Book Title: Samveg Rangshala
Author(s): Vinayrakshitvijay
Publisher: Shastra Sandesh
View full book text
________________
अद्धत्तेरसलक्खे, रययस्स पणामिउं निवो तेसिं। पीईदाणं तो सिग्घ-मेव करिकन्धरारूढो सयलंतेउरपुरलोय-परिगओ मागहेहिं थुव्वंतो । निक्खंतो णयरीओ, वंदणवडियाए जयगुरुणो दूराउ च्चिय छत्ताइ - छत्तमालोइउं च हिट्ठमणो । पम्मुक्करायचिंधो, पंचविहाभिगमसंजुत्तो ओसरणे पविसित्ता, उत्तरदिसिसंठिएण दारेण । हरिसवसवियसियच्छो, सामिं तिपयाहिणेऊण महिविट्ठचुंबिणा मत्थ-एण पुणरुत्तविरइयपणामो । भालयलारोवियपाणि-पल्लवो थुणिमाढतो जय विमलकेवलालोय - दलियमिच्छत्तभीमतमपसर! । पसरंतुब्भडकलिकाल - मेहविद्दवणखरपवण ! खरपवणबलिंदियतुरय-वग्गनिग्गहणतिहुअणपसिद्ध ! । तिहुयणपसिद्धसिद्धत्थ - रायकुलकमलमायंड ! मायंड्डुड्डामरगुरुपयाव- पडिहयकुतित्थिविप्फुरण ! । रणरोगासिवपसमण-सहेक्कनामग्गहण ! देव ! देविन्दविन्दवन्दिय ! दढरागद्दोसदारुकरवत्ति ! । करवत्तिनिव्वुईसुह! जयसि तुमं जिण ! महावीर ! उवसग्गवग्गनिक्खोभयाए, कह मेरुणोवमा होज्ज । तुह देव ! चलियचलणं-गुलीए हलहलियसिहरेण कह तेजसोमयासु वि, उवमिज्जसि नाह! तं रविससीहिं । दिणरयणीण विरामे - जेसि सिरी दूरमुवरमति कहवा तेण तुलिज्जति, तुह जिण ! गंभीरिमावि जलनिहिणा । जो दुट्ठसत्तकयखोभ-णं पिणो गोविडं तरति इय दूरमसारिच्छे, उवमाणे जइ परं भुवणनाह ! । तुमए च्चिय तुममुवमि-ज्जसि त्ति मह चित्तसंवित्ती एवं थोऊण जिणं, गोयमपमुहे य गणहरे नमिउं । राया पसन्तचित्तो, तयणु निविट्ठो महीवट्ठे
तो
जयगुरुणा नरतिरिय - देवसाहारणाए वाणीए । पारद्धा धम्मकहा, कहिउं पीऊसवुट्ठिसमा कहं
हो देवाणुपिया, जइ विहु तुज्झेहिं जलहिपब्भद्वं । रयणं पिव मणुयत्तं, संपत्तं कहवि तुडिजोगा जइ वि हु मणवंछियसयल - वत्थुसत्थेक्कसाहणसमत्था ! चिन्तामणि व्व भुयदंडचंडिमावज्जिया लच्छी विहु णो पेच्छिज्जति, तुच्छं पि हु पुण्णपगरिसवसेण । इट्ठवियोगाणिट्ठ- प्पओगपमुहं च किंपि दुहं जइ वि हु विसट्टकन्दोट्ट-दामदीहच्छियासु तरुणीसु । उवरमइ न थेवं पि हु, अच्चन्तं गाढपडिबंधो रागद्दोसविउत्तं, खणमेक्कं तह वि माणसं काउं । परिचितह एयाणं, सरूवमिय णिउणबुद्धीए एत्थ भवम्मि पत्तं पि, कह वि मणुयत्तमकयधम्मेण । एमेव हारियं पुण, पाविज्जति कहवि तुडिजोगा पुढवाइएसु जम्हा, जीवो परिवसति कालमस्संखं । तं चेव अनंतगुणं, वणस्सइम्मि गतो सन्तो अण्णासु वि विविहासुं, निंदियजोणीसु णेगवारा तो। जीवस्स भमन्तस्स, कत्तो च्चिय एयसंपत्ती अवि लब्भन्ति समत्थाइं, सेसमणवंछियाइं कज्जाई। सिवसोक्खसाहणखमं, एयं पुण नूण दुल्लभं जावि हुरुकलेस - प्पसाहिया दुक्खरक्खणिज्जा य। सयणनरनाहतक्कर-तक्कुयसाहारणा लच्छी आवयणिबंधणाए संमोहकरीए एगभवियाए । सरयब्भं व चलाए, विहलो तीए वि परितोसो
पिय कपि संप, इट्ठवियोगाइ नावडइ दुक्खं । किंएत्तियमेत्तेण वि, तस्साभावो सया जातो जम्हा सिद्धे मोत्तुं, अण्णो सो नत्थि तिहुयणे वि जणो । सारीरमाणसाइं, जस्स वियंभंति न दुहाई तो च्चिय मुणिवसभा, सव्वं संगं विवज्जिउं दूरे । अब्भुज्जमन्ति भवभीरु - माणसा मोक्खसोक्खत्थं
पुण इट्ठवियोगाइ, नेव थेवं पि होज्ज इह दुक्खं । तो नो करेज्ज दुक्कर- तवचरणं को वि मोक्खकए एयं च चिन्तह दढं, पडिबंधो जो य एस रमणीसु। सो किंपाकफलं पिव, मुहमहुरो अंतविरसो य अस्संखभवपरंपर-परिचयकरी सुहासयविदारी । सुमुणिजणवज्जणिज्जा, मणसा वि य नेव सरणिज्जा
कपि एत्थ वसणं, दुक्खं जं किं पि जं च वयणिज्जं । सव्वस्स तस्स मूलं, एसा च्चिय गिज्जए एक्का भवसायरस्स पारं, ते च्चिय पत्ता पवित्तिया धरणी । तेहिं चिय सच्चरिएण, जेहिं चत्ता इमा दूरं
इय भो महाणुभावा!, सुणिउणबुद्धीए चिन्तइत्ताणं । अणुसरह सरहसं धम्म - सारवावारमणवरयं
१३
॥ ४०८ ॥ ॥ ४०९ ॥
॥ ४१० ॥
॥ ४११ ॥
॥ ४१२ ॥
॥ ४१३ ॥ ॥ ४१४ ॥
॥ ४१५ ॥
॥ ४१६ ॥
॥ ४१७ ॥
॥ ४१८ ॥
॥ ४१९ ॥
॥ ४२० ॥
॥ ४२१ ॥
।। ४२२ ।।
॥ ४२३ ॥
॥ ४२४ ॥
।। ४२५ ।। ॥ ४२६ ॥ ॥ ४२७ ॥
॥ ४२८ ॥
।। ४२९ ।।
॥ ४३० ॥
॥ ४३१ ॥
॥ ४३२ ॥
॥ ४३३ ॥
॥ ४३४ ॥ ।। ४३५ ।। ॥ ४३६ ॥ ॥ ४३७ ॥ ॥ ४३८ ॥
॥ ४३९ ॥ ॥ ४४० ॥
॥। ४४१ ॥ ॥ ४४२ ॥
Page Navigation
1 ... 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 ... 378