Shrut Mahapooja

Author(s): Kirtiyashsuri
Publisher: Ramchandrasuri Smrutimandir Anjan Pratishtha Mahotsav Samiti

Page 33

NO.
(૧૦) યોગવિંશિકા ક્રિયામાં પ્રાણ પૂરનાર આ ગ્રંથ ઉપર આચાર્ય ભગવંતે અનેકવાર પ્રવચનો કર્યા અને જડ ક્રિયાને જીવંત બનાવી. ક્રિયા એ જડ નથી; પરંતુ ભાવપ્રાણનું કારણ છે. પણ તેમાં કેવા ભાવ જોઈએ, તે આ ગ્રંથના માધ્યમે તેઓશ્રીએ જણાવ્યું.
(૧૧) પ્રતિમાશતક તેઓશ્રીને ગુણનો અનુરાગ કેવો !! પોતાના પરમ વિરોધી ગણાતા છતાં પૂ. ઉપાધ્યાયજી મ. સા. ના ગ્રંથોનો ભાવાનુવાદ કરનાર માટે કહેતા કે “આ લોકોએ આ ઘણું ઉત્તમ કામ કર્યું છે. ઘણાંને લાભ થશે.” આવા શબ્દો હૈયાની નિખાલસતા વિના શેના નીકળે ?
(૧૨) સૂર્યપ્રજ્ઞપ્તિ સ્મૃતિ કેવી ? એકદા મુહૂર્ત માટે થોડી ચર્ચા થઈ ? દીક્ષા માટે મુહૂર્ત જોવાની શી જરૂર? કેવળજ્ઞાન માટે કોઈ જુએ છે? પૂજ્યશ્રી કહે – આવું ન બોલાય. મિથ્યાત્વ લાગે. પ્રશ્ન થયો કે, કયા શાસ્ત્રમાં લખ્યું છે ? સાહેબે કહ્યું. જુઓ : “સૂર્યપ્રજ્ઞપ્તિમાં આ સ્થાન છે.
(૧૩) અધ્યાત્મોપનિષદ પૂજ્યશ્રીનો અતિ પ્રિય આ ગ્રંથ. પત્ર લખે તો પણ આના શ્લોકનો આશ્રય લે. આત્મપ્રવૃત્તૌ.... અને વ્યાખ્યાનમાં પણ આ જ ગ્રંથનો શ્લોક લે -
आत्मप्रवृत्तावतिजागरुक, परप्रवृतौ बधिरान्धमूकः । सदाचिदानन्दपदोपयोगी, लोकोत्तरं साम्यमुपैति योगी ।।
(૧૪) ત્રિષષ્ટિ શલાકા પુરષ ચરિત્ર પરમાત્મ ભક્તિ પણ આ મહાપુરુષની કેવી ? આ ગ્રંથમાં આવતા ભગવદ્ ભક્તિના શ્લોકોને કંઠસ્થ કરવાનો તેમને આજીવન પ્રયત્ન ચાલુ રાખ્યો હતો ! એક મહિનામાં જવાબદારીઓની બધી પ્રવૃત્તિઓ કરવા છતાં આખો ગ્રંથ વાંચ્યો હતો.
(૧૫) શાંત સુધારસ આ ગ્રંથને પૂજ્યશ્રીએ હૃદયસ્થ કર્યો હતો. તેઓશ્રી વ્યાખ્યાનમાં પણ સતત કહેતાં કે, “અનિત્યાદિ બાર ભાવનાથી હૃદયને ભાવિત કર્યા વિના સંસારથી વૈરાગ્ય ન થાય અને ધર્મમાં મન સ્થિર ન થાય.” વૈરાગ્યભાવને પ્રગટાવવા અને ધર્મમાં મનને સ્થિર કરવા આપણે પણ આ ગ્રંથ વાંચીએ.
પરિચય પુસ્તિકા