Book Title: Vasudevhindi Part 2 Author(s): Sanghdas Gani, Chaturvijay, Punyavijay Publisher: Atmanand Jain SabhaPage 17
________________ वसुदेवेण पुंडाए परिणयणं ] दसमो पुंडालंभो । २१३ ततो सो य राया ममम्मि गायमाणे परितोसवियसियाणणकमलो इसीसिपसण्ण-सुंदरमुहो अहियं विराइय (विरायइ)। ___ निधत्ते य महे अकल्लो मि संवुत्तो। नंद-सुनंदेहिं सूएहि सजियं भोयणं । सवायरेण य मे नेच्छियं भोत्तुं । अंसुमंतेण पुच्छिओ-का भे सरीरपीडा जाता? न इच्छसि तो भोत्तुं पत्थमुवणीयं । मया भणियं-जीय समं मे गीयं जिणजागरे 5 तत्थ मे गयं हिययं. समागमकारणवक्खित्तमतिस्स न रोयए भोयणं । एवं भणिए भणति असुमंतो-अजजेह! सो राया, कीस परायत्ता विव बहुँ अजुत्तं भणह ?. अहवा तो तुब्भे भूएण केणई म्हे उग्गा होज-त्ति जंपतो निग्गतो। आणीया अणेण भूयतिगिच्छया । ते अणेण रोयमाणेण भणिया-जहा से पीडा न होइ सरीरस्स तहा सदयं किरियं चिंतेह । ते भणंति-रायउत्त! [मा] अयंडे' छुब्भंतु. तत्थ ठियाण अपस्स-10 माणाणं होमंजण-पाणादीणि करिस्सामो, जहा थेवेण कालेण साभाविओ होइ ति । सो य संलावो मया सुओ, फरुसिओ तजिओ य भीओ य । कयं च णेण विदितं राइणो । सो तुरियं संपत्तो। पडिहारीय मे पणयाय कहियं-आगतो राय त्ति । सो मे सयणीयासण्णे नियगासणे सन्निसण्णो । आलिद्धो अणेण कमलकोमलेण परमसुकुमारेण पाणिणा सिरे ललाडे वच्छदेसे य । 'ण म्हे उम्हा सरीरस्स, निहोस भोत्तवं भोयणं' ति भणंतेणं 15 संदिहा नंद-सुनंदा-उवणेह, काले भुत्तं आरोग्गं करेइ । ततो तस्स वयणेण भुत्तो मि विहीय । अंसुमंतेण य भणियं-वच्चउ राय! त्ति । सो (ग्रंथानम्-६०००) मे आवासस्स निग्गतो। ततो मं पुच्छति अंसमंतो केरिसं म्हे सरीरस्स? किं वा कीरउ ? त्ति । मया भणिओ-सा ते सयमागया मम हिययघरनिवासिणी णिच्छूढा, किं इयाणिं पुच्छसि ? त्ति। सो भणति-किं कीरउ?, एत्थ कओ ? जं एवं असंबद्धं जंपह त्ति।सो मया रोसपलित्तेण 20 तजिओ निग्गओ रोवंतो । अहं पि चिंतयंतो गमेमि कइवए दिवसे। ___ आगंतूण तारगो सेट्ठी विण्णवेइ-जं भणह सामि ! तुम्भे 'कुमारी एस पच्छण्णा कुमारभावं विलंबति' त्ति तं सच्चं. तीय य तुम्हेसु मणो निविट्ठो. कोवा अण्णो तुम्हे मोत्तूण अरिहो रयणाणं? कुणह पसायं. कीरउ भे वरपरिकम्म। मया पडिवणं । कासवेण य कयं नखकम्मं । तारगसहिएण य सीहसेणेण अमचेण विहिणा दिक्खिउ महतीए इड्डीए 25 पाणिं गाहिओ मि पुंडाकुमारीए रईए विव कामो । ततो मणोरहलद्धाए तीए सह पमुदिओ विसयसुहमणुभवामि देवो विव विमाणगओ निरुस्सुओ। सुमरामि य अंसुमंतस्स-सो तवस्सी अविण्णासकारणो मया दुक्खिए सो वि दुक्खिओ. मया मयणवसमुवगएण फरुसिओं गतो कहिं पिहोहिइ-त्ति एवं च चिंतेमि । अवलोयणगएण य मे दिट्ठो नयरमझे बहुजणसाउहकयपरिवारो 'अंसुमंतो एस णिसंसय'ति चिंतेमि य । 'माणणिजो मया असुमंतो, 30 सयणं परिच्चइऊण ममं पवण्णो' त्ति चिंतिय से पेसियं । आगतो य कयंजली पणमिऊण १°इ से उ° शां० ॥ २ °डे तुभं तु शां. विना ॥ ३ °ण जणं अ° शां० ॥ ४ °सं हे शां. विना ॥ Jain Education International For Private & Personal Use Only www.jainelibrary.orgPage Navigation
1 ... 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 ... 228
