Book Title: Vasudevhindi Part 2 Author(s): Sanghdas Gani, Chaturvijay, Punyavijay Publisher: Atmanand Jain SabhaPage 73
________________ भद्दगमहिसस्स य चरियं] सत्तरसमो बंधुमतीलंभो । २६९ पयाहिओ' त्ति पकासो । कुणालेसु तम्मि चेव काले अणेयकोडिधणवई पउरजणसम्मओ रणो जियसत्तुस्स सरीरभूओ कामदेवो नाम सेट्ठी। __ सो य किर कयाइ पढमसरयकाले सालिवणाणि निबद्धसारकणगकविलकणिसभरवामणाणि, पउमसरे विकयारविंदमयरंदलोलछच्चरणमुदियमुणुमुणमणहरसरे पस्समाणो, कमेण पत्तो नियगगोहें पक्कीलमाणतण्णगगिट्टिहुंवरपाणुणाइयगोवीजणमहुरगीयसागरगंभीरतर-5 सणोवसूइज्जमाणत्थाणं । तत्थ य कुसुमधवलियस्स महुकररुयमहुरपलाविणो सत्तिवण्णपायवस्स समीवे हितो दंडगो य गोकुलाहिगारनिउत्तो उवगतो णं । ततो तस्साणुमए ट्ठियाणि । तंदुसमंडवासीणस्स उवणीयं गोवेहिं वयजोग्गं भोयणं । भुत्तभोयणो य कामदेवो दंडगेण सह गो-माहिसं कहेमाणो अच्छइ ।नाइदूरेण एक्को महिसो अतिच्छमाणो दंडएण सहाविओ-भद्दग! एहिं सिग्धं. मम तव य सामि आगतो. उवसप्पसु णं ति । सो य 10 महिसो वयणसममुवगतो सिट्ठिसमीवं । दरिसणेण भयकरो जणस्स । सेट्ठिपासवत्तिणा दंडकेण भणियं-भद्दको एस,मा संकह त्ति । ततो सो महिसोपडिओ जाणूहिं सिरेण य पसारियजीहो। कामदेवेण य गोवो पुच्छिओ-किं एस महिसो पडिओ?. जइजाणसि तो कहेह त्ति । सो भणति-सामि! एस मरणभीरू, साहवएसेण मया दत्तमभयं. इयाणि तुब्भे मग्गइ त्ति । सेट्टिणा य चिंतियं-तिरिओ एस वराओ जीवियप्पिओ अवस्सं जाई-10 सरो होज'त्ति चिंतिऊण भणिओ--भद्दय! निवससु वीसत्थो गोउले, ण ते भयं ति । ततो उढिओ महिसो जहासुहं विहरइ वणे। ___कइवाहेण य सेट्ठी नयरं पत्थिओ । भद्दगमहिसो य तं नाऊण पच्छओ वञ्चति । निवारेति णं सेट्टिकिंकरा । भणिया य सेहिणा-एउ भदओ. जइ अहिप्पेयं मया सह नयरं आगच्छउ. परिपालेह णं, मा णं कोइ पीलेहिइ त्ति । पत्तो य कामदेवो कमेण य 20 णयरं । गिहागएण य संदिट्ठो कोडंबी-जा वल्लहस्स आसस्स वित्ती तं भद्दगस्स वि देजाहि अवियारिय-न्ति । निवसइ य सेट्ठिभवणे भद्दगो अबद्ध-रुद्धो अयंतितो । अण्णया य 'सेट्ठीरायकुलं वच्चइत्ति सुयं भगेण । तओ पच्छओ पहाविओ सेटिस्स । उविग्गो य लोगो भणति-एस जमो महिसरूवी दूरओ परिहरियो त्ति । पत्तो य कामदेवो रायदुवारे य । पडिहारेण पुरिसा संदिहा-निवारेह महिसं ति । ते सिटिणा 25 निवारिया-भद्दओ एस, पविसउ, मा णं निवारेह त्ति। पविट्ठो य चक्खुपहेण पडिओ रण्णो मुद्धाणेण । सेट्ठी कयप्पणामुहिओ राइणा पुच्छिओ-किं एस महिसो एवं ठिओ? त्ति । ततो सेविणा भणियं-एस तुब्भे अभयं मग्गइ भद्दयमहिसो । रण्णा विम्हिएण णिज्झाइओ, भणिओ य-अच्छरियं एयं तिरिएस. भहय! दिण्णो ते अभयो, वच, वीसत्थो मम पुरीए सजणवयाए जहासुहं विहरसु त्ति । अमच्चो य संदिट्ठो-घोसावेह 80 पुरीए-जो दत्तअभयस्स भद्दयमहिसस्स अवरज्झत्ति सो ममं वज्झो जेवपुत्तो वि । तेण १ दूणमंडवासण्णिस्स शां० विना ॥ २ हिं चिरेण य पसायकामो। कामदेवे कसं० शां० विना॥ Jain Education International For Private & Personal Use Only www.jainelibrary.orgPage Navigation
1 ... 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228
