहाए लट्ठा समाणा अन्नमन्नं सद्दावेति, २ त्ता एवं वयासी सेलए रायरिसी पंथएणं बहिया जाव विहरति, तं सेयं खलु देवाणुप्पिया ! अम्हं सेलयं उवसंपज्नित्ताणं विहरित्तए । एवं संपेहेति, एवं संपेहित्ता सेलयं रायरिसिं उवसंपज्जिताणं विहरंति । ६१. तते णं ते सेलयपामोक्खा पंच अणगारसया बहूणि वासा सामण्णपरियागं पाउणित्ता जेणेव पुंडरीए पव्वए तेणेव उवागच्छंति, २ जहेव थावच्चापुत्ते तहेव सिद्धा । एवामेव समणाउसो ! जो अम्हं निग्गंथो वा निग्गंथी वा जाव वीतीवइस्सति । एवं खलु जंबू ! समणेणं भगवया महावीरेणं पंचमस्स णायज्झयणस्स अयमट्ठे पण्णत्ते त्ति बेमि ||55|| पंचमं नायज्झयणं सम्मत्तं ॥ 555छट्टं अज्झयणं 'तुंबे ' 555 ६२. जति णं भंते! समणेणं भगवया महावीरेणं जाव संपत्तेणं पंचमस्स णायज्झयणस्स अयमट्ठे पण्णत्ते, छट्ठस्स णं भंते ! नायज्झयणस्स समणेणं जाव संपत्तेणं के अट्ठे पण्णत्ते ?, एवं खलु जंबू ! ते णं काले णं ते णं समए णं रायगिहे समोसरणं, परिसा निग्गया। ते णं काले णं ते णं समए णं स्वमणस्स भगवओ महावीरस्स जेट्टे अंतेवासी इंदभूती नाम अणगारे अदूरसामंते जाव सुक्कज्झाणोवगए विहरति । तते णं से इंदभूती जायसड्ढे जाव एवं बदासी कहणं भंते! जीवा गरूयत्तं वा लहुयत्तं वा हव्वमागच्छंति ? गोयमा ! से जहा नामए केइ पुरिसे एगं महं सुक्कं तुंबं णिच्छिड्डुं निरुवहयं दब्भेहिं य कुसेहिं य वेढेइ, २ त्ता मट्टियालेवेणं लिंपति, २ त्ता उण्हे दलयति, २त्ता सुक्कं समाणं दोच्चं पि दब्भेहि य कुसेहि य वेढेति, २ त्ता मट्टियालेवेणं लिंपति । २ उण्हे दलयइ, सुक्कं समाणं तच्चं पि दब्भेहि य कुसेहि य वेढोति, २ त्ता मट्टियालेवेणं लिंपति । एवं खलु एएणुवाएणं अंतरा वेढेमाणे अंतरा लिपेमाणे अंतरा सुक्कवेमाणे जाव मट्टियालेवेहिं लिंपति, अत्थामतारम॑पोरिसिय॑सि उदगंसि पक्खिवेज्जा, से गूणं गोतमा ! से तुंबे तेसिं अट्ठण्हं मट्टियालेवाणं गरुययाए भारिययाए गरुयभारिययाए उप्पिं सलिलमतिवइत्ता अहे धरणियलपइट्ठाणे भवति, एवामेव गोतमा ! जीवा वि. पाणाति वाएणं जाव मिच्छादंसणसल्लेणं अणुपुव्वेणं अट्ठ कम्मपगडीओ समज्जिणित्ता, तासिं गरुययाए भारिययाए गरुयभारिययाए कालमासे कालं किच्चा धरणियलमतिवतित्ता अहे नरगतलपइट्ठाणा भवंति, एवं खलु गोतमा ! जीवा गरुयन्तं हव्वमागच्छंति | अह णं गोतमा ! से तुंबे तंसि पढमिल्लुगंसि मट्टियालेवंसि तित्तंसि कुहियंसि परिसडियंसि ईसिं धरणियलाओ उप्पतित्ताणं चिट्ठति, तयणंतरं च णं दोच्चं पि मट्टियालेवे जाव उप्पतित्ताणं चिट्ठति, एवं खलु एएणं उवाएणं से तेसु अट्ठसु मट्टियालेवेसु तित्तेसु जाव विमुक्कबंधणे अहे धरणिवलमइवइत्ता उप्पिं सलिलतलपइट्ठाणे भवति । एवामेव गोतमा ! जीवा पाणातिवातवेरमणेणं जाव मिच्छादंसणसल्लवेरमणेणं अणुपुव्वेणं अट्ठ कम्मपगडीओ खवेत्ता
श्री आगमगुणमंजूषा - ६२७ OK
MOTOR