________________ પધારો સાહેબજી 63 પધારો સાહેબજી 64 એવી જિનાજ્ઞા બતાવી છે. જૂના ગ્રંથોમાં એ માટેનો પાઠ આ રીતે આપેલો "इच्छकारी भगवन् ! पसाओ करी फासएणं एसणिज्जेणं असणपाण-खाइम-साइमेणं वत्थ-पडिग्गह-कंबल-पायपुंछणेण पाडिहारिअपीठ-फलग-सिज्जा-संथारेण ओसहभेसज्जेण य भयवं ! अणुग्गहो વળ્યો !" ઇચ્છું છું હે ભગવંત ! કૃપા કરીને મને પ્રાસુક અને ખપે એવા અશન-પાન-ખાદિમ-સ્વાદિમ-વસ્ત્ર-પાત્ર-કંબલ-આસનના સ્વીકાર દ્વારા, ટેકા માટેનાં પીઠ, પાટિયાં, ઉપાશ્રય અને સંથારાના સ્વીકાર દ્વારા અને ઔષધભેષજના સ્વીકાર દ્વારા હે ભગવંત ! મારા ઉપર અનુગ્રહ કરજો !" ઇચ્છકાર સૂત્રમાં બધી પૃચ્છા સામાન્યથી આપવામાં આવી છે. આજે તો અમને ભળાવી દે મહેતાજીને, સાહેબ! મહેતાજીને કહી દઉં છું, કાંઈ જરૂર હોય તો કહી દેજો ! એટલે ભગવાનને ભળાવ્યા પૂજારીને, પુસ્તકોને ભળાવ્યાં ભંડારીને, સાધુ-સાધ્વીજીને ભળાવ્યા પેઢીના મહેતાજી કે મુનીમને; તો પછી તમારે શું કરવાનું ? તમને ખબર પડે કે મહાત્મા બીમાર છે, ઔષધની જરૂર છે. સામાન્ય શ્રાવક પોતે ન લાવી શકે તો શ્રીમંત શ્રાવક પાસે જઈને પણ ઔષધ મેળવી આપે. એ ઔષધ પણ મુખ્યત્વે નિર્દોષ જ જોઈએ. તમારા ઘરમાં તમારા માટે આવેલ ઔષધ મુનિ માટે નિર્દોષ ગણાય, તાવ આવ્યો અને ક્રોસિન જોઈએ તો તમારે ત્યાંથી નિર્દોષ મળી જાય. સામાન્ય સામાન્ય રોગની દવા લગભગ આ રીતે મળી જાય. ક્યારેક વિશેષ રોગોની દવા પણ મળી શકે. હાર્ટએટેકનો દર્દી શ્રાવક હાર્ટએટેકના દર્દી મુનિને એ રોગની દવા નિર્દોષ આપી શકે. એવું ઘણી બધી બાબતોમાં બની શકે. દવાના વેપારીઓ જૈન હોય, અન્ય ધર્મના ભદ્રક જીવો હોય તેમની દુકાનોમાંથી પણ જરૂરી દવા નિર્દોષ મળી શકે. આ માટે બુદ્ધિ-સમયાદિનો ભોગ આપવો પડે. જેમ ઔષધ વગેરે નિર્દોષ મેળવીને ગુરુ ભગવંતની ભક્તિ કરવાની છે તેમ આહાર-પાણી-વસ્ત્ર-પાત્ર-વસતિ વગેરે જે જે વસ્તુઓ કે ઉપકરણો સાધુ સાધ્વીજીનાં સંયમની આરાધના માટે જરૂરી હોય તે સઘળું પણ નિર્દોષ મેળવીને ભક્તિ કરવાની છે. સુપાત્રમાં જે દાન આપો, તે નિર્દોષ દ્રવ્યનું આપો ! આજે તો આવીને અમને કહે, સાહેબ ! અમે ભલે રાત્રે ખાઇએ, પણ આપના માટે સાજે પાંચ વાગે બધી રસોઈ બનાવીને તૈયાર રાખી છે, લાભ આપજો ! મહારાજ બિચારા સાંજે વહોરવા ક્યાં જાય ?' મહારાજ સાહેબ ! ગામમાં કોઈ ઉકાળેલું પાણી પીતું નથી, પણ આપ ચિંતા ન કરશો. આપના માટે પાણી ઉકાળીને તૈયાર રાખ્યું છે.’ આ સેવા નથી, આમાં કાર્ય થયું, પણ સેવા ન થઈ. સાધુ-સાધ્વીનાં કાર્ય થઈ જવાં, પોતે એ કરી જવાં એ પર્યાપ્ત નથી, એ નિર્દોષ રીતે થવા જોઈએ. એમનાં સંયમમાં બાધ ન પહોચે તે રીતે થવાં જોઈએ. એનાથી તેમને શ્રાવકને અગણિત ભાવની વૃદ્ધિ વગેરે લાભો થવા જોઈએ. જે પણ કાર્ય થાય તે શક્યતમ દોષરહિત થાય એ જરૂરી છે. એ માટે તમને શ્રાવકને ય સાધ્વાચાર અંગેનું સારું એવું જ્ઞાન જોઈએ, સાથે શ્રાવકના ઉત્તમ આચારોનું પણ જ્ઞાન અને અનુભવ જોઈએ. તમને થવું જોઈએ કે, હું કેવું જીવન જીવું, હું કેવું જીવન બનાવું કે મને નિર્દોષ લાભ મળે ? એની વિચારણા થવી જોઈએ અને તેને અનુરૂપ તમારી આચારસંહિતા થવી જોઈએ. ઘરમાં બધાને રાત્રિભોજનનો ત્યાગ હોય, તો શ્રાવક સાધુ ભગવંત પાસે આવીને કહે કે, “ભગવંત ! અમારા ઘરમાં બધાને રાત્રિભોજનનો ત્યાગ છે. ઘરમાં રસોઈ રોજ વહેલી બની જાય છે, તો આ સેવકને ત્યાં સાંજની ગોચરીનો લાભ આપજો ." - ઘરમાં બધા ઉકાળેલું પાણી પીતા હોય તો આવીને કહે, “સાહેબ ! ઘરમાં બધા ઉકાળેલું પાણી પીવે છે, મહેમાનને પણ અમારે ત્યાં ઉકાળેલું પાણી જ અપાય છે. કાચા પાણીનું માટલું અમારા ઘરમાં નથી, અમારે ત્યાં હંમેશા ઉકાળેલું પાણી હોય છે. સેવકને નિર્દોષ પાણીનો લાભ આપજો.” સુપાત્રદાન મોક્ષ પદ પ્રાપ્ત કરાવે છે. સિંદૂ. પ્ર.) વિનંતી કરી ઘર પર બોલાવી કરેલું સુપાત્રદાન ઉત્તમ કહેવાય છે. (સુભા.)
