Agam 06 Ang 06 Gnatadharma Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 26

o9555555555555555H (क) णायाधम्मकहाओ पढमो सुयक्खंघो?- अन्झयणं उक्खित पिट्ठको१५)
555555555555%8sog
45555555555555SEXOR
पुरत्थाभिमुहे सण्णिसण्णे । तते णं तस्स मेहस्स कुमारस्स माया ण्हता कयबलिकम्मा जाव अप्पमहग्यामरणालंकियसरीरा सीयं दुरुहति, दुरुहित्ता मेहस्स कुमारस्स दाहिणपासे भद्दासणंसि निसीयति । तते णं तस्स मेहस्स कुमारस्स अंबधाती रयहरणं च पडिग्गहगं च गहाय सीयं दुरुहति, दुरुहिता मेहस्स कुमारस्स वामे पासे भद्दसणं सि निसीयति । तते णं तस्स मेहस्स कुमारस्स पिट्ठतो एगा वरतरुणी सिंगारागारचारुवेसा संगयगयहसियभणियचेट्ठियविलाससंलावुल्लावनिउणजुत्तोवयारकुसला आमेलगजमलजुयलवट्टियअब्भुन्नयपीणरतियसंठितपओहरा हिमरययकुंदेंदुपगासं सकोरेंटमल्लदामं धवलं आयवत्तं गहाय सलीलं ओहारेमाणी ओहारेमाणी चिट्ठति । तते णं तस्स मेहस्स कुमारस्स दुवे वरतरुणीओ सिंगारागारचारुवेसाओ जाव कुसलाओ सीयं दुरुहंति, दुरुहित्ता मेहस्स कुमारस्स उभओ पासिं नाणामणिकणगरयणमहरिहतवणिज्जुज्जलविचित्तदंडाओ चिल्लियाओ सुहुमवरदीहवालाओ संख-कुंद-दगरय-असय-महिय-फेणपुंजंसन्निगासाओ चामराओ गहाय सलीलं ओहारेमाणीओ २ चिट्ठति । तते णं तस्स मेहस्स कुमारस्स एगा वरतरुणी सिंगारा जाव कुसला सीयं जाव दुरुहति, दुरुहिता मेहस्स कुमारस्स पुरतो पुरत्थिमेणं चंदप्पभ-वइर-वेरुलियविमलदंडं तालियंट गहाय चिट्ठति । तते णं तस्स मेहस्स कुमारस्स एगा वरतरुणी जाव सुरूवा सीयं दुरुहति, दुरुहित्ता मेहस्स कुमारस्सपुव्वदक्खिणेणं सेयं रययामयं विमलसलिलपुन्नंमत्तगयमहामुहाकितिसमाणं भिंगारं गहाय चिट्ठति । तते णं तस्स मेहस्स कुमारस्स पिया कोडुबियपुरिसे सद्दावेति, सद्दावेत्ता एवं वदासी खिप्पामेव भो देवाणुप्पिया ! सरिसयाणं सरित्तयाणं सरिव्वयाणं एगाभरणगहितणिज्जोयाणं कोडुबियवरतरुणाणं सहस्सं सद्दावेह, जाव सद्दावेति। तएणं ते कोडुंबियवरतरुणपुरिसा सेणियस्स रण्णो कोडुंबियपुरिसेहिं
सद्दाविया समाणा हट्ठा ण्हाया जाव एगाभरणगहितणिज्जोया जेकामेव सेणिए राया तेणामेव उवागच्छंति, उवागच्छित्ता सेणियं रायं एवं वदासी संदिसह णं की देवाणुप्पिया ! जण्णं अम्हेहिं करणिज्जं । तते णं से सेणिए राया तं कोडंबियवरतरुणसहस्सं एवं वदासी गच्छह णं तुब्भे देवाणुप्पिया ! मेहस्स कुमारस्स * पुरिससहस्सबाहिणि सीयं परिवहह । तते णं तं कोडंबियवरतरुणसहस्सं सेणिएणं रण्णा एवं वुत्तं संतं ह8 मेहस्स कुमारस्स पुरिससहस्सवाहिणिं सीयं परिवहति । तए कणं तस्स मेहस्स कुमारस्स पुरिसहस्सवाहिणिं सीयं दुरूढस्स समाणस्स इमे अट्ठट्ठ मंगलया तप्पढमयाए पुरतो अहाणुपुव्वीए संपत्थिया, तंजहा सोत्थिय
सिरिवच्छ णंदियावत्त वद्धमाणग भद्दासण कलस मच्छ दप्पण जाव बहवे अत्थिया जाव ताहिंइट्ठाहिं जाव अणवरयं अभिणंदंता य अभिथुणंता य एवं वदासी जय जय णंदा ! जय जय भद्दा ! जय जय णंदा ! भई ते, अजियं जिणाहि इंदियादि, जियं च पालेहिं समणधम्मं, जियविग्यो वि य वसाहितं देव ! सिद्धिमज्झे, निहणाहि रागदोसमल्ले तवेण धितिधणियबद्धकच्छो, मदाहिय अट्ठकम्मसत्तू झाणेणं उत्तमेणं सुक्केणं अप्पमत्ते, पावय वितिमिरमणुत्तरं केवलं नाणं, गच्छ य मोक्खं परमं पयं सासयं च अयलं, हंता परीसहचमूणं, अभीओ परीसहोवसग्गाणं, धम्मे ते अविग्धं भवउ त्ति कट्ट पुणो पुणो मंगलजयसई पउंजंति । तते णं से मेहे कुमारे रायगिहस्स नगरस्स मज्झंमज्झेणं णिग्गच्छति, णिग्गच्छित्ता जेणेव गुणसिलए चेतिए तेणामेव उवागच्छति, उवागच्छित्ता पुरिससहस्सवाहिणीओ सीयाओ पच्चोरुभति । २५. ततेणं तस्स मेहस्स कुमारस्स अम्मापियरो मेहं कुमारं पुरओ कट्ट जेणामेव समणे भगवं महावीरे तेणामेव उवागच्छति, उवागच्छित्ता समणं भगवं [महावीरं] तिक्खुत्तो आयाहिणपयाहिणं करेति, करित्ता वंदंति नमसंति, वंदित्ता नमंसित्ता एवं वदासी एस णं देवाणुप्पिया ! मेहे कुमारे अम्हं एगे पुत्ते इढे कंते जाव' जीवियऊसासए हिययणंदिजणए उंबरपुप्फ पि व दुलहे सवणयाए, किमंग पुण दरिसणयाए ? से जहानामए उप्पले ति वा पउमे ति वा कुमुदे ति वा पंके जाए जले संवड्डिए नोवलिप्पइ पंकरयेणं, नोवलिप्पड़ जलरएणं, एवामेव मेहे कुमारे कामेसु जाए भोगेसु संवड्डिए नोवलिप्पति कामरएणं, नोवलिप्पति भोगरएणं । एस णं देवाणुप्पिया! संसारभउव्विग्गे भीए जम्मणजरमरणाणं, इच्छइ देवाणुप्पियाण अंतिए मुंडे भवित्ता अगारातो अणगारियं पव्वइत्तए। अम्हेणं देवाणुप्पियाणं सीसभिक्खं
दलयामो, पडिच्छंतु णं देवाणुप्पिया ! सीसभिक्खं । तते णं समणे भगवं महावीरे मेहस्स कुमारस्स अम्मापिऊहिं एवं वुत्ते समाणे एयमहूँ सम्म पडिसुणेति । तते णं २ से मेहे कुमारे समणस्स भगवओ महावीरस्स अंतियाओ उत्तरपुरस्थिमं दिसीभागं अवक्कमति, अवक्कमित्ता सयमेव आभारणमल्लालंकारं ओमुयति । तते णं सा Mero ### 555555555 श्री आगमगुणमजूषा - ६०५555555555555555555555555xx
SO9所听听听听听听听听听听听听听听听听听听听听听听听听听听听听听听听听听听听听听听听听听听听$$$$2C
明明明明明明明明明明明明明明明明乐乐乐乐国乐乐SC