________________ પધારો સાહેબજી 51 પધારો સાહેબજી તો તમને દરેક ગુરુ-ભગવંતનો પરિચય થાય, એમનો શું સ્વાધ્યાય ચાલે છે? તેનો ખ્યાલ રહે, એમના સંયમ-યોગોનો ખ્યાલ રહે અને એમનાં વિનય-વૈયાવચ્ચાદિ પણ થાય, અવસરે સાધુ ભગવંતની દવા દીકરાને આપો અને દીકરાને કહો, ‘જા, બેટા ! આ દવા ગુરુ ભગવંતને આપી આવ.” એ દવા આપવા આવે તો એને ગુરુ ભગવંતનો પરિચય થાય અને ઉપાશ્રયમાં આવતો થઈ જાય. આ રીતે દવા પણ નિદોંષ હોઈ શકે. સભા : ઔષધિ નિર્દોષ કેવી રીતે બને ? ઘણી રીતે થાય. જે રોગથી જે શ્રાવકો પીડાતા હોય તેની દવા પ્રાયઃ કરીને તેમના ઘરમાં હોય જ, તેવા શ્રાવકો સાધુ-સાધ્વીજી પાસે આવીને વિનંતી કરે કે, “ભગવંત ! મને-અમને આટલા-આટલા રોગો છે, આવા આવા ઉપચાર કરીએ છીએ, એ માટે મારા ઘરમાં આટલી આટલી દવાઓ તો હંમેશા હોય જ છે. આપને ખપ હોય તો સેવકને લાભ આપજો.’ “સાહેબ ! હું હાર્ટનો પેશન્ટ છું, આટલી આટલી દવા માટે નિયમિત લેવાની હોય છે, મારે ત્યાં સોળંટ્રિડ હંમેશા હોય છે. ભગવંત આપને ખપ હોય તો એનો લાભ મને જ આપો.' “સાહેબ! હું ડાયાબીટીસ (Diabitis) નો પેશન્ટ છું. મારે આટલીઆટલી દવા નિયમિત લેવાની હોય છે, કોઈ મહાત્માને ડાયબીટીશ હોય તો મારા ઘરે નિર્દોષ દવા અને અનુપાન હોય જ છે તો ભગવંત ! મને જ લાભ આપજો.’ સાહેબ ! લાગે છે કે આપને કોલેસ્ટ્રોલ વધી ગયો છે. આમાં આટલી આટલી દવાઓ લેવાની હોય છે, આપનું પ્રિસ્ટીશન તો બતાવો. આમાં લેવાની દવા મારા ઘરે ઉપલબ્ધ છે. ભગવંત! ખપ હોય તો લાભ આપજો'. સાહેબ ! માંદગીના કારણે મારા ઘરે બધું શેકેલું અને મોળું જ બને છે. સાહેબ ! ફુટ પણ હું કાયમ લઉ છું. મારે સચિત્તનો ત્યાગ છે માટે મારે ત્યાં મારા માટે જ સુધારેલ ફુટ હોય છે, ભગવંત ! કોઈ બીમાર મહાત્માને ખપ હોય તો લાભ આપજો'. સાહેબ ! કોલેસ્ટ્રોલને કારણે મારા ઘરે બધું બાફેલું જ બને છે. ઘીતેલનો વધાર પણ નથી કરતાં. મરચાં પણ નથી વાપરતાં, કોઈ મહાત્માને ખપ હોય તો અમને લાભ આપજો'. સાહેબ! બ્લડ પ્રેશરના કારણે મારા ઘરે મીઠા વગરની કે ઓછા મીઠાવાળી જ વસ્તુ બને છે. આપને ત્યાં કોઈ મહાત્માને બ્લડપ્રેશરની બીમારી હોય અને આવી વસ્તુનો ખપ હોય તો સેવકને લાભ આપજો.’ આવી આવી રીતે નિર્દોષ લાભ તમે લઈ શકો કે નહિ ? કાળજી-વિવેક માગે છે : તમે અમારી કાળજી રાખો છો, પણ અમારા સંયમની કાળજી નથી રાખતા. અમારા કરતાં પણ અમારા સંયમની કાળજી વધારે રાખવાની છે. આ ભક્તિનો શાસ્ત્રીય માર્ગ સમજો અને સમજીને અમલમાં લાવો તો તમે આજે ય ઘણું બધું કરી શકો છો. સાધુ-સાધ્વીજી ભગવંતોની નિર્દોષ ભક્તિથી એમના સંયમને જાળવવામાં સહાયક બનવાનો ઘણો બધો લાભ તમે મેળવી શકો છો. આજે જો તમે વિવેક રાખતા હોત તો અમારે સંનિધિ નામનો દોષ ન લગાડવો પડ્યો હોત. ‘સંનિધિ” એટલે શું ? એની પણ ઘણાને સમજણ નથી. સાધુ-સાધ્વીજી ભગવંતો પોતાની માલિકીકબજામાં રાતના સમયે એક નાનકડી બામની શીશી પણ ન રાખી શકે. વા હોય ને ચોપડવાનું ગરમ તેલ જરૂરી હોય તો ય એની બાટલી સાધુથી પોતાની પાસે ન રખાય. જેમ આહાર-પાણીનો સંનિધિ ન કરાય તેમ ઔષધિ, લેપ, તેલ આદિનો સંનિધિ પણ અમારે ન કરાય. આ શાસ્ત્રનો મૂળભૂત માર્ગ છે પણ આજે શ્રાવકોને ત્યાં લેવા જઈએ તો આમાંનું કાંઈ નિર્દોષ ન મળે. કેટલાક તો આવીને અમને કહે, “સાહેબ ! ક્યાં આ બધી પલોજણ કરવી ? સાહેબ! તમે ચિંતા નહિ કરતાં. હું મેડીકલ સ્ટોરવાળાને કહી રાખીશ. આપણા માણસને મોકલી આપો. આપને જે દવા જોઈએ તે આપી દેશે, પછી એની સાથે હું સમજી લઈશ.' સભા : વેયાવચ્ચખાતું પણ ચાલતું હોય છે. હા, તમે હવે એ જ કરવાના. તમે ભગવાન પૂજારીને સોંપ્યા, મહારાજ મહેતાજીને સોંપ્યા અને જ્ઞાનભંડાર ભંડારીને સોંપ્યો. તમારો કોઈ પણ વસ્તુ સાધુ ખરીદીને લેતા નથી. (દશ.) દોષવાળી ગોચરી વાપરવાના કારણે સાધુ દુર્ગતિમાં જાય છે. (ઉત્ત.)
