Upasakdashangasutram

Author(s): Abhaydevsuri,
Publisher: Agamoday Samiti

Page 67

वासया ! तहेव जाव ववरोविजास, तए णं तस्स चुलणीपियस्स समणोवासयस्स तेणं देवेणं दोच्चपि तच्चपि एवं वुत्तस्स समाणस्स इमेयारूवे अज्झथिए ५ अहो णं इमे पुरिसे अणारिए अणारियबुद्धी अणारियाई पावाई कम्माइं समायरइ, जेणं ममं जेटुं पुत्तं साओ गिहाओ नीणेइ २ ता मम अग्गओ घाएइ २ ता जहा कयं नहा चिन्तेइ जाव गायं आयश्चइ, जेणं ममं मज्झिमं पुत्तं साओ गिहाओ जाव सोणिएण य आयश्चइ, जेणं ममं कणीयसं पुतं । साओ गिहाओ तहेव जाव आयश्चइ, जाऽवि य णं इमा ममं माया भद्दा सत्थवाही देवयगुरुजणणी दुक्करदुक्करकारिया तंपि य णं इच्छइ साओ गिहाओ नीणेत्ता मम अग्गओ घाएत्तए, तं सेयं खलु ममं एवं पुरिसं गिण्हित्तपत्तिकटु उद्घाइए, सेऽवि य आगासे उप्पइए, तेणं च खम्भे आसाइए, महया महया सद्देणं कोलाहले कए, तए णं सा | भद्दा सत्थवाही तं कोलाहलसह सोच्चा निसम्म जेणेव चुलणीपिया समणोवासए तेणेव उवागच्छइ २ ता चुलणापियं समणोवासयं एवं वयासी-किणं पुत्ता ! तुमं महया महया सद्देणं कोलाहले कए ?, तए णं से चुलणीपिया समणोवासए । अम्मयं भदं सत्थवाहिं एवं वयासी-एवं खलु अम्मो! न जाणामि केवि पुरिसे आसुरुते ५ एगं महं नीलुप्पल जाव असिं गहाय ममं एवं वयासी-हं भो चुलणीपिया समणोवासया ! अपत्थियपत्थया ४ जइणं तुमं जाव ववरोविजास, अहं तेणं पुरिसेणं एवं वुत्ते समाणे अभीए जाव विहरामि, तए णं से पुरिसे ममं अभीयं जाव विहरमाणं पासह २ ता ममं दोचंपि तच्चंपि एवं वयासी-हं भो चुलणीपिया समणोवासया ! तहेव जाव गायं आयञ्चइ, तए णं अहं तर
Jain Education
dir
nebrary.org