Vasudevhindi Part 2

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 144

३४०
वसुदेवहिंडीए
[संतिजिण
संतिजिणचरियं
तत्थ य सुरलोए विमाणकोससारभूओ सबसिद्धियाणं पि परमतव-नियमनिरयाणं दुल्लहतरे व्व रूव-पासाय-विसयसुहसंपगाढे (?) अहमिंदत्तमणुहविऊण तेत्तीसं सागरोवमाई
मेहरहदेवो चइऊण इहेव भरहे कुरुजणवए हथिणारे नयरे विस्ससेणो राया, तस्स 5 देवी अइरा णाम । ततो तीए सुहसयणगयाए चोदससुमिणदंसणे सुमणाए कुञ्छिसि
उववण्णो। पुबउप्पण्णं च तम्मि विसए दारुणमसिवं कयादरेण वि सएण (राएण) ण त्तिण्णं णिवारेउं । तित्थयरे गन्भे य वट्टमाणे पसंतं । ततो निरुवसग्गा आणंदिया पया । ततो भयवं नवसु मासेसु अईएसु अट्टमेसु राइंदिएसु जिट्टकिण्हतेरसीपक्खणं भरणिजोएणं
जातो। दिसाकुमारीहि य से पसण्णमणसाहिं कयं जायकम्म। सतकउणा य समतिरुयिय10 विउरुब्बियपंचरूविणा मेरुसिहरे अइपंडुकंवलसिलाए चउविदेवसहिएहिं जहाविहिं तित्थयराभिसेएण अभिसित्तो, पिउभवणे य रयणवासं वरिसिऊण णिक्खित्तो। गया देवा नियहाणाणि । अम्मा-पिऊहिं से परितु हिं असिवोपसमगुणं चिंतेऊण कयं नामं संति त्ति ।
सुहेण य देवपरिग्गहिओ वड्डइ सबसुकयपैयत्तदुक्कतेयरपडिरूवसाइसयदेहबद्धो, सारयपडिपुण्णचंदसोमयरवयणचंदो, अइरुग्गयसिसिरकालसूरोव्व तेयजुत्तो पीइजणणो जणस्स, 15 परिओसवित्थरंतऽच्छिकमलमालापीलणवाररहियचिरकालपेच्छणिज्जो (?), नदणवण-मल
यसमुन्भूयकुसुमामोयसुहगंधवाहणर्घाणामयपसादजणणणीहारसुरहिगंधी, पहाणपयपसूयपगरणिकरग्गहियवणलच्छी, बलवगमिगरायसिक्खाणक्खम-लक्खणसत्थाणुकूलसच्छंदललियगमणो, सुरदुंदुहि-सलिलगुरुवारिधरणिणयहिययहरमहुरवाणी, विसुद्धणाणरयणपयासियसुनिउणसत्थनिच्छयविदू, उत्तमसंघयणो, महासत्तो, अणंतविरिओ, दाया, सरण्णो, 20 दयावरो, वेरुलियमणिनिरुवलेवो, देविंदेहिं वि य से कयायरेहिं गुणसायरपारं न सका
गंतुं, किमंग पुण पिहुजणेण ?।। ___ ततो सो जोव्वणं पत्तो पणुवीस वाससहस्साणि कुमारकालं गमेइ । वीससेणेण य रण्णा सयं रायाहिसेएण अहिसित्तो । तस्स य जसमती नाम अग्गमहिसी । दढरहदेवो
य चुओ समाणो तीसे गन्भे उववण्णो जाओ चक्काउहो नाम कुमारो । सो वि य पस25 स्थलक्खणोपचियसबंगो सुरकुमारो विव रूवस्सी सुहंसुहेण परिवठ्ठति । संतिसामिस्स पणुवीसं वाससहस्साणि मंडलियकालो।
अण्णया य से आउघरे चक्करयणं समुप्पण्णं । तस्स य zण कया पूया । ततो चक्करयणदेसियमग्गो, दक्खिणावरदक्खिणेण भरहमभिजिणमाणो, मागह-वरदाम-पभासतिस्थकुमारेहिं पयत्तेहिं सम्माणिओ, सिंधुदेवीए कयपत्थाणो, वेयड्ढकुमारदेवकयपणिवाओ,
१०ओ भवसिद्धि शां० ॥ २ रे व रुव्वदादाविसय शां० ॥ ३ °पव्वत्तदुक्खंतेउरपरिरूव शां०॥ ४ °लपत्थणि शां०॥ ५ °सुब्भिगं° शां०॥ ६ घणोगयपसादंज शां० ॥ ७ पणहाणयपय कसं० शां० विना ॥८हं जिण ली ३ ॥