Shrut Mahapooja

Author(s): Kirtiyashsuri
Publisher: Ramchandrasuri Smrutimandir Anjan Pratishtha Mahotsav Samiti

Page 31

અન્ય ચિત્રો – મુનિ રામવિજયજીનો આછો પરિચય.
-
અન્ય ગ્રંથો . પતન અને પુનરુત્થાન, સંઘ સ્વરૂપ દર્શન, સમ્યગ્દર્શન, ચારગતિના કારણો, આચારાંગ સૂત્ર, સત્યનું સમર્થન, જૈન પ્રજામત દીપિકા, સનાતન સત્યનો સાક્ષાત્કાર, આત્મોન્નતિના સોપાન, શ્રાદ્ધગુણદર્શન, શ્રમણગુણદર્શન, ધર્મસ્વરૂપદર્શન, જૈન પ્રવચન, આર્યસંસ્કૃતિનો આદર્શ, નવપદદર્શન, આત્માને ઓળખો, સાચા સુખની શોધમાં, સાચા સુખનો માર્ગ, કેમ ઉતરશો પાર ?, મુક્તિનો રાજ માર્ગ, ધર્મકા મર્મ, સમ્યક્તપનું સ્વરૂપ, જીવન સાફલ્યદર્શન, મનુષ્ય જીવનની સાર્થકતા, પ્રકાશનાં કિરણો, જિનભક્તિનો મહોત્સવ, અંશ પ્રવચનનો સાર દ્વાદશાંગીનો.
દરેક ગ્રંથો માટેની આ.ભ. શ્રી રામચંદ્ર સૂરિ મ. સા.ની એક રૂપરેખા
(૧) અનુયોગદ્વાર
વડીલો દ્વારા સાંભળ્યું કે ‘અનુયોગદ્વાર’ આગમને ખોલવાની ચાવી છે. ૨૦૦૦ ગાથા પ્રમાણ આગમને માત્ર ૨૦ દિવસમાં તેને કંઠસ્થ કરી લીધું. એટલું જ નહિ પણ એ ૨૦ દિવસમાં ઉપલબ્ધ તમામ ટીકા સાથે એનું વાંચન કરી અજોડ ગુરુકૃપા પ્રાપ્ત કરી. કેવી શ્રુતભક્તિ !!
(૨) ઉત્તરાધ્યયન
પૂજ્યશ્રી ઘણીવાર કહેતાં કે, આ એક જ ગ્રંથમાં એટલી કથાઓ આવે છે, વ્યાખ્યાન કરનાર જો આ કથાઓ કહેવાની રાખે તો તેમને વ્યાખ્યાન માટે બીજી કોઈ કથાની જ જરૂર ન પડે. કથા દ્વારા અધ્યાત્મનો માર્ગ જાણવો હોય તો આપણે પણ તે વાંચવું રહ્યું.
(૩) ૪૫ આગમ
જેઓશ્રીએ સંપૂર્ણ ૪૫ આગમની વાંચના એક જ ચાતુર્માસમાં આપી હતી, તે સ્થળ હતું ભગવાન વીરની નિર્વાણભૂમિ - પાવાપુરી. સાલ હતી : ૨૦૧૨ અને સ્વાધ્યાય ચાલતો હતો નિત્યનો ૭ થી ૮ કલાકનો... ડોલીમાં બેસી વિહાર કરવાનો આવ્યો ત્યારબાદ બે વાર એ મહાપુરુષે ૪૫ આગમ ટીકા સાથે વાંચી લીધા.
(૪) ઉપમિતિ ભવપ્રપંચા કથા
આ ગ્રંથનું વાંચન પૂજ્યશ્રીએ અનેકવાર કર્યું છે. વાંચન નહિ, પરંતુ ગંભીર માંદગીમાં ‘ચિત્તરક્ષા’ના વિષયવાળા આ ગ્રંથના શ્લોકોને કંઠસ્થ પણ કર્યાં છે. પોતાના શિષ્યોને આ ગ્રંથ માટે એવી પ્રેરણા કરાઈ છે કે, તેઓએ અઠ્ઠમ કરીને ત્રણ જ દિવસમાં આખો આ ગ્રંથ જોયો છે.
પરિચય પુસ્તિકા
૨૫