Vasudevhindi Part 2

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 168

वसुदेवहिंडीए [रोहिणीप सयंवरो, राईणं जुद्धं,
सत्तावीसइमो रोहिणिलंभो . अण्णया य तीए अणापुच्छाए एगागी निग्गतो कुसलजणनिवेसियं कोसलाजणवयं पबिहो । अदिट्ठा य देवया भणइ ममं-पुत्त वसुदेव! रोहिणी कण्णां तव मया निसट्ठा, सयंवरे तं दटुं पणवं (पन्थानम्-१०३००) वाएज्जासि । तं च मया पडिसुयं । पत्तो मि 5 रिट्ठपुरं भरहप्पहाणणराहिवावासमंडियं । भंडवाइत्तेहिं य समं एगत्थ पएसे संसिओ मि, सुणामि य घोसणं-कल्लं पभायाए रयणीए रुहिरस्स रण्णो दुहिया[ए] मित्तदेवीए अत्तिगाए रोहिणीए कुमारीए सयंवरे सजेहिं नरवईहिं होयत्वं ति । अतिच्छियायं च सबरीए रविपायकमलवणविबोहणसमए पसत्थनेवत्थलच्छिलंच्छिया रायाणो मंचेसु आरूढा। तओ अहमवि पणववजेहिं समं पणवहत्थगतो आरूढो मि एगं मंचं । ततो रोहिणी 10 कंचुइ-महत्तरगपरिवारिया कमल(सकल)ससिमंडलायारकारिणा छत्तेण धरिजमागेण धवल
धुवंतचामरजुयला रती इव बितिया सयंवरभूमी अणुपत्ता । लेहिया से दंसेइ रायाणोजरासंधं ससुयं कंसं धणवयं मम गुरवो पंडु-दमघोस-भेसग-दुपय-सल्ल-सोमग-संजय-चंदाभ सत्तुंजया-पुंड-कालमुह-कविल-पउमरह-सिरिदेवाइ उत्तमकुल-सीला-ऽऽग
म-रूवसंपन्ने । ततो सा सररुहपलोयणा सयलचंदवयणा पओहरकिलंतभरसीयमाणकमलप15लासकोमलचलणुद्धरा रूवाइसयपडिरत्तपत्थिवदिहिमालापरिग्गहिया तेसु असन्जमाणचक्खू
मया पणवसद्देण बोहिया मऊरी विव सलिलगन्भिणंभोदसणपरितोसिया पहासवियसियच्छी कुवलयसिरी विव कमलसरं ममं संसिया । कंठे पुष्फदामेण पडिबद्धो मिणाए, हियए रूवसमुदएण । अक्खये य मे सीसे छोदण संहिया। तो खुहिया रायाणो 'को वरिओ ?'
त्ति अण्णोण्णं पुच्छमाणा । केई भणंति-गोजो वरिओ। 20- एत्यंतरे दंतवक्केण भणियं-रुहिर! जइ ताव कुलेण णाहिगारो कीस एए पहाणवंसा
वसुहाधिपा मेलिया रायाणो । रुहिरेण पडिभणिओ-दिण्णा य (दिण्ण)सयंवरा कण्णा रुइयं वरेइ भत्तारं, एत्थ को दोसो अम्हं ?. इयाणि वा परदारे को वा वियारो कुलीणस्स? त्ति । दंतवको भणइ-मजायाइक्कमो ण जुजइ काउं जइ वि ते दिण्णसयंवरा दुहिया. एयं वरं मोत्तूण खत्तियं एकतरं वरेउ । एवं च जंपमाणो मया पडिभणिओ-किं भो दंतवक ! नामसरिसं ते वक्कमभिहियं परिसं परिभमिऊण? खत्तियाणं किं कुलेस लेहादियाणं सिक्खा पडिसिद्धा? जओ मं पणवहत्थगयं दूसेसि 'अखत्तिओ'त्ति । एवं सोऊण दमघोसेण भणियं-अविण्णायवंसस्स नारिहा कण्णा, एयस्स हाऊण खचियाणुमए होउ ति।
एत्यंतरे विदुरेण भणियं-मा एवं भण, पुच्छिज्जउ एसो पभवं । मया वि भणियं-को कुलकहाकालो त्ति विवयमाणेसु ? बाहुबलं चेव मे कुलं कहेइ त्ति । एयं च सगळं वयणं
१ शा० विनाऽन्यत्र-पणा नवमिया क ३ गो ३ ली ३ । णा नवमया उ० मे०॥ २ °वरेहिं शां०॥ ३ °च्छिछि शा०॥४°धुवंत° सं० उ २॥ ५ °सु आस ली ३॥ ६ लो ३ ससं० विनाऽन्यत्र-कि कलासु शां० । किं कलसु क. मो० गो ३ उ० मे ॥ ७ होऊ शां० विना ॥