Agam 03 Ang 03 Sthanang Sutra Part 02 Sthanakvasi

Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti

Page 789

७७४
स्थानाङ्गसूत्रे जोयणसयं आयामेणं पण्णत्ता, पण्णासं जोयणाइं विक्खंभेणं, बोयत्तरि जोयणाई उड् उच्चत्तेणं । तेसिं सिद्धाययणाणं चउदिसिं चत्तारि दारा पण्णत्ता, तं जहा- देवदारे १, असुरदारे २, णागदारे ३, सुवण्णदारे ४, तेसु णं दारेसु चउठिवहा देवा परिवसति, तं जहा-देवा १ असुरा २ नागा ३ सुवण्णा ४। तेसिं णं दाराणं पुरओ चत्तारि मुहमंडवा पण्णत्ता । तेसि णं मुहमंडवाणं पुरओ चत्तारि पेच्छाघरमंडवा पण्णत्ता । तेसि णं पेच्छाघरमंडवाणं बहुमज्झदेसभागे चत्तारि वइरामया अक्खाडगा पण्णत्ता। तेसिणं वइरामयाणं अक्खाडगाणं बहुमज्झदेसभागे चत्तारिमणिपेढियाओ पण्णत्ताओ। तासि णं मणिपेढियाणं उरिं चत्तारि सीहासणा पणत्ता। तेसि णं सीहासणाणं उवरि चत्तारि विजयदूसगा पण्णत्ता । तेसिणं विजयदूसगाणं बहुमज्झदेसमागे चत्तारि वइरामया अंकुसा पण्णत्ता । तेसुणं वइरामएसु अंकुसेसु चत्तारि कुंभिका मुत्तादामा पण्णत्ताओ। तेणं कुंभिका मुत्तादामा पत्तेयं २ अन्नेहिं तदद्ध उच्चत्तपमाणमित्तेहिं चउहि अद्ध कुंभिकेहि मुत्ता. दामेहि सयओ समंता संपरिक्खित्ता। तेसि णं पेच्छाघरमंडवाणं पुरओ चत्तारि माणिपेढियाओ पण्णत्ताओ, तासि ण मणिपढियाणं उपरि चत्तारि २ चेइयथूभा पण्णत्ता। तेसि णं चेइयथूभाणं पत्तेयं २ चउदिसिं चत्तारि मणिपेढियाओ पण्णत्ताओं। तासि णं मणिपेढिआणं उपरि चत्तारि जिणपडिमाओ सव्व रयणामईओ संपलियंकणिसन्नाओ थूमाभिमुहाओ चिटुंति तं जहा-रिसमा १, बद्धमाणा २, चंदाणणा ३, वारिसेणा ४,
શ્રી સ્થાનાંગ સૂત્ર : ૦૨