________________ પધારો સાહેબજી પધારો સાહેબજી કે તે વહોરાવતા પાનું (તરપણી, ચેતનો વગેરે) બહારથી ખરડાય નહિ, રેલો ઊતરે નહિ, તે માટે પણ ચમચીનો ઉપયોગ (ઉપર જણાવેલી- “પછી કામમાં આવવાની’ શરતે કરી શકાય. કદાચ વહોરાવ્યા પછી દૂધ, દહીં, ઘી, દાળ આદિ પ્રવાહી દ્રવ્યોના છાંટા પડે કે, કોઈ વસ્તુ ઢોળાઈ જાય તો ત્યારે પણ કાચા પાણીનો ઉપયોગ કર્યા વગર વિવેકપૂર્વક સાફ કરવું જોઈએ. - એકાસણું-બેસણું કરવા બેઠાં હોઈએ, અને મહારાજ સાહેબ પધારે. એટલે આપણે બેઠાં બેઠાં જ વહોરાવી શકીએ, બીજાને બોલાવીને પણ વહોરાવી શકીએ. જમતા હોઈએ અને મહારાજ સાહેબ આવે તો હાથ ધોવાય નહિ, બીજી ચોખા હાથથી વહોરાવી શકાય. એ વખતે ડાબા હાથે વહોરાવવામાં પણ કોઈ જ વાંધો નથી. પગમાં બૂટ | ચંપલ | સેન્ડલ વગેરે પગરખાં હોય તો તરત જ તે ઊતારીને વહોરાવવાનો વિવેક કે ભાવ અવશ્ય રાખવો જોઈએ. ઘરનાં સ્લીપર્સ કે એવાં બીજાં કોઈપણ પગરખાં વહોરાવતી વખતે પહેરેલાં તોય તો તે ન ચાલે. આજે કેટલાક બાળકોના પગરખાંમાં ઇલેક્ટ્રોનિક લાઈટો અને સાઉન્ડ સિસ્ટમ મૂકેલી હોય છે. તેનાં પગરખાં ઊતાર્યા બાદ પણ એના હાથે ન વહોરાય. બહેનો જો એમ.સી. માં હોય, તો ભલે પોતે ન વહોરાવી શકે પણ આજુબાજુમાંથી જૈન-અર્જન કોઈને પણ બોલાવીને એમના હાથે તો ચોખ્ખી રસોઈ; સૂકી ચીજ વગેરે પણ વહોરાવડાવી જ શકે છે. એમ.સી.માં બહેનોથી રસોઇ તો શું, કોઇપણ ઘરકામ ન કરાય. ઘણા સ્થલે એમ.સી. પળાતી નથી. તેવા ઘરોમાં બહેને પોતે જ રસોઈ કરી હોય તો તે પૂજયોને ન ચાલે. એમ.સી.વાળી સ્ત્રીનું મુખદર્શન કરવું, તેની જોડે વાર્તાલાપ કરવો મહાત્માઓ માટે વર્જિત છે. માટે સ્ત્રીઓએ તે અંગેનો ઉચિત વ્યવહાર કડકાઇથી પાળવો હિતાવહ છે. ગર્ભવતી બહેનને છેલ્લો મહિનો ચાલતો હોય અને મહાત્મા ગોચરી પધારે ત્યારે એ બેઠી હોય તો, એની પાસે વહોરાવવાની કોઈ વસ્તુ હોય તો એ બેઠી બેઠી વહોરાવી શકે છે. એને કોઈ વસ્તુ લાવી આપે તો પણ એ બેઠી બેઠી વહોરાવી શકે છે. તેને તથા ગર્ભને કોઈ તકલીફ ન પડે તેવી રીતે વહોરાવે, તો દોષનું કારણ નથી. એને હલન-ચલન, ઊઠ-બેસ કરવી પડતી હોય તો તેની પાસે કોઇ પણ વસ્તુ ન વહોરાય. વહોરાવવાની ભાવના : ઘણાને વહોરાવવાની ગતાગમ ન હોવાથી પૂરતું બનેલું હોવા છતાં ઓછું-ઓછું જ વહોરાવે. એમ ન સમજે કે “મારો ખોરાક ભલે ઓછો હોય, પણ મહારાજ સાહેબ તો એકાસણાદિ કરતા હોય કે, ઘણા બધા (મોટા સમુદાય) માટે પણ ગોચરી વહોરવાની હોય, વગેરે કારણે એમને તો વધુ વહોરવાનું હોઈ શકે છે.' એટલે તમારો ભાવ તો એવો જ હોવો જોઈએ કે, “મહારાજ સાહેબના પાત્રામાં આપણી બધી જ રસોઈ વહોરાવી દેવી. આવો લાભ ક્યારે મળવાનો?” એટલે ધારો કે 10 રોટલી તૈયાર હોય, તો દસે દસ એક-સાથે ઉપાડી વહોરાવવાની તૈયારી રાખવી. મહારાજ સાહેબ એક જ જગ્યાએથી વિશિષ્ટ કારણ અથવા સંયોગ સિવાય આ રીતે બધી જ રોટલી નહિ વહોરે; ના જ પાડશે, પણ વહોરાવીને ય અથવા માત્ર ભાવથી વિનંતી કરતાં જ પુષ્કળ લાભ મળી જશે, માટે તમારે વહોરાવવામાં કચાશ ન રાખવી. એવું જ શાક-દાળ-ભાત વગેરે બધામાં સમજી લેવું, અને જો પૂરો લાભ મળી પણ જાય તો ભોજનના એ અવસરે ઘરમાં તૈયાર કોઈ બીજી પડેલી સૂકી વસ્તુથી ચલાવી લેવું પણ ફરી કંઈ નવું ન બનાવવું કે જેથી મહારાજ સાહેબને શ્રાવકે નવું બનાવવું પડ્યું - તે અંગેનો કોઇ દોષ લાગે. વળી, વહોરાવ્યા પછીનું વાસણ સીધું ધોવામાં ન લેવું, બીજીમાં ઉપયોગ કરી શકાય. હાથ પણ સચિત્ત પાણી કે ભીના કપડા વગેરેથી સાફ ન કરવા. વિનંતિ તમારી, નિર્ણય સાધુ ભગવંતનો : ‘મહારાજ સાહેબને કઈ વસ્તુ ચાલે અને ન ચાલે ?" એમાં કેટલીક વાર એવું હોય કે જુદા જુદા ગચ્છો-સમુદાયો-ગ્રુપોની સામાચારી કે પ્રણાલિકા જુદી જુદી હોય, એટલે એવી બાબતમાં શ્રાવકે એકદમ આમ જ ચાલે, આમ ન ચાલે - તેવો એકાંત નિર્ણય ન બાંધવો. કેટલાક સમુદાય ટામેટાં વાપરે, કેટલાક નહીં.... * કેટલાક બાર તિથિ લીલોતરી ત્યાગે, કેટલાક પાંચ તિથિ ત્યાગે.... * કેટલાકને કિસમિસ (દ્રાક્ષ) ખપે, કેટલાકને નહીં.... * કેટલાક સફરજન વાપરે, કેટલાક ન વાપરે.. વસતિદાનથી દેવલોક, ઋષિ, ઉચ્ચકુળમાં જન્મ અને સુંદર ભોગની પ્રાપ્તિ થાય છે. (ઉત્ત. ટીકા) સુપાત્રને યોગ્ય આસનાદિ ધર્મોપકરણ વિધિપૂર્વક આપવું જોઈએ. (ઉત્ત. ટીકા)
