Shrut Mahapooja

Author(s): Kirtiyashsuri
Publisher: Ramchandrasuri Smrutimandir Anjan Pratishtha Mahotsav Samiti

Page 71

સુખારંભ=સમ્યગ્દષ્ટિ, બીજો મોહપરાક્રમ=વિરતિધર, ત્રીજો મોહબ્દઃ અપ્રમત્ત, ચોથો પરમજ્ઞાન=સર્વજ્ઞપણું અને પાંચમો બ્રહ્મ (આત્મા) સદાશિવ=સિદ્ધપણું છે. ૩૮. સમ્યક્ત સપ્તતિ ઃ
વિરહાંકિત ગ્રંથોની રચના કરનાર પૂ. આ. શ્રી હરિભદ્રસૂરિ મહારાજે આ ગ્રંથમાં સમ્યક્તના ૬૭ સ્થાનોની વિચારણા ૧૨ અધિકારમાં કરી છે. સમ્યત્વના સ્થાનોનું વર્ણન કરતા પહેલા અયોગ્યને તે ન અપાય, એમ માની સૌ પ્રથમ તેના અધિકારીનું વર્ણન કર્યું છે અને ત્યારબાદ દરેક સ્થાનોનું સ્વરૂપ કથાનકોના માધ્યમે રજૂ કર્યું છે. જેના માધ્યમથી વાંચનારને સરળતાથી પદાર્થોનો બોધ થાય. ૩૯. ચેઈઅ વંદણ મહાભાષ્ય :
વાદિવેતાળ શાંતિસૂરીશ્વરજી મહારાજા રચિત ૮૭૪ ગાથાના આ ગ્રંથમાં ચૈત્ય દેરાસર સંબંધી વિધિ વિસ્તારથી જણાવવામાં આવી છે. ચૈત્યવંદન કરવાનો હેતુ, ચૈત્યવંદનનો અધિકારી, વંદનકાળ, દ્રવ્યવંદન-ભાવવંદનના લક્ષણો, ભેદ, ૧૦ત્રિક, ચૈત્યવંદનથી થતા લાભો, દેવવંદનનો વિધિ, વિધિના સૂત્રોના અર્થો વગેરે બાબતો સવિસ્તાર સહેતુક આ ગ્રંથમાં જણાવવામાં આવી છે. ૪૦. કુવલયમાળા :
પ્રાકૃત ભાષાનાં કથા ગ્રંથોમાં આભૂષણ જેવો આ ગ્રંથ વિ. સં. ૮૩૫ માં શ્રી ઉદ્યોતન સૂ. મહારાજાએ લગભગ ૧૩૦૦૦ શ્લોકપ્રમાણનો બનાવ્યો છે.
આ કથામાં ક્રોધાદિ છ આંતરશત્રુઓનો વિસ્તારથી પરિચય કરાવવામાં આવ્યો છે, સાથો સાથ....
આ કથા કાવ્યનાં રસિકોને જાતજાતનાં વર્ણનોથી અને મહેલીકાઓ (ઉખાણાઓ)થી આનંદિત કરે છે, કથાનાં અનુરાગીઓને રસપ્રદ કથા અર્પે છે, ભાષા વિશારદોને પાઈયઅપભ્રંશ-દ્વાવડી-પૈશાચીદિ ભાષાઓની પણ ઝાંખી કરાવે છે, સાચા સાધુ જીવનનું દિગ્દર્શન કરાવે છે. ૪૧. ઉપમિતિ ભવપ્રપંચા કથા - સંવત-૧૨૦૦ - કર્તા: સિદ્ધર્ષિ ગણિ.
બાહ્ય અને અંતરંગ જગતના બે પ્રકારો છે. બાહ્ય જગત સૌ કોઈ જુએ છે અને જાણે છે, અંતરંગ જગત પોતાની પાસે છે, છતાં તેને જોવાનું અને જાણવાનું કાર્ય લગભગ લોકો કરતાં નથી. અંતરંગ દુનિયામાં શું છે ? કેવા પ્રકારનાં ભાવો આ જગતમાં થાય છે. ક્રોધાદિના ભાવથી આત્મા કેવી રીતે દુઃખી થાય છે અને ક્ષમાદિ સાથેના સગપણથી આત્મા
પરિચય પુસ્તિકા
૬૧