Book Title: Shrut Mahapooja Author(s): Kirtiyashsuri Publisher: Ramchandrasuri Smrutimandir Anjan Pratishtha Mahotsav SamitiPage 94
________________ ૧૪૪. ચારગતિના કારણો : આપણી રોજબરોજની પ્રવૃત્તિ ઉપરથી આપણા ભવિષ્યને જોવા માટેનું દુરબીન એટલે જ “ચારગતિના કારણો.” આ ગ્રંથ વાંચન દ્વારા દુર્ગતિથી બચી - સદ્ગતિની પરંપરા દ્વારા પરમગતિમાં પહોંચી શકાશે. ૧૪૫. પ્રકાશનાં કિરણો : જે સંયમધર્મના આધારે પ્રભુનું શાસન ૨૧000 વર્ષ સુધી ચાલવાનું છે, તે સંયમ ધર્મ અને બાળદીક્ષા સામે સુધારકવાદીઓની વિરોધની જ્વાળાઓને શાંત કરનાર પ્રવચનધારા એટલે જ પ્રકાશનાં કિરણો. ૧૪૬. જૈન રામાયણ : ૧ રામાયણ-રજોહરણની ખાણ” રામચંદ્રજી-લક્ષ્મણજી-સીતા-રાવણ વગેરેનું લોકમાં ગવાતું ચરિત્રનું જૈન શાસ્ત્રોના આધારે જાહેરમાં પ્રવચન એટલે જ “જૈન રામાયણ.” ૧૪૭. સત્યનું સમર્થન પૂજ્યશ્રીની ઉપકારકતા કેવી ! જગતના જીવોની હિત ચિંતા કેવી ? તેઓશ્રી સમજે કે, આ જગતને અનંત દુઃખયુક્ત સંસારથી તારવાની શક્તિ જિનવચનરૂપ શાસ્ત્રમાં છે. આ શાસ્ત્રવચનમાં જો કોઈ ગરબડ થાય તો અનંતા જીવોનું અહિત થાય. આ અહિતને અટકાવવા જ પંડિત બેચરદાસ જેવા સમાજમાં વિદ્વાન ગણાતા હોવા છતાં શાસ્ત્રવચનોમાં જેને ઘણી ગરબડો ઉભી કરી હતી, તે ગરબડોને શાસ્ત્રના પુરાવા સાથે દૂર કરી સત્યનું સમર્થન આ પુસ્તકના માધ્યમે પૂજ્યશ્રીએ કરાવી અનંતા જીવોને હિતનો સાચો રાહ બતાવ્યો છે. ૧૪૮. સનાતન સત્યનો સાક્ષાત્કાર : શાસ્ત્ર અધ્યયન કરી અજીર્ણના રોગથી પીડાતા સુધરેલા ગણાતા સુખલાલજી જેવા પંડિતોએ આવશ્યક સૂત્રો અંગે જે ખોટા અભિપ્રાયો વ્યક્ત કર્યા હતા. તેમાં શાસ્ત્રાધારે સત્ય શું છે, તે જણાવી આવશ્યક સૂત્રો ઉપરનો અનહદ આદર ઉભો કરવાની પરમ કૃપા પૂજ્યશ્રીએ આ પુસ્તકના માધ્યમે કરી છે. પૂજ્યશ્રીના પ્રવચનના તો ઘણા પુસ્તકો પ્રકાશિત થયા છે, પરંતુ તેમને લખેલ પુસ્તકોમાંનું આ એક પુસ્તક છે. શ્રુત મહાપૂજાPage Navigation
1 ... 92 93 94 95 96 97 98 99 100 101 102 103 104
