________________
रामचंद देखी रे पंखी सरूप, अचिरजि पाम्यो भूप । रामइ पूछ्यो रे साध त्रिगुप्ति, नामई करउ भवलुप्ति ॥ ८॥ सा० । भगवन भाखो रे ए विरतात, कौतुक चित्तन मात । कहत किम पंखी रे तुम्हारो पाय, पडियो दूर थी आय ।। ६ । सा० दुरगंध देही रे थई क्यों सुगंध, साध कहउ संबंध । साध जी भाखइ रे मधुरी वाणि, राम पूरव भव जाणि ॥१० सा०। राजा हुंतउ रे दंडकी नाम, कडलपुरनउँ सामि । मक्खरि नामारे तसु पटराणि, श्रावक धरमनि जाणि ॥११ । सा०। पिणि मिथ्याती रे राजा तेह, साधसु तसु नही सनेह । एक दिन दीठो रे साध महात, काउसिग रह्यो एकात ।। १२ । सान राजा घाल्यो रे साधु नई कंठि, साप मुयो गलि गंठि' । साधनु देखी रे अगन्यान अंध, राजा करई क्रम बंध ।। १३ । सा०। साधइ कीघउ रे अभिग्रह आप, जा लगि छइ गलई साप । हुँनहिं पालं रे काउसग ताम, रहिस्युं सुद्ध प्रणाम ।। १४ । सा०। राजउ दीठो रे वीजई दीह, तिमहीज साध अवीह । राज्या रंज्यो रे उपसम देखि, वली वयराग विशेपि ।। १५ । सा०। दंडकी राजा रे चितवइ एम, ए मुनि कुंदन हेम । तपसी मोटउ रे ए अणगार, गुणमणि रयण भंडार ।। १६ । सा०। हा मइ कीधो रे मोटा पाप, साधनइ कीधो सताप । हुं महापापी रे आसातनाकार, छुटिसि केण प्रकार ।। १७ । सा०। मै तो जाण्यो रे आज ही मर्म, साचो श्री जिन धर्म । साप उतास्यो रे कंठथी तेह, साधु वाद्या सुसनेह ।। १८ । सा०।
१-लेइ उलठि।
